ტრანსფერები-ONLINE: ნეიმარის დედლაინი, დიბალა მანჩესტერში, ნაპოლის იკარდი მოუნდა

13:08 „დერბიმ” დაუმიზნა „არსენალის” საყრდენს კრისტიან ბელიკს. პოლონელი შეფასებულია 11 მილიონ ევროდ. (Daily Telegraph)

13:14 „ნაპოლი” ჩაერთო უილფრიდ ზაჰასთვის ბრძოლაში. იტალიელები მზად არიან „კრისტალ პალასის” შემტევში 66 მილიონი ევრო გადაიხადონ.

13:21 ურუგვაელი საყრდენი ნაიტან ნანდესი მალე „კალიარის” უნდა შეუერთდეს. იტალიური კლუბში მასში 16 მილიონ ევროს იხდის.

13:49 „ბარსელონა” ერთი კვირაა ცდილობდა ხუნიორ ფირპოს შეძენას და როგორც ჩანს, საბოლოოდ მოელაპარაკა „ბეტისს”.

15:02 ოფიციალურად! „ბორნმუთმა” 15 მილიონად შეიძინა „ბრიუგედან” განაპირა ფორვარდი არნო დანჟუმუ. კონტრაქტი ხუთწლიანია.

15:22 ოფიციალურად! „ლილმა” 15 მილიონი გადაუხადა „შარლერუას” ცენტრალურ ფორვარდ ვიქტორ ოსიმჰენში. 20 წლის ნიგერიელთან ხუთწლიანი კონტრაქტი გაფორმდა.

15:34 „მანჩესტერ იუნაიტედის” მცველი აქსელ ტუანზებე „ნიუკასლს” უნდა. ინგლისის ახალგაზრდული ნაკრების ფეხბურთელს მხოლოდ იმ შემთხვევაში გაუშვებენ, თუ „იუნაიტედი” „ლესტრიდან” ჰარი მაგუირს შეიძენს.

16:05 ოფიციალურად! არგენტინის ნაკრების 31 წლის მეკარემ აგუსტინ მარკეზინიმ მექსიკური „ამერიკა” „პორტუთი” შეცვალა, სადაც იკერ კასილიასი უნდა ჩაანაცვლოს. პორტუგალიურ კლუბთან კონტრაქტი ოთხწლიანია, ტრანსფერის თანხა - რვა მილიონი ევრო.

16:52 ოფიციალურად! „ასტონ ვილამ” ბრიუგედან” 12 მილიონ ევროდ შეიძინა მარველოუს ნაკამბე. ის ხუთი გადადის ინგლისში. ბირმინგემულმა კლუბმა ამ ზაფხულს 123 მილიონი ევრო დახარჯა ახალ ფეხბურთელებზე.

16:57 „არსენალის” კიდევ ერთი შენაძენი შეიძლება გახდეს „ვესტ ბრომვიჩის” ცენტრალური მცველი ისუ დიოპი. ამ ფეხბურთელში 72 მილიონ ევროს ითხოვენ და მასზე „მანჩესტერ იუნაიტედიც” აცხადებს პრეტენზიას.

17:07 „პარი სენ-ჟერმენმა” დედლაინი დაუთქვა ნეიმარის მსურველებს - ბრაზილიელის შეძენა 10 აგვისტომდე იქნება შესაძელებელი, თანაც ახალ თანხად - 300 მილიონად. (L’Equipe)

17:08 ოფიციალურად! „მილანმა” 20 წლის ფორვარდი რაფაელ ლეაო შეიძინა „ლილიდან”. „როსონერიმ” ამ ტრანსფერისთვის 30 მილიონი ევრო გადაიხადა. ბრაზილიელმა ხუთწლიანი კონტრაქტი გააფორმა და მე-17 ნომრით ითამაშებს.

17:24 El Chiringuito-მ საკუთარ „ტვიტერზე” დაწერა, რომ საფრანგეთში დარწმუნებულნი არიან - ნეიმარი „პარი სენ-ჟერმენში” აღარ ითამაშებს.

17:44 „მანჩესტერ იუნაიტედი” დათანხმდა ჰარი მაგუაირში 88 მილიონი ევროს გადახდას. 26 წლის მცველის ტრანსფერი სულ მალე შედგება და მაგუაირი გახდება ფეხბურთის ისტორიაში ყველაზე ძვირად ღირებული მცველი. (Sky Sports)

18:12 პაულო დიბალასთვის ბრძოლაში ჩაება „ინტერი”. წყაროს ცნობით, არ არის გამორიცხული მისი გაცვლა ჯანმრთელ მაურო იკარდიში. ამასობაში, გაირკვა დიბალასა და მუარიციო სარის საუბრის დეტალები. „იუვეს დამრიგებელმა არგენტინელს უთხრა, რომ რომელუ ლუკაკუ უკეთესი პარტნიორი იქნება კრიშტიანო რონალდოსთვის, ამიტომაც „მანჩესტერ იუნაიტედში” ტრანსფერზე ნება დართო.

18:34 რამდენიმე დღის წინ, ინგლისს სტუმრობდა მემფის დეპაი - „მანჩესტერ იუნაიტედში” შესაძლო დაბრუნებასთან დაკავშირებით ან „ტოტენჰემში”გადასვლასთან დაკავშირებით. (Daily Mirror)

18:49 ოფიციალურად! „პარმამ” 2.5 მილიონ ევროდ შეიძინა „პესკარას” ნახევარმცველი გასტონ ბრუგმანი.

19:09 „ნაპოლიმ” 60 მილიონი ევრო შესთავაზა „ინტერს” იკარდისთვის, თუმცა მილანელებს სურთ 80 მილიონი მიიღონ. (Corriere dello Sport)

19:28 „პარი სენ-ჟერმენი” „იუვენტუსიდან” მარიო მანჯუკიჩს იყიდის - ეს იმ შემთხვევაში მოხდება, თუ ერიკ მაქსიმ ჩუპო-მოტინგს „გალათასარაიში” გაექცევა. (Soccer Link)

19:43 ოფიციაურად! ნიკოლა პეპე „არსენალის” ფეხბურთელი გახდა - 80 მილიონით ლონდონურმა კლუბმა სატრანსფერო რეკორდი დაამყარა.

19:53 „ბორდოს” სურს არგენტინის ნაკრების განაპირა ფორვარდის კრისტიან პავონის შეძენა, რომელიც „ბოკა ხუნიორსის” ფეხბურთელია. (L’Equipe)

20:03 ერთ დროს „ბარსელონას” ერთ-ერთი მთავარი იმედი ბოიან კრკიჩი ლაპარაკობს „გიმარაეშის” მხრიდან ინტერესის შესახებ.

20:17 „მანჩესტერ სიტი” ისევ გამოჩნდა სატრანსფერო ბაზარზე, რადგან განაახლებს შეწყვეტილ მოლაპარაკებებს „იუვენტუსთან” ჟოაო კანსელოს ტრანსფერზე. ფეხბურთელი 60 მილიონი ევრო ღირს.

20:15 ედინსონ კავანი არ აპირებს ამ ზაფხულს „პარი სენ-ჟერმენიდან” წასვლას. (La Gazzetta dello Sport)

20:25 ოფიციალურად! „უოტფორდის” 21 წლის ნახევარმცველი დოდი ლუკებაკიო ბუნდესლიგაში გადადის სათამაშოდ. მასთან ხუთწლიანი კონტრაქტი გააფორმა „ჰერტამ”.

20:38 „ნიუკასლმა” შეათანხმა „რენიდან” ალან სენ-მაქსიმენის გადასვლა. ინგლისურ კლუბს ფეხბურთელი 18 მილიონი ევრო დაუჯდება.

20:42 დევიდ ბექჰემს თავის კლუბ „მაიამიში” თანამემამულეების - ტეო უოლკოტის, ჯო ჰარტისა და გარი კეჰილის გადაყვანა სურს.

20:51 ოფიციალურად! განას ნაკრების 22 წლის ფეხბურთელი ლუმორ აგბენენუ „მალიორკას” ფეხბურთელი გახდება. მარჯვენა გარემარბი იჯარით გაუშვა ლისაბონის „სპორტინგმა”.

20:58 ოფიციალურად! „ლევანტემ” უფასოდ აიყვანა „ესპანიოლისა” და კოსტა რიკას ნაკრების მცველი ოსკარ დუარტე.

21:07 მადრიდის „რეალმა” დაიწყო მუშაობა „აიაქსის” ცენტრალური ნახევარმცველის დონი დე ბეეკის შეძენაზე. ესპანელთა მხრიდან შეთავაზება იქნება 60 მილიონი ევრო.

21:10 ოფიციალურად! ემრე მორი „გალათასარაიში” გადავიდა.

21:14 ოფიციალურად! „კანის” 30 წლის ნახევარმცველი ფაიკალ ფაჟრი „ხეტაფეს” ფეხბურთელი ხდება. ალჟირელსა და ესპანელებს შორის ორწლიანი კონტრაქტი გაფორმდა.

21:20 „მანჩესტერ იუნაიტედმა” 93 მილიონ ევრომდე აიყვანა წინადადება ჰარი მაგუაირის ტრანსფერზე. სხვათა შორის, ეს მცველი არ არის „ლესტერის” განაცხადში ხუთშაბათს „ატალანტასთან” გასამართ მატჩში.

21:26 ოფიციალურად! 26 წლის ცენტრალური მცველი, ავსტრიელი მარტინ ჰინტერეგერი „აუგსბურგს” „მაინცში” ცვლის. ტრანსფერის თანხაა 12 მილიონი ევრო, კონტრაქტი გაფორმებულია ხუთ წელზე.

21:33 რაჯა ნაინგოლანი ახლოს არის „კალიარიში” გადასვლასთან, რომელშიც 2010-14 წლებში თამაშობდა.

21:43 დარიო ბენედეტო „ბოკა ხუნიორსიდან” „მარსელში” გადავა. მხარეები შეთანხმდნენ 16 მილიონი ევროს ოდენობის გარიგებაზე. კონტრაქტი ოთხწლიანი იქნება.

21:46 თავისუფალი აგენტის სტატუსით მყოფი დანიელ სტარიჯით „ტრაბზონია” დაინტერესაბული. (Sky Sports)

21:49 „მილანს” კვლავინდებურად სურს ანხელ კორეა. მილანელებმა და „ატლეტიკომ” ვერაფრით მოილაპარაკეს ტრანსფერის თანხაზე, თავად არგენტინელი კი უკვე მოელაპარაკა „მილანს” ხუთწლიან კონტრაქტზე და ხელფასზე ერთ თვეში - სამი მილიონი ევრო.

21:53 „რეალი” შეეცდება გარეტ ბეილის პრემიერლიგაში გადაყვანას. მადრიდელებს 65 მილიონის მიღება სურთ. (ABC.es)

21:56 „ფიორენტინამ” იჯარით აიყვანა „სასუოლოდან” ცენტრალური მცველი პოლ ლიროლა. ფეხბურთელის გამოსასყიდი თანხა დაასახელეს.

ყოველდღიური სპორტული გაზეთი "ლელო"
1114
მკითხველის კომენტარები / 0 /
მსგავსი ამბები
;