ტრანსფერები-ONLINE: ნეიმარი პარიზში  არ გამოცხადდა,  ელ-შაარავი და  არნაუტოვიჩი  ჩინეთში წავიდნენ... 

14:01 ოფიციალურად! “რომას” ფორვარდი სტეფან ელ-შაარავი ჩინეთში გადავიდა სათამაშოდ და “შანხაი შენჰუას” მოთამაშე გახდა, - წერს ჩინური კლუბის ოფიციალური ვებგვერდი.

26 წლის ფეხბურთელმა სამწლიანი კონტრაქტი გააფორმა, რომლის მიხედვითაც, ჯამში 40 მილიონ ევროს გამოიმუშავებს. ტრანსფერის თანხამ 18 მილიონი შეადგინა.

14:11 ოფიციალურად! “ვესტ ჰემმა” გამოაცხადა “შანხაი სიპგ”-ში მარკო არნაუტოვიჩის გაყიდვის შესახებ. პრესის ინფორმაციით, “ვესტ ჰემმა” ავსტრიელის სანაცვლოდ 23 მილიონი ევრო მიიღო.

14:16 მინო რაიოლა ირწმუნება, რომ მატეის დე ლიგტმა შეათანხმა პირადი კონტრაქტი “იუვენტუსთან”. ახლა, რჩება მოლაპარაკება “აიაქსთან”. (Sky Sports)

14:23 იური ტილემანსმა სამედიცინო შემოწმება გაიარა “ლესტერში”. ბელგიელი ინგლისური კლუბის ისტორიაში ყველაზე ძვირი შენაძენი გახდება - 40 მილიონი ევრო. (Sky Sports)

14:32 ნეიმარი ამ კვირას ბარსელონაში ჩავა, რათა დააჩქაროს “პარი სენ-ჟერმენის” დატოვება და “ბარსელონაში” დაბრუნება.

14:41 ოფიციალურად! “ბარსელონას” აღზრდილი სერხი პალენსია “სენტ ეტიენის” მოთამაშედ წარადგინეს. კონტრაქტი 2023 წლის ზაფხულამდეა გაფორმებული.

14:57 პოლ პოგბა სკანდალებს მოერიდა და გაფრინდა “მანჩსტერ იუნაიტედთან” ერთად ავსტრალიაში.

15:16 ტეო ერნანდესის შეძენის შემდეგ, “მილანი” უმიზნებს 20 წლის ნახევარმცველს ჟედსონ ფერნანდეშს. თუმცა, “ბენფიკა” იტალიური კლუბისგან 30 მილიონს ითხოვს. (Tuttosport)

15:28 ოფიციალურად! “კალიარიმ” იჯარით გაუშვა “კიევოში” კოლუმბიელი ფორვარდი დამირ სეტერა.

15:41 “ინტერის” წარმომადგენლებმა დაადასტურეს ედინ ჯეკოს მიმართ ინტერესი. ეს არის ალტერნატიული ვარიანტი იმ შემთხვევისთვის, თუ მილანელებს არ გამოუვიათ რომელუ ლუკაკუს შეძენა. (The Independent)

16:26 პოგბასგან განსხვავებით, ანტუან გრიზმანი არ გაემგზავრა შეკრებაზე და ახლა, მას “ატლეტიკოსგან” სანქციები ელოდება. მადრიდული გუნდი აპირებს ფრანგი 200 ათასი ევროთი დასაჯოს.

16:29 დავიდ დე ხეა მალე გააგრძელებს კონტრაქტს “მანჩესტერ იუნაიტედთან”. ესპანელი მეკარის ხელფასი კვირაში 390 ათას ევრომდე გაიზრდება. (Daily Mail)

17:01 ანდერ იტურასპეს მთელი კარიერა “ბილბაოში” აქვს გატარებული და 30 წლის ასაკში კლუბის შეცვლა გადაწყვიტა - მან თავისუფალი აგენტის სტატუსით ერთწლიანი კონტრაქტი გააფორმა “ესპანიოლთან”.

17:17 “ბეტისის” მეკარე პაუ ლოპესი რომში ჩავიდა სამედიცინო შემოწმების გასავლელად. “რომა” ესპანელში 20 მილიონ ევროს იხდის.

17:51 “არსენალი” ისევ ყურადღებით აკვირდება “ბორნმუთის” გარემარბს რაიან ფრეიზერს. (Daily Star)

18:51 “ფენერბაჰჩეს” სურს “შალკედან” უკრაინის ნაკრების ნახევარმცველის ევგენი კონოპლიანკას შეძენა. თურქული კლუბი მის სანაცვლოდ სამ მილიონ ევროს იხდის. (Bild)

19:21 “ლესტერი” მოელაპარაკა ტილემანსს პირადი კონტრაქტის პირობებზე. ახლა, რჩება შეთანხმება “მონაკოსთან”. ეს უკანასკნელი ბელგიელში 40 მილიონ ფუნტს ითხოვს.

19:27 მადრიდის “ატლეტიკომ” უახლოეს ხანში უნდა გამოაცხადოს 21 წლის სერბი ფორვარდის ივან საპონიჩის ტრანსფერის შესახებ. “ბენფიკას” ყოფილმა ფეხბურთელმა უკვე გაიარა სამედიცინო შემოწმება ახალ გუნდში.

19:53 ოფიციალურად! “აიაქსმა” 7 წლით გააგრძელა კონტრაქტი დუშან ტადიჩთან - 2026 წლის ზაფხულამდე.

20:07 ოფიციალურად! “ლესტერმა” გამოაცხადა იური ტილემანსის ტრანსფერის შესახებ. კონტრაქტი ოთხი წლითაა გაფორმებული.

20:25 ფრანგული მედიის ცნობით, “ლიონი” და “ბორდო” იბრძვიან “არსენალის” მცველ ლორან კოშელნისთვის. უცნობია, სურს თუ არა ფეხბურთელს ლონდონის დატოვება.

20:45 ოფიციალურად! “ასტონ ვილამ” “ბორნმუთისგან” შეიძინა მცველი ტაირონ მინგსი. 26 წლის ფეხბურთელი ბირმინგემელებს 22 მილიონი ფუნტი დაუჯდათ. სხვა დეტალები უცნობია.

21:19 ნეიმარი არ გამოცხადდა “პარი სენ-ჟერმენის” წინასასეზონო შეკრებაზე.

21:44 ოფიციალურად! “მილანმა” “ემპოლიდან” შეიძინა ნახევარმცველი რადე კრუნიჩი. რამდენიმე წყაროს ცნობით, “როსონერიმ” 25 წლის ბოსნიელში რვა მილიონი ევრო გადაიხადა.

22:00 “ნაპოლი” მზად არის მაურო იკარდისთვის 55 მილიონი ევრო გადაიხადოს, თავად არგენტინელს კი წელიწადში 9 მილიონი ევრო მისცეს.

ყოველდღიური სპორტული გაზეთი "ლელო"
642
მკითხველის კომენტარები / 0 /
მსგავსი ამბები
რუბრიკის სხვა სიახლეები
;