ტრანსფერები - ONLINE. ობამეიანგის აგენტი ლონდონშია...

13:15 "რეალმა" ოფიციალური განაცხადი გააკეთა "ბილბაოდან" მეკარე კეპა არისაბალაგას ტრანსფერზე. ესპანეთის ჩემპიონი ამ გარიგებაში 20 მილიონ ევროს დახარჯავს. ადრე ცნობილი გახდა, რომ მეკარემ უკვე გაიარა სამედიცინო შემოწმება მადრიდელებისთვის (ETB).

13:20 "ჩელსი" მუშაობს ენდი ქეროლის შეძენაზე. "ვესტ ჰემი" მხოლოდ 22 მილიონ ევროზე მეტ შეთავაზებას დათანმხდება (Sky Sports).

13:50 მარკო გრუიჩი დატოვებს "ლივერპულს". ჯერჯერობით, იჯარით. 21 წლის ნახევარმცველი აინტერესებთ "მიდლსბროსა" და "კარდიფს".

13:55 მარკო გაბიადინი მალე დატოვებს "საუთჰემპტონს". ფორვარდის ყოფილმა კლუბმა "ბოლონიამ" ფეხბურთელის უკან დაბრუნების სურვილი გამოთქვა (Sky Italia).

14:40 ჟოზე მოურინიომ მოითხოვა "მანჩესტერ იუნაიტედის" ხელმძღვანელობისგან, რომ არავითარ შემთხვევაში არ გაუშვან მარუან ფელაინი. ბელგიელის კონტრაქტს ზაფხულში ეწურება ვადა. ნახევარმცველი აინტერესებს "ვესტ ჰემს" (The Sun).

14:42 ოფიციალურად! "ბარსელონამ" იჯარით აიყვანა "გრანადას" 19 წლის მცველი მარტინ ჰონგლა. ეს ბიჭი ნახევარ წელიწადს "ბარსელონა B"-ში გაატარებს. კატალონელებს ექნებათ სეზონის ბოლოს მისი გამოსყიდვის უფლება.

14:55 "დორტმუნდი" უკვე ეძებს პიერ-ემერიკ ობამეიანგის შემცვლელს. გერმანელთა სიაში პირველ ნომრად მიშუ ბატშუაი წერია. შეგახსენებთ, რომ "ჩელსის" ფორვარდზე პრეტენზიას "სევილიაც" აცხადებს (Mirror).

14:59 "დორტმუნდმა" ტრანსფერზე დააყენა მარკ ბარტრა. ესპანელი მცველი ვერ ხვდება ძირითად შემადგენლობაში - მწვრთნელი პეტერ შტიოგერი დაცვის ცენტრში ძირითად წყვილად აკანჯი-პაპასტატოპულოსს მოიაზრებს. თავად ბარტრას ესპანეთში სურს დაბრუნება (Bild).

15:00 ბოიან კრკიჩი, რომელიც იჯარით "ალავესში" თამაშობს, "სტოკში" ვადაზე ადრე დაბრუნებას აპირებს. ფორვარდს სურს, ინგლისურ კლუბს პრემიერლიგაში ადგილის შენარჩუნებაში დაეხმაროს (Stoke Sentinel).

15:22 ხავიერ მასკერანო ნამდვილად გადავა "ჰებეი ჩაინა ფორჩუნში". არგენტინელი თავის ბოლო მატჩს კატალონელთა რიგებში 24 იანვარს ჩაატარებს, როცა ესპანეთის თასის მეოთხედფინალის განმეორებითი შეხვედრა გაიმართება "ესპანიოლის" წინააღმდეგ. ვეტერანის სანაცვლოდ, "ბარსელონა" 10 მილიონ ევროს მიიღებს (Football Espania).

15:41 ლეონ გორეტცკამ მიიღო "ბაიერნის" წინადადება. ნახევარმცველს რჩება მხოლოდ სამედიცინო შემოწმების გავლა.

15:59 "მანჩესტერ იუნაიტედის" მცველი კემერონ ბორტუიკ-ჯექსონი, რომელიც "ლიდსში" იჯარით თამაშობდა, ვადაზე ადრე დაბრუნდა გუნდში.

16:25 "იუვენტუსმა" უკვე დაიწყო მუშაობა ზაფხულის ტრანსფერებისთვის. ტურინელებს სურთ "ესპანიოლის" მეკარე პაუ ლოპესი და "არსენალის" მცველი ექტორ ბელერინი. პირველი უფასოდ გადავა, როგორც თავისუფალი აგენტი, მეორეს ფასი კი 40 მილიონი ევროა (Tuttosport).

17:10 ოფიციალურად! 23 წლის ნახევარმცველმა ინიაკი უილიამსმა, რომლითაც "ლივერპული" იყო დაინტერესებული, "ბილბაოსთან" 2025 წლის ზაფხულამდე გააგრძელა კონტრაქტი. გამოსასყიდი თანხა - 105 მილიონი ევროა!

17:25 მასკერანოს შემდეგ, "ბარსელონას" რიგებს ალეიშ ვიდალი დატოვებს. მასზე პრეტენდენტები არიან "ლივერპული" და "მანჩესტერ იუნაიტედი". სულ კატალონელები აპირებენ რვა ფეხბურთელის გაშვებას, მათ შორის, დეულოფეოსი და პაკო ალკასერის.

17:35 "რეალს" სურს ცხვირწინ ააცალოს "არსენალს" ობამეიანგი. ამ გარიგების ინიციატორი მადრიდელთა პრეზიდენტი ფლორენტინო პერესია (Don balon).

17:45 "სტოკი" მალე გააფორმებს "აუგსბურგიდან" მარცხენა მცველის კოსტას სტაფილიდისის ტრანსფერს (Sky Sports).

17:55 ოფიციალურად! ნიკოლას ოტამენდიმ 2022 წლის ზაფხულამდე გააფორმა კონტრაქტი "მანჩესტერ სიტისთან".

18:18 "ტიანძინის" ფორვარდი ფრედი მონტერო "სპორტინგში" გადავიდა. 30 წლის კოლუმბიელმა სამწლინახევრიანი კონტრაქტი გააფორმა.

18:45 ალექსის სანჩესმა შეათანხმა პირადი კონტრაქტის პირობები "მანჩესტერ იუნაიტედთან". ჩილელი ოთხი წლის განმავლობაში, ყოველ წელს 16 მილიონ ევროს მიიღებს. ტრანსფერი შედგება იმ შემთხვევაში, თუ ჰენრიხ მხითარიანი დათანხმდება "არსენალში" გადასვლას (Daily Telegraph).

19:02 ხუან მატა, შესაძლოა, ზაფხულში წავიდეს "მანჩესტერ იუნაიტედიდან" თავისუფალი აგენტის რანგში. როგორც ირკვევა, ინგლისურ კლუბს შეუძლია კონტრაქტის ერთი წლით გახანგრძლივება, მაგრამ არ ჩქარობს შესაბამისი პუნქტის გააქტიურებას (Daily Mail).

19:23 "საუთჰემპტონმა" წააგო ბრძოლა ტეო უოლკოტისთვის, ამიტომაც ფორვარდ გუიდო კარილიოზე გადაერთო. "მონაკოს" ფეხბურთელი 6 მილიონი ევრო ღირს (Daily Echo).

19:26 შეთანხმება "არსენალსა" და მხითარიანს შორის, თითქმის შემდგარია (Daily Echo).

20:01 ჟოზე მოურინიო სულ მალე გაახანგრძლივებს კონტრაქტს "მანჩესტერ იუნაიტედთან". ახალი ხელშეკრულება 2022 წლის ზაფხულამდე იქნება ძალაში (Mirror).

20:10 "დორტმუნდის" ფორვარდის პიერ-ემერიკ ობამეიანგის აგენტი ლონდონში ჩაფრინდა (Daily Mirror).

20:57 ოფიციალურად! ტეო უოლკოტი "ევერტონის" ფეხბურთელი გახდა. "არსენალის" აწ უკვე ყოფილმა შემტევმა სამწლინახევრიანი კონტრაქტი გააფორმა. ტრანსფერის თანხად 22 მილიონი ევრო დასახელდა.

21:04 "ბორდოს" ნახევარმცველ მალკომით უკვე "ლივერპულიც" დაინტერესდა. "წითლები" 20 წლის მოთამაშეში კოუტინიოს შემცვლელს ხედავს (თჰე Independent).

21:20 "ინტერს" სურს "ლივერპულის" ფორვარდი დენიელ სტარიჯი, თუმცა, ფინანსური ფეარ პლეის გამო, მხოლოდ იჯარის გაფორმება შეუძლია. ადრე იტყობინებოდნენ, რომ "წითლები" 33 მილიონზე იაფად არ გაყიდიან ფეხბურთელს.

ყოველდღიური სპორტული გაზეთი "ლელო"
1025
მკითხველის კომენტარები / 0 /
მსგავსი ამბები
რუბრიკის სხვა სიახლეები
;