ტრანსფერები-ONLINE: რეალი დე ბეეკზე  ფიქრობს, ტოტენჰემი  რეკორდს ამყარებს რაბიო და იუვენტუსი 30 ივნისს... 

14:04 “ბარსელონას” ხელმძღვანელობა აწარმოებს მოლაპარაკებებს “პარი სენ-ჟერმენის” პრეზიდენტთან ნასერ ელ-ჰელაიფისთან. “ბარსას” სურს ნეიმარის სანაცვლოდ 100 მილიონი ევრო გადაიხადოს და ფილიპე კოუტინიო, ივან რაკიტიჩი, სამუელ უმტიტი ან უსმან დემბელე დაამატოს (Globo Esporte).

14:07 “პარი სენ-ჟერმენს” სურს “ლაციოდან” სერგეი მილინკოვიჩ-სავიჩის ყიდვა და ლეანდრო პარედესის თავიდან მოცილება. ამისთვის პარიზელებმა ამგვარი სქემა მოიფიქრეს: არგენტინელი ჩართონ სერბის ტრანსფერში. Paris United-ის ინფორმაციით, პსჟ-ს ახალ დირექტორს ლეონარდოს მილინკოვიჩ-სავიჩზე ფასი გადამეტებული ეჩვენება - ეს თანხა 80 მილიონ ევროს უდრის.

14:30 “ბენფიკა” იმედოვნებს მეკარე კეილორ ნავასის გაფორმებას. პორტუგალიური კლუბი აპირებს კოსტარიკელ მეკარეს სამწლიანი კონტრაქტი შესთავაზოს და მიიწვიოს ის თავისთან 2019-20 წლების შემდეგ, როცა თავისუფალი აგენტი გახდება.

14:58 “ტოტენჰემი” მზად არის 72.5 მილიონი ევრო გადაიხადოს “ლიონის” ნახევარმცველ ტანგი ნდომბელეში. ლონდონური კლუბისთვის ეს სარეკორდო თანხაა.

15:41 “ინტერის” ახალი მთავარი მწვრთნელი ანტონიო კონტე ითხოვს დანი ალვეშთან კონტრაქტის გაფორმებას. France Football-ის მონაცემებით, იტალიელი სპეციალისტი ბრაზილიელს იდეალურ კანდიდატად მიიჩნევს მარჯვენა მცველის პოსტზე საყვარელ 3-5-2 სქემაში.

16:00 The Telegraph იტყობინება, რომ “ბარსელონა” ანტუან გრიზმანის ტრანსფერის შესახებ 1 ივლისს გამოაცხადებს. ყველა დოკუმენტი მალე გაფორმდება.

16:09 “მანჩესტერ იუნაიტედმა” თითქმის დაასრულა “კრისტალ პალასიდან” აარონ უენ-ბისაკას ტრანსფერი. 21 წლის ფეხბურთელი “იუნაიტედს” თითქმის 56 მილიონი ევრო უჯდება (BBC).

16:21 “ბარსელონამ” და “ვალენსიამ” მეკარეები გაუცვალეს ერთმანეთს: კატალონიაში გაემგზავრაა ბრაზილიელი ნეტო, საპირისპირო მიმართულებით გაემართა იესპერ სილესენი, - წერს El Desmarque. გუნდები ერთმანეთს ერთ ცენტსაც არ გადაუხდიან - ეს იყო კლასიკური გაცვლა.

16:27 მადრიდის “რეალს” აქვს B გეგმა იმ შემთხვევისთვის, თუ პოლ პოგბას ვერ შეიძენს. ეს არის დონი დე ბეეკი “აიაქსიდან”. 22 წლის ჰოლანდიელის ფასი 60-70 მილიონი ევროა, რაც ძალიან მცირეა პოგბას ღირებულებასთან შედარებით.

16:42 “მილანმა” და “ლევერკუზენმა” ნამდვილი ნადირობა გამოაცხადეს “რეალის” მცველ ტეო ერნანდესზე. Milannews24-ის მონაცემებით, “როსონერი” მზად არის ფრანგი იჯარით ხუთ მილიონად აიყვანოს და შემდეგ, 15 მილიონად გამოისყიდოს. “ლევერკუზენი” კი პირდაპირ 20 მილიონს იხდის.

16:45 ოფიციალურად! “ბრაიტონმა” გაიფორმა “გენკის” გარემარბი ლეანდრო ტროსარდი. 24 წლის ბელგიელთან ოთხწლიანი კონტრაქტი გაფორმდა. “გენკმა” 16.7 მილიონი ევრო მიიღო.

17:24 “არსენალი” და “ტოტენჰემი” იბრძოლებენ “რეალის” ნახევარმცველისთვის დანი სებალიოსისთვის. The Mirror-ის ინფორმაციით, მადრიდელები მის სანაცვლოდ მინიმუმ 45 მილიონს მიიღებენ.

17:40 ოფიციალურად! ავსტრიის ნაკრების ახალგაზრდა ნახევარმცველი ქსავიე შლაგერი გერმანიაში გადადის. 21 წლის ფეხბურთელმა 2023 წლამდე გააფორმა კონტრაქტი “ვოლფსბურგთან”. ამ გუნდმა “ზალცბურგს”12 მილიონი ევრო გადაუხადა.

18:34 სესკ ფაბრეგასი “მონაკოში” წელს ზამთარში გადავიდა, მაგრამ უკვე ზაფხულში შეიძლება დატოვოს გუნდი. France Football წერს, რომ “მონაკოს” სურს სახელფასო ბიუჯეტის განტვირთვა - ესპანელი თვეში 600 ათასს იღებს.

19:06 “ვესტ ჰემის” ნახევარმცველი სამირ ნასრი, შესაძლოა, ავსტრალიის ჩემპიონატში გადავიდეს. მის მიმართ ინტერესს დებიუტანტი “ვესტერნ იუნაიტედი” გამოხატავს. ნასრიმ “ვესტ ჰემთან” კონტრაქტი 2019 წლის იანვარში გააფორმა წელიწადნახევრიანი დისკვალიფიკაციის მოხდის შემდეგ. ლონდონურ კლუბში ჩატარებულ ხუთ მატჩში ფრანგმა ორი შედეგიანი პასი შეასრულა.

19:13 ოფიციალურად! “ბარსელონამ” გამოაცხადა ფორვარდ მარკ კარდონას “ოსასუნაში” გადასვლა. 21 წლის ფეხბურთელში კატალონელებმა 2.5 მილიონი ევრო მიიღეს.

19:49 “ტოტენემი” ახლოს არის ბოლო წელიწად-ნახევარში პირველ შენაძენთან. ლონდონური კლუბის ახალწვეული გახდება ჯეი კლარკი - “ლიდსის” თავდამსხმელი. ტრანსფერის ღირებულება იქნება 8.5 მილიონი ევრო.

20:05 Haber365 იტყობინება, რომ “შალკე” გეგმავს ევგენი კონოპლიანკას თავიდან მოცილებას. გერმანელები მზად არიან უკრაინელი უფასოდ გაუშვან და ამ გზით განტვირთონ სახელფასო ბიუჯეტი. ადრე წერდნენ, რომ კონოპლიანკა “ფენერბაჰჩეს” აინტერესებს.

20:10 ოფიციალურად! “ბარნსლიმ” შეიძინა “ჰანოვერის” მეკარე სამუელ რადლინგერი.

20:25 ედინსონ კავანი არსად არ აპირებს პარიზიდან წასვლას 2019-20 წლების სეზონის ბოლომდე. (L’Equipe)

20:46 ოფიციალურად! “სამპდორიამ” “ბოკა ხუნიორსიდან” იჯარით აიყვანა გონსალო მარონი. სეზონის ბოლოს, იტალიურ გუნდს შეეძლება ფორვარდის გამოსყიდვა.

21:13 ფრანგულმა მედიამ მოიპოვა ინფორმაცია, რომ “პარი სენ-ჟერმენი” გამოეთხოვება კილიან მბაპეს, თუ პოტენციური მყიდველი 230-250 მილიონ ევროს გადაიხდის.

21:38 ადრიენ რაბიო ხელს მოაწერს “იუვენტუსთან”კონტრაქტს 30 ივნისს. ხუთწლიანი ხელშეკრულების მიხედვით, ფრანგი ერთ წელიწადში შვიდ მილიონ ევროს მიიღებს.

21:50 “ვილიარეალი” ზაფხულში კონტრაქტს გააფორმებს მცველ ალბერტო მორენოსთან, რომელიც მანამდე “ლივერპულში” გამოდიოდა.

523
მკითხველის კომენტარები / 0 /
მსგავსი ამბები
რუბრიკის სხვა სიახლეები
;