ტრანსფერები-ONLINE: რიბერი  ოფიციალურად  ფიორენტინაში,  დონარუმა ან  ნავასი პარიზში 

13:49 ოფიციალურად! მერტ მიულდურმა ვენის „რაპიდიდან“ კონტრაქტი გააფორმა „სასუოლოსთან“. თურქული წარმოშობის ავსტრიელში იტალიურმა კლუბმა ხუთი მილიონი გადაიხადა.

13:53 უსმან დემბელეს აგენტმა უარყო ფრანგის წასვლა „ბარსელონადან“: „უსმანი „ბარსელონას“ ფეხბურთელია და 100 პროცენტით დარჩება კლუბში. მას წინ კიდევ ბევრი ტიტული ელოდება“. (El Mundo Deportivo)

13:57 ოფიციალურად! „ვილიარეალმა“ „მალაგადან“ შეიძინა გარემარბი ხავი ონტივეროსი. 21 წლის ნახევარმცველმა ახალ კლუბთან ხუთწლიანი კონტრაქტი გააფორმა. მისი ტრანსფერის ღირებულება იყო 7.5 მილიონი ევრო.

14:05 ოფიციალურად! მცველი ნიკოლა იზიმე-მერენი „ტულუზას“ ფეხბურთელი გახდა. ის საფრანგეთში „ბეშიქთაშიდან“ დაბრუნდა.

14:16 ოფიციალურად! „ბეტისმა“ გამოაცხადა „რაიო ვალეკანოს“ მცველის ალექს მორენოს შეძენის შესახებ. მან ხუთწლიანი კონტრაქტი გააფორმა. სევილიელებმა 7.5 მილიონი ევრო გადაიხადეს.

14:24 რენატო სანჩესი, შესაძლოა, „ლილიში“ გადავიდეს. „ჰერტასთან“ მატჩის შემდეგ, პორტუგალიელმა მცირე სათამაშო დროის გამო დაიჩივლა და მიუნხენიდან წასვლა უნდა. (L’Equipe)

14:16 ოფიციალურად! „ბეტისმა“ გამოაცხადა „რაიო ვალეკანოს“ მცველის ალექს მორენოს შეძენის შესახებ. მან ხუთწლიანი კონტრაქტი გააფორმა. სევილიელებმა 7.5 მილიონი ევრო გადაიხადეს.

14:42 ოფიციალურად! ისლამ სლიმანი „მონაკოს“ ფეხბურთელი გახდა. ალჟირის ნაკრების ფორვარდი „ლესტერიდან“ იჯარის წესით გადავიდა.

15:40 „სევილია“ და „ბეტისი“ ინტერესდებიან „ლაიპციგის“ ფორვარდით ჟან-კევინ ოგუსტენით.

15:44 „ბეშიქთაშმა“ უარი თქვა „შალკედან“ ევგენი კონოპლიანკამ ტრანსფერზე და გადაერთო ჟორჟ-კევინ ნკუდუზე „ტოტენჰემიდან“. (Fanatik)

15:47 ოფიციალურად! „ფიორენტინას“ პრესსამსახურმა გამოაცხადა, რომ ფრანგი ნახევარმცველი ფრანკ რიბერი ფლორენციულ კლუბში გააგრძელებს კარიერას. 36 წლის ფეხბურთელმა ორწლიანი კონტრაქტი გააფორმა. ფრანგის წლიური ხელფასი დაახლოებით 10 მილიონი ევრო იქნება. რიბერი ახალ კლუბში მეშვიდე ნომრით ითამაშებს.

16:00 ოფიციალურად! ფრანგი მცველი სებასტიან კორშია „სევილიადან“ „ესპანიოლში“ გადავიდა. კონტრაქტი 2020 წლის 30 ივლისამდე გაფორმდა.

16:06 „ბოლონია“ დაინტერესებულია „ზენიტის“ საყრდენით მატიას კრანევიტერით. (Tuttomercatoweb)

16:45 „ჩელსი“ არ უშვებს ტიემო ბაკაიოკოს „მონაკოში“, რადგან არ აწყობს ფრანგების შეთავაზება. (RMC Sport)

16:52 „პარი სენ-ჟერმენი“ აქტიურად აწარმოებს მოლაპარაკებებს „ლეჩესთან“ ერიკ-მაქსიმ ჩუპო-მოტინგის გაყიდვაზე. კამერუნელს იტალიური კლუბი ორწლიან კონტრაქტს სთავაზობს. (Corriere dello Sport)

16:57 კალუმ ჰადსონ-ოდოი გააგრძელებს კონტრაქტს „ჩელსისთან“ 2024 წლის ზაფხულამდე. ახალგაზრდა ინგლისელი კვირაში 200 ათას ევროს მიიღებს. (The Sun)

17:33 ოფიციალურად! „ბარსელონასა“ და „სტოკის“ ყოფილი მცველი მარკ მუნიესი ყატარის „ალ-არაბიში“ გადავიდა.

17:37 ვიქტორ ვანიამამ, შესაძლოა, დატოვოს „ტოტენჰემი“. „ბრიუგე“ მოლაპარაკებებს აწარმოებს ნახევარმცველის შეძენაზე ან იჯარაზე. (HLN Sport)

17:52 ოფიციალურად! „ლევანტემ“ გამოაცხადა „სელტას“ ნახევარმცველის ნემანია რადოიას ტრანსფერის შესახებ. სერბმა სამწლიანი კონტრაქტი გააფორმა. შარშან, მას არც ერთი მატჩი არ ჩაუტარებია „სელტაში“ კლუბის ხელმძღვანლობასთან კონფლიქტის გამო.

17:57 „პარი სენ-ჟერმენის“ მთავარი მწვრთნელი თომას ტუხელი უკმაყოფილოა ალფონსო არეოლას თამაშით და თხოვს კლუბის ხელმძღვანელობას, იყიდონ ახალი მეკარე. ვარიანტებია - ჯანლუიჯი დონარუმა „მილანიდან“ და კეილორ ნავასი „რეალიდან“. (RMC Sport)

18:24 თურქული პრესა წერს, რომ „გალათასარაის“ ბერძენი ფორვარდი კოსტას მიტროგლუ „ეინდჰოვენში“ გადავა.

18:34 „რეალი“ ტაკეფუსუ კუბოს იჯარით გაუშვებს „მალიორკაში“. (El Chiringuito)

18:52 „ატლეტიკო“ დათანხმდა „მილანის“ წინადადებას ანხელ კორეასთან დაკავშირებით. ესპანური კლუბი მიიღებს 42 მილიონ ევროს. (SportMediaset)

19:12 „ფეიენოორდმა“ წინადადებით მიმართა „მანჩესტერ იუნაიტედს“ ტაჰიტ ჩონგას იჯარაზე. (Voetbal International)

19:14 ოფიციალურად! „ვერონამ“ კონტრაქტი გააფორმა იტალიის ახალგაზრდული ნაკრების მცველთან კლოდ აჯაპონთან, რომელიც „სასუოლოში“ თამაშობდა.

19:21 ოფიციალურად! დანიელ სტარიჯი „ტრაბზონის“ ფეხბურთელი გახდა. მან ხელი მოაწერა კონტრაქტს „3+1“ სქემით.

19:40 ოფიციალურად! „შალკეს“ მცველი ჰამზა მენდილი ფრანგულ „დიჟონში“ გადავიდა. ის ერთი სეზონი იჯარით ითამაშებს საფრანგეთში.

19:47 ოფიციალურად! პორტუგალიის ახალგაზრდული ნაკრების ფორვარდი ფელიქს ანდრადე კორეა ამ ზაფხულს გადავიდა „სპორტინგიდან“ „მანჩესტერ სიტიში“ და უკვე იჯარით გაუშვეს „ალკმაარში“. გარიგება ერთწლიანია.

20:04 ოფიციალურად! „კოპენჰაგენმა“ გაიფორმა „მალაგას“ ფორვარდი მიკაელ სანტოსი. ურუგვაის ნაკრების ფეხბურთელმა 2023 წლის ზაფხულამდე მოაწერა კონტრაქტს ხელი. მისი სათამაშო ნომერი იქნება - 18.

21:30 ნეიმარმა „პარი სენ-ჟერმენის“ სამედიცინო შტაბისგან მიიღო თანხმობა - ითამაშოს საფრანგეთის ჩემპიონატში „ტულუზას“ წინააღმდეგ. ბრაზილიელი უკვე დაუბრუნდა ძირითად ჯგუფთან ერთად ვარჯიშს და მისი გამოყენება ტუხელსაც სურს. (UOL)

21:36 პაულო დიბალას 10-15 დღეა არ ჰქონია კავშირი „პარი სენ-ჟერმენის“ წარმომადგენლებთან და აპირებს დარჩეს „იუვენტუსში“. (La Gazzetta dello Sport)

21:39 „ინტერმა“ მიიღო „ნაპოლის“ პირობები მაურო იკარდის ტრანსფერზე. რჩება მხოლოდ ფეხბურთელის თანხმობა და პირად კონტრაქტზე შეთანხმება. (Corriere dello Sport)

21:50 „ატლეტიკომ“, შესაძლოა, აიყვანოს ესპანეთის ახალგაზრდული ნაკრების ფორვარდი დანი ოლმო. მადრიდულ კლუბს ჩაუვარდა „ვალენსიადან“ როდრიგოს ტრანსფერი და ამიტომაც სურს ოლმოს წაყვანა ზაგრების „დინამოდან“. (Cadena Ser)

21:55 ოფიციალურად! დავიდე ძაპაკოსტა „რომაში“ გადავიდა. მან ახალ გუნდში მეორე ნომერი მიიღო და „ჩელსიდან“ ერთწლიანი იჯარით წავიდა.

ყოველდღიური სპორტული გაზეთი "ლელო"
423
მკითხველის კომენტარები / 0 /
მსგავსი ამბები
რუბრიკის სხვა სიახლეები
;