ტრანსფერები - ONLINE: სენსაცია ატლეტიკოსგან: გრიზმანი აგუეროს ნაცვლად...

13:05 ხავიერ პასტორეს აგენტი "ინტერის" ბოსებს შეხვდა. პრობლემა ის არის, რომ "პარი სენ-ჟერმენს" არგენტინელის გაყიდვა სურს, "ინტერს" კი ფეხბურთელის იჯარით აყვანა. (Sky Sport Italia)

13:10 "ბაიერნს" სურს გარეტ ბეილის გაფორმება, მაგრამ ჯერჯერობით არ აქტიურობს, რადგან 200 მილიონი ევრო, რომელსაც "რეალი" უელსელში ითხოვს, ძალიან ბევრი ეჩვენება. ( Sport Bild)

13:25 "სევილიას" ფორვარდი ვისამ ბენ-იედერი მთავარ მწვრთნელ ვინჩენცო მონტელას ეჩხუბა და მზად არის კლუბიდან გასაქცევად. პრობლემა იმის გამო წარმოიშვა, რომ იტალიელი სპეციალისტი ვერ ხედავს ფრანგში ძირითად ფორვარდს. (Get Football News France)

13:45 "მანჩესტერ სიტიმ" ახალი კონტრაქტი შესთავაზა რაჰიმ სტერლინგს. "ქალაქელთა" შემტევის ხელფასი კვირაში 300 ათასი ევრო გახდება. (Mirror)

13:51 "ლივერპულმა" მოლაპარაკებები დაიწყო "გრემიოსთან". მერსისაიდელები პრეტენზიას აცხადებენ ფორვარდ ლუანზე. ( Yahoo Sport)

14:00 "ვესტ ჰემი", შესაძლოა, "დორტმუნდიდან" ფორვარდ ანდრე შიურლეთი გაძლიერდეს. ლაპარაკია სეზონის ბოლომდე იჯარაზე. (Sky Sports )

14:08 თუ ედინ ჯეკო "ჩელსიში" გადავა, "რომას" მისი შეცვლის ორი ვარიანტი ექნება: ნიკოლა სანსონე და მარიო გასპარი "ვილიარეალიდან". (Mirror)

14:27 მარკო ასენსიო შეიძლება ჩართონ ედენ აზარის ტრანსფერში. თუ "რეალი" შეეცდება ბელგიელის შეძენას, მაშინ ასენსიო, რომელიც უკმაყოფილოა სათამაშო დროით, შესაძლოა, "ჩელსში" აღმოჩნდეს. (Exspress)

14:39 "მარსელის" გარემარბი ფლორიან ტოვენი, შესაძლოა, "ნაპოლიში" წავიდეს. ნეაპოლელები მზად არიან, 35 მილიონი ევრო დახარჯონ. ფეხბურთელისთვის, აგრეთვე, "ბაიერნი" და "ატლეტიკო" იბრძვიან.

15:10 "რომას მცველმა ემერსონმა უკვე შეათანხმა კონტრაქტი "ჩელსისთან". გარიგება ოთხწლიანია, ტრანსფერის თანხა - 22 მილიონი ევრო. (Evenind Standard )

15:18 ოფიციალურად! "ბარსელონას" მცველი ხავიერ მასკერანო "ჰებეი ჩაინა ფორჩუნში" გადავიდა კატალონურ კლუბში შვიდი წელი თამაშის შემდეგ.

15:19 თითქმის გადაწყვეტილია, რომ "ხეტაფეს" მეკარე ვისენტე გუაიტა "კრისტალ პალასში" გააგრძელებს კარიერას. ფეხბურთელმა უკვე გაიარა სამედიცინო შემოწმება და მალე კონტრაქტსაც მოაწერს ხელს. ( Sky Sports)

15:21 "მონაკომ" უარყო "ნაპოლის" წინადადება ბალდე კეიტასთან დაკავშირებით. იტალიელები 45 მილიონ ევროს იხდიდნენ. (RMC Sport)

15:57 "ბარსელონა" შეიძენს ვუნდერკინდს "მონრეალ იმპექტიდან". კატალონელები მალე დაასრულებენ მოლაპარაკებებს ბალუ ტაბლასთან დაკავშირებით. ფორვარდი კოტ დ"ივუარში დაიბადა, მაგრამ კანადის ახალგაზრდულ ნაკრებში თამაშობს. თავდაპირველად, ტაბლა "ბარსელონა B"-ში ითამაშებს. (The Washington Post)

16:10 "ბეტისი", "სევილია" და "ვალენსია" იბრძვიან ლუკაშ მოურასთვის. "პარი სენ-ჟერმენს" ბრაზილიელი გარემარბისთვის 25 მილიონი ევრო უნდა.

16:55 ჯეკ როდუელი "ვიტესში" გადავა სათამაშოდ, - ამის შესახებ წერს კლუბის "ტვიტერი". ფეხბურთელს კონტრაქტი აქვს "სანდერლენდთან", მაგრამ კლუბს ის არ სჭირდება.

17:06 "ბილბაოს" მცველი ემერიკ ლაპორტი უახლოესი ორი დღის განმავლობაში გადავა "მანჩესტერ სიტიში". ამის შესახებ წერს გილიემ ბალაგე.

17:15 გვიდო კარილიო "საუთჰემპტონში" გადავა. ინგლისელებს "მონაკოს" ფეხბურთელი 20 მილიონი ევრო დაუჯდებათ. (Sky Sport)

17:25 არსენ ვენგერს "კორინთიანსიდან" ფორვარდ მაიკონის შეძენა სურს. "არსენალს" ეს ტრანსფერი 10 მილიონი ევრო დაუჯდება. (The Sun)

17:35 ჰოლანდიელი სპეციალისტი ლუი ვან გაალი ავსტრალიის ნაკრების მთავარი მწვრთნელის პოსტზე მთავარი კანდიდატია. (The Telegraph)

17:46 "ლივერპულის" ნახევარმცველი ლაზარ მარკოვიჩი, შესაძლოა, მოსკოვის "სპარტაკში" აღმოჩნდეს. ინგლისელები მზად არიან ღრმა რეზერვისტის გასაყიდად. (Liverpool Echo)

18:00 "ჩელსი" ბოლომდე მოელაპარაკა "რომას" ჯეკოსა და ემერსონის თაობაზე - 50 მილიონი ევრო, რასაც დაემატება 10 მილიონი ბონუსების სახით.

18:20 ალექს სანდროს კიდევ ერთი პრეტენდენტი გამოუჩნდა ინგლისში. "იუვენტუსის" მცველზე პრეტენზიას "მანჩესტერ იუნაიტედი" აცხადებს. ( Sky Sports)

18:36 "ატლეტიკო" სერხიო აგუეროს დაბრუნებაზე მუშაობს. სანაცვლოდ, "მანჩესტერ სიტი" მიიღებს ანტუან გრიზმანს. (The Sun)

18:54 ნეიმარმა საბოლოოდ გადაწყვიტა "პარი სენ-ჟერმენის" დატოვება. უფრო მეტიც, ბრაზილიელი თანახმაა ჰონორარის შემცირებაზე, ოღონდ კი საფრანგეთიდან გაიქცეს. (L"Equipe)

19:30 "აიაქსის" ნახევარმცველი ამინ იუნესი თითქმის "ნაპოლიშია". ჟურნალისტი ჯანლუკა დი მარციო წერს, რომ იტალიელებმა შეათანხმეს საზაფხულო ტრანსფერი, მაგრამ ცდილობენ, იანვარში გადაიბირონ გერმანელი. ზაფხულში იუნესი თავისუფალი აგენტი იქნება, დღეს კი "აიაქსი" 5 მილიონს ითხოვს.

20:10 "ნიუკასლი" მზად არის დაამყაროს პირადი სატრანსფერო რეკორდი და იყიდოს "ლესტერიდან" ისლამ სლიმანი. (Mirror)

21:14 ფილიპე კოუტინიო "ბარსელონაში" მე-14 ნომრით ითამაშებს.

21:18 "ვესტ ჰემი" "ინტერს" მოელაპარაკა ნახევარმცველ ჟოაო მარიუზე, - წერს ისევ ჯანლუკა დი მარციო.

ყოველდღიური სპორტული გაზეთი "ლელო"
2019
მკითხველის კომენტარები / 0 /
მსგავსი ამბები
რუბრიკის სხვა სიახლეები
;