ტრანსფერები-ONLINE: სუარესი  ამერიკაზე  ფიქრობს, ნაპოლი  ლორენტეზე  გადაერთო, ალექსისი ინტერზე, რაკიტიჩი არსად წავა

13:06 ალექსის სანჩესი წინააღმდეგი არ არის „ინტერში“ გადასვლაზე, მაგრამ არ უნდა, მისი ხელფასი კვირაში 500 ათასი გირვანქიდან 150-მდე ჩამოვიდეს.

ამიტომაც, „მანჩესტერ იუნაიტედი“, იმისთვის, რომ გამოეთხოვოს თავდამსხმელს, მზად არის გადაუხადოს მას 36 მილიონი გირვანქა - სწორედ ამდენს გამოიმუშავებდა ორ სეზონში „ოლდ ტრაფორდზე“.

13:13 ჟურნალისტი გიიომ ბალაგე წერს, რომ „პარი სენ-ჟერმენმა“ უარყო მორიგი შეთავაზება მადრიდიდან. „რეალი“ ნეიმარის სანაცვლოდ გამოდიოდა 100 მილიონ ევროს, გარეთ ბეილს, ხამეს როდრიგესსა და კეილორ ნავასს. მაგრამ პარიზელებს ეს წინადადება არ მოეწონათ. თანაც, ამ გარიგებაში მონაწილეობა არ სურს ბეილს.

13:20 „ნაპოლიმ“ უარი თქვა მაურო იკარდის შეძენის მცდელობაზე და ფერნანდო ლორენტზე გადაერთო, რომელიც თავისუფალი აგენტის სტატუსით სარგებლობს.

13:25 ოფიციალურად! „ესპანიოლმა“ იჯარით აიყვანა „სევილიადან“ განაპირა მცველი სებასტიან კორშია. ფრანგი კატალონიაში მომავალ სეზონს გაატარებს და შემდეგ შესაძლებელი იქნება მისი გამოსყიდვა.

13:35 „ეინდჰოვენმა“ მოხერხებულად გაჩარხა ფორვარდ კოსტას მიტროღლუს იჯარა. თავდამსხმელი „მარსელს“ ეკუთვნის, შარშანდელ სეზონში კი „გალათასარაიში“ გამოდიოდა, რომელსაც, თავის მხრივ, ასევე იჯარით ჰყავდა აყვანილი. საბოლოოდ, ჰოლანდიელები გადაიხდიან იჯარის თანხას - 1.25 მილიონ ევროს, ხელფასს კი მიტროღლუს „გალათასარაი“ გადაუხდის.

14:16 ოფიციალურად! „უოტფორდმა“ ერთწლიანი იჯარით მისცა „უდინეზეს“ 25 წლის ნახევარმცველი კენ სემუ. შვედმა „ოსტერნსუნდიდან“ გადასვლის შემდეგ, პრემიერლიგაში ერთი წელი გაატარა, მაგრამ ვერ დაარწმუნა „უოტფორდი“.

14:40 ლუის სუარესი იმედოვნებს კარიერის დასრულებას კლუბ „ინტერ მაიამიში“, რომელიც დევიდ ბექჰემს ეკუთვნის. ვარაუდობენ, რომ ურუგვაელი MLS-ში უკვე მომავალ ზამთარში ან ზაფხულში გაემგზავრება.

14:57 „ლევერკუზენის“ ნახევარმცველ კაი ჰავერტცზე რვა ტოპ-კლუბი აცხადებს პრეტენზიას. ვარაუდობენ, რომ მისი ღირებულება 2020 წლის ზაფხულში 100 მილიონ ევრომდე გაიზრდება. (Sport1)

15:08 „მილანის“ მცველი დიეგო ლაქსალტი, რომელიც ამ გუნდში მხოლოდ შარშან ზაფხულს გადავიდა, იჯარით „ატალანტაში“ წავიდა. ბერგამოელებმა მიიღეს ფეხბურთელის 12 მილიონ ევროდ გამოსყიდვის უფლება.

15:14 „საუთჰემპტონის“ მეკარე ფრეიზერ ფოსტერი სამედიცინო შემოწმებას გადის „სელტიკში“ იჯარით გადასვლის წინ.

15:23 ოფიციალურად! „ბეშიქთაშმა“ გამოაცხადა ჟორჟ-კევინ ნკუდუს „ტოტენჰემიდან“ შეძენის შესახებ. კონტრაქტი ოთხწლიანია, ტრანსფერის თანხამ კი დაახლოებით ოთხი მილიონი ევრო შეადგინა.

15:50 ოფიციალურად! „რეალი“ იჯარით „მალიორკაში“ უშვებს იაპონელ ნახევარმცველს ტაკეფუსუ კუბოს. ფეხბურთელმა უკვე გაიარა სამედიცინო შემოწმება. სეზონის ბოლოს, „მალიორკას“ არ ექნება „იაპონელი მესის“ გამოსყიდვის უფლება. (AS)

15:59 ჟურნალისტმა ნიკოლო სკირამ დაწერა, რომ „ინტერი“ ალექსის სანჩესს მხოლოდ 4.5 მილიონ ევროს გადაუხდის წელაწადში.

16:16 ოფიციალურად! „უოტფორდმა“ ერთწლიანი იჯარით მისცა „უდინეზეს“ 25 წლის ნახევარმცველი კენ სემუ. შვედმა „ოსტერნსუნდიდან“ გადასვლის შემდეგ, პრემიერლიგაში ერთი წელი გაატარა, მაგრამ ვერ დაარწმუნა „უოტფორდი“.

16:23 „ლევერკუზენი“ მზად არის „ლივერპულიდან“ სამ მილიონ ევროდ შეიძინოს დეიან ლოვრენი. (Bild)

17:15 მიში ბატშუაის სურს „ჩელსიში“ დარჩენა და სასტარტო შემადგენლობაში ადგილისთვის ბრძოლა. არც ლონდონური კლუბი ცდილობს მის იჯარით გაშვებას.

17:30 მადრიდის „რეალის“ წარმომადგენლები ჩავიდნენ პარიზში ნეიმართან დაკავშირებით მოლაპარაკებებზე. (Marca)

18:03 „რეალი“ ეძებს მეკარე კეილორ ნავასის შემცვლელს. კოსტარიკოელს აღარ სურს მადრიდში დარჩენა და მისი შეცვლის ერთ-ერთი ვარიანტია 36 წლის ხოსე რეინა. ესპანელი უკვე დიდი ხანია „მილანში“ დონარუმას დუბლიორია. გარდა ამისა, „რომა“ მზად არის შესთავაზოს მადრიდელებს ანტონიო მირანტე.

18:31 ვენსან კომპანი, რომელიც „მანჩესტერ სიტიდან“ „ანდერლეხტში“ მოთამაშისა და მწვრთნელის ამპლუაში გადავიდა, ოთხი მატჩის შემდეგ მხოლოდ გუნდის კაპიტნად დარჩა და მწვრთნელობას ჩამოშორდა.

18:47 „ფიორენტინა“ მზად არის გადაუხადოს „სასუოლოს“ 32 მილიონი ევრო ფორვარდ დომენიკო ბერარდის სანაცვლოდ. (Corriere dello Sport)

18:56 „მილანის“ ფორვარდი ანდრე სილვა აღარ შედის „როსონერის“ გეგმებში, - განაცხადა მოთამაშის აგენტმა ჟორჟე მენდეშმა. ამასთან, პორტუგალიელზე პრეტენზიას აცხადებს სამი სერიოზული კლუბი: „ვალენსია“, „ლილი“ და „სპორტინგი“.

19:07 „ბრეშიამ“ გაიფორმა მარიო ბალოტელი, მაგრამ კიდევ ორი ძლიერი ფეხბურთელი უნდა. ამჟამად, თავისუფალი აგენტის სტატუსით არიან ადილ რამი და ფრედი გუარინი და ორივე მოექცა იტალიური გუნდის ინტერესის სფეროში.

19:18 ივან რაკიტიჩი არსად არ წავა „ბარსელონადან“ ამ სატრანსფერო ფანჯრის დროს. ხორვატით დაინტერესებულნი იყვნენ „პარი სენ-ჟერმენი“, „მანჩესტერ იუნაიტედი“ და „იუვენტუსი“, მაგრამ თავად რაკიტიჩსა და კლუბს არ სურთ განშორება. (Marca)

19:48 ლისაბონის „სპორტინგის“ ჰოლანდიელი ფორვარდი ბას დოსტი მალე „აინტრახტის“ ფეხბურთელი გახდება, - წერს გერმანული პრესა.

19:55 „დორტმუნდმა“ ხელფასი გაუორმაგა ინგლისელ ნახევარმცველს ჯეიდონ სანჩოს - წელიწადში სამის ნაცვლად ექვსი მილიონი. ამასთან, კონტრაქტის მოქმედების ვადა იგივე დარჩა - 2022 წლის ზაფხული. წერენ, რომ ზამთარში „მანჩესტერ იუნაიტედი“ შეეცდება სანჩოს შეძენას 110 მილიონ ევროდ. (The Sun)

20:36 „ტოტენჰემის“ ნახევარმცველი ვიქტორ ვანიამა ახლოს არის „ბრიუგეში“ გადასვლასთან. მასში ბელგიელები იხდიან 10 მილიონ ევროს და ბონუსის სახით კიდევ ხუთ მილიონს დაამატებენ. (Sport.be)

21:02 ოფიციალურად! „ვერონამ“ გაიფორმა სოფიან ამრაბატი - 23 წლის ნახევარმცველი, რომელიც „ბრიუგეში“ გამოდიოდა.

21:15 „მანჩესტერ იუნაიტედი“ ფიქრობს ფერნანდო ლორენტეს გაფორმებას, რომელიც უკლუბოდ არის დარჩენილი. ინგლისური კლუბი მას განიხილავს როგორც ალექსის სანჩესის შემცვლელს.

21:40 ოფიციალურად! „ბრენტფორდმა“ კონტრაქტი გააფორმა ფორვარდ ნიკოს კარელისთან. 27 წლის ფეხბურთელის ხელშეკრულება ერთწლიანია კიდევ ერთი სეზონით გაგრძელების პერსპექტივით.

21:50 ალექს ოქსლეიდ-ჩემბერლენმა კონტრაქტი გააგრძელა „ლივერპულთან“. გარიგების დეტალები, ჯერჯერობით, უცნობი დარჩა.

ყოველდღიური სპორტული გაზეთი "ლელო"
480
მკითხველის კომენტარები / 0 /
მსგავსი ამბები
რუბრიკის სხვა სიახლეები
;