ტრანსფერები-ONLINE: ტრიპიერი  ატლეტიკოშია, რეალი პოგბას არ ეშვება, არსენალი ზაჰაზე ფიქრობს

13:13 ნეიმარი განიხილავს არა მხოლოდ “ბარსელონაში” გადასვლის ვარიანტს, არამედ “რეალში”, “იუვენტუსსა” და “ბაიერნშიც” კი. თუმცა უცნობია, ამ კლუბებიდან რომელია მზად ბრაზილიელის შესაძენად. (El Mundo Deportivo)

13:21 რობერტ ლევანდოვსკიმ აზრი გამოთქვა “ბაიერნის” ტრანსფერების შესახებ და განაცხადა, რომ მის გუნდს მეტი ხარისხიანი ფეხბურთელი სჭირდება.

13:40 ოფიციალურად! “იუვენტუსმა” “ლიონიდან” შეიძინა 20 წლის ნახევარმცველი ჰამზა რაფიუ. გარიგების თანხამ 400 ათასი ევრო შეადგინა. ფეხბურთელმა სამწლიანი კონტრაქტი გააფორმა.

14:06 ოფიციალურად! “ნანტმა” გაიფორმა “გინგამის” ნახევარმცველი მარკუს კოკო. კონტრაქტის დეტალები უცნობია. “ნანტს” ფეხბურთელი სამი მილიონი ევრო დაუჯდა.

14:37 “პარი სენ-ჟერმენის” ნახევარმცველი კრისტოფერ ნკუნკუ სამედიცინო შემოწმებას გაივლის “ლაიპციგისთვის”. ვარაუდობენ, რომ გერმანელები 21 წლის ფეხბურთელის სანაცვლოდ 15 მილიონ ევროს გადაიხიან.

14:46 “რეალი” კვლავ ფიქრობს პოლ პოგბას შეძენას, მაგრამ “მანჩესტერ იუნაიტედი” 200 მილიონ ევროზე ნაკლების მიღებას არ თანხმდებიან.

15:19 “არსენალი” მოელაპარაკა “გრემიოს” ბრაზილიის ნაკრების ფორვარდის ევერტონის 36 მილიონ ფუნტად შეძენაზე. ფეხბურთელი მალე ჩავა ლონდონში სამედიცინო შემოწმების გასავლელად.

15:35 სლავენ ბილიჩი “ვესტ ბრომვიჩის” მთავარი მწვრთნელის რანგში პირველ ფეხბურთელს ყიდულობს. ხორვატი სპეციალისტისთვის შეიძენენ “კარდიფის” ფორვარდს კენეტ ზოჰორას. გარიგება რვა მილიონ ფუნტად ფასდება.

15:49 “ვესტ ბრომვიჩის” ნახევარმცველი ფაბიან შერი “მილანში” გადავა. იტალიური კლუბი 27 წლის შვეიცარიელში 15 მილიონი ფუნტის გადახდას აპირებს.

15:58 “ბაიერნი” შეურიგდა იმას, რომ ვერ შეძლებს “ჩელსის” შემტევი ნახევარმცველის კალუმ ჰადსონ-ოდოის ყიდვას და ახლა, სხვა ვარიანტებზე მუშაობენ.

16:11 ჟან-მიკაელ სერი, რომელიც წელიწადნახევრის წინ კინაღამ “ბარსელონაში” გადავიდა და, საბოლოოდ, “ფულჰემში” აღმოჩნდა, ტოვებს ინგლისს. როგორც წერენ, ნახევარმცველი “გალათასარაიში” გაემგზავრება.

16:48 “ევერტონი” პრეტენზიას აცხადებს “იუვენტუსის” ფორვარდზე მარიო მანჯუკიჩზე. იტალიური კლუბი არ დათმობს ხორვატს 25 მილიონ ევროზე ნაკლებ თანხად.

16:58 “არსენალი” აგრძელებს მუშაობას უილფრიდ ზაჰას ტრანსფერზე. “კრისტალ პალასის” ფორვარდი შეიძლება “ემირეიტზე” აღმოჩნდეს იმიტომაც, რომ “არსენალი” ვერ ახერხებს სებალიოსისა და სალიბუს ყიდვას.

17:28 ინგლისური წყაროები აცხადებენ, რომ “ლივერპული” აპირებს თანხა შესთავაზოს “ლილს” ნახევარმცველ ნიკოლა პეპეში. თავად ფეხბურთელს “პარი სენ-ჟერმენში” გადასვლა აქვს დაგეგმილი.

17:42 ოფიციალურად! “ტოტენჰემმა” დაადასტურა, რომ დენი როუზი, ვინსენტ იანსენი და კევინ ნკუდუ ახალი კლუბების ძებნას დაიწყებენ. მათი გარიგებები ლონდონურ კლუბთან შეწყვეტილია და ისინი არ გაემგზავრნენ აზიურ ტურნეში.

18:12 ოფიციალურად! “ატლეტიკომ” “ტოტენჰემს” 24 მილიონი ევრო გადაუხადა მცველ კირან ტრიპიერში. ორივე კლუბმა დაადასტურა ეს ტრანსფერი.

18:19 “ნიუკასლი” საკმაოდ მსხვილი გარიგების დადებას აპირებს: ინგლისურმა კლუბმა გადაწყვიტა, 40 მილიონ ევროდ შეიძინოს “ჰოფენჰაიმის” ფორვარდი ჟოელინტონი. გერმანულ კლუბში განაცხადეს, რომ ბრაზილიელი არ გამოცხადდა ვარჯიშზე და ინგლისში გაემგზავრა გარიგების დასასრულებლად.

19:28 ოფიციალურად! “ჩელსიმ” ბერლინის “ჰერტაში” გაყიდა 18 წლის დაიშოუნ რედანი. ტრანსფერის თანხაა ხუთი მილიონი ევრო.

19:41 “რენი” აპირებს შემადგენლობის გაძლიერებას “ლიონის” 35 წლის მცველით ჟერემი მორელით.

20:01 რაჯა ნაინგოლანი, რომელიც პრაქტიკულად დაითხოვეს “ინტერიდან”, შეიძლება “კალიარიში” დაბრუნდეს. ბელგიელი განიხილავს ასეთ ვარიანტს, აგრეთვე რამდენიმე წინადადება აქვს ჩინეთიდან.

20:45 ოფიციალურად! “რომამ” გამოაცხადა ჯანლუკა მანჩინის ტრანსფერის თაობაზე. რომაელები ახალ სეზონში ფეხბურთელს ორ მილიონ ევროდ იჯარით აიყვანენ და შემდეგ, აუცილებლად გამოისყიდიან 13 მილიონ ევროდ.

21:58 “ბარსელონას” ბრაზილიელ ნახევარმცველს მალკომს სურს კატალონიის დატოვება, მაგრამ ეს რთული იქნება, რადგან ესპანეთის ჩემპიონი ბრაზილიელში 60 მილიონ ევროს ითხოვს. (AS)

ყოველდღიური სპორტული გაზეთი "ლელო"
716
მკითხველის კომენტარები / 0 /
მსგავსი ამბები
რუბრიკის სხვა სიახლეები
;