ტრანსფერები-ONLINE: შიურლე ანანიძის  თანაგუნდელია, იგუაინს ნაპოლში სურს, არსენალი მცველს იმატებს, ნეიმარი კიდევ ერთი წლით? 

13:15 „მანჩესტერ იუნაიტედს” არ გამოსდის ჰარი მაგუაირთან შეთანხმება და ამიტომაც, ყურადღება სამუელ უმტიტიზე გადაიტანა. „იუნაიტედი” „ბარსელონას” ფრანგ მცველში 50 მილიონ ევროს სთავაზობს.

13:43 ოფიციალურად! „ოსასუნამ” გამოაცხადა „პორტუდან” ადრიან ლოპესის ტრანსფერის შესახებ. კონტრაქტი ერთწლიანია.

14:05 ოფიციალურად! „ვულვერჰემპტონმა” გაიფორმა პორტუგალიელი მცველი ფლავიო კრიშტოვაო. ის „მგლების” ახალგაზრდულ გუნდში ვარჯიშობდა და ახლა, ერთწლიანი კონტრაქტი გააფორმა.

14:15 ოფიციალურად! გერმანელი ფორვარდი რობერტ გლატცელი მეორე ბუნდესლიგის კლუბ „ჰაიდენჰაიმიდან” „კარდიფში” გადავიდა. შარშან მან 29 მატჩში 17 გოლი გაიტანა და გერმანიის თასზე ჰეთ-თრიკი შეასრულა „ბაიერნის” წინააღმდეგ. კონტრაქტი სამწლიანია.

14:24 წერენ, რომ „ბარსელონა” ნეიმარზე ერთადერთი პრეტენდენტი დარჩა, რადგან ბრაზილიელისთვის ბრძოლას ჩამოშორდა „იუვენტუსი”.

15:07 „მონაკო” ვერაფრით მოელაპარაკა „რეალს” მარიანო დიასის შეძენაზე. ამიტომაც დაუბრუნდა „მილანიდან” ანდრე სილვას ვარიანტს. პორტუგალიელი 25 მილიონ ევროდ არის შეფასებული.

15:19 ჟურნალისტი ჯანლუკა დი მარციო წელს, რომ რაჯა ნაინგოლანი შეიძლება „ინტერიდან” „ფიორენტინაში” გადავიდეს. ბელგიელით ასევე დაინტერესებულნი იყვნენ „კალიარი” და „სამპდორია.

16:24 ოფიციალურად! „ფიორენტინამ” გამოაცხადა კევინ-პრინს ბოატენგის შეძენის შესახებ. განელი ფლორენციულ კლუბში „სამუოლოდან” გადავიდა.

17:28 „არსენალი” დათანხმდა 27 მილიონი ევროს გადახდას „სელტიკის” მცველის კირან ტირნის სანაცვლოდ. კლუბები სულ მალე გააფორმებენ ხელშეკრულებას.

17:32 დაუდასტურებელი ინფორმაციით, „ბარსელონამ” და „ბეტისმა” ახალგაზრდა მცველების გაცვლა გადაწყვიტეს. „ბარსას” დატოვებს ჟუან მირანდა, სევილიას - ხუნიორ ფირპო.

17:36 ოფიციალურად! ცენტრალური მცველი იუსტინ ჰოგმა „ჰოფენჰაიმიდან” „უტრეხტში” იჯარის წესით გადავიდა.

17:39 ფერნანდო ლორენტე შეიძლება ისევ აღმოჩნდეს „ლაციოში”. რომაული კლუბის მენეჯერები უკვე დაუკავშირდნენ 34 წლის ფორვარდის აგენტს. ლორენტეზე ასევ ნადირობს „ფიორენტინა.

17:46 ოფიციალურად! „ინტერის” 18 წლის ფორვარდი ფელიჩე დ’ამიკო „სამპდორიაში” გადავიდა.

18:24 ფილიპე კოუტინიოს გაყიდვა - პრიორიტეტია „ბარსელონასთვის” ამ ზაფხულს. თუმცა, კატალონელებს ჯერ არც ერთი კონკრეტული წინადადება არ მიუღიათ ბრაზილიელთან დაკავშირებით.

18:29 გონსალო იგუაინმა თავის აგენტს სთხოვა - მოუხერხოს „ნაპოლიში” დაბრუნება. 

18:37 ოფიციალურად! „სპარტაკმა” დაადასტურა ანდრე შიურლეს ტრანსფერი. გერმანელი „დორტმუნდიდან” იჯარით წავიდა მოსკოვურ კლუბში.

18:56 „არსენალმა” უარი მიიღო „იუვენტუსისგან” მცველ დანიელე რუგანის შეძენის თაობაზე. ახლა, ლონდონური კლუბი ცდილობს იჯარით მაინც გადაიბიროს იტალიელი.

19:00 „პარი სენ-ჟერმენი” შესთავაზებს ნეიმარს კიდევ ერთი წლით დარჩენას და 2020 წელს წასვლას სხვა კლუბში. პარიზელებს იმედი აქვთ, რომ მომავალ წელს შეძლებენ ბრაზილიელის ადეკვატურ ფასად გაყიდვას.

19:02 „არსენალი” არ კარგავს „კრისტალ პალასიდან” ვილფრიდ ზაჰას შეძენის იმედს, მიუხედავად იმისა, რომ უკვე განადებული აქვს „ლილიდან” ნიკოლა პეპეს ტრანსფერი.

19:53 ოფიციალურად! „ბლექბერნმა” „მანჩესტერ სიტიდან” იჯარით აიყვანა ტოსინ ადარაბიოიო. 21 წლის ფეხბურთელმა შარშან „ვესტ ბრომვიჩში” ითამაშა.

20:00 ოფიციალურად! „მალიორკამ” გამოაცხადა სერბული „რადნიკის” 21 წლის ფორვარდის იგორ ზლატანოვიჩის ტრანსფერის შესახებ. ესპანელებს ეს შენაძენი 1.3 მილიონი ევრო დაუჯდათ. კონტრაქტის ხანგრძლივობაა - ოთხი წელი.

20:14 „რომა” ამუშავებს ვარიანტს „ლივერპულიდან” დეიან ლოვრენის შეძენის თაობაზე. ეს სათადარიგო ვარიანტია - იმ შემთხვევისთვის, თუ რომაელებს არ გამოუვათ „ტოტენჰემთან” მოლაპარაკება ტობი ალდერვეირელდის ტრანსფერზე.

20:23 ოფიციალურად! „შალკემ” დაადასტურა სებასტიან რუდის ტრანსფერი „ჰოფენაიმში”. ნახევარმცველი მომდევნო სეზონს „ჰოფეში” იჯარის წესით გაატარებს.

20:25 „პარი სენ-ჟერმენი” არ აპირებს ედინსონ კავანის გაყიდვას. ფრანგებმა უარყვეს „ინტერის” შეთავაზება. შესაბამისად, მილანური კლუბი გადაერთვება „რომადან” ედინ ჯეკოს შეძენაზე.

21:40 „ეინდჰოვენი” ჩემპიონთა ლიგას გამოეთიშა და სურს ირვინგ ლოსანოს გაყიდვა. პრეტენდენტებს შორის „ნაპოლი” პირველია, მაგრამ ჰოლანდიური კლუბი 40 მილიონ ევროს ითხოვს მექსიკელში.

21:53 „ლილის” პრეზიდენტმა ჟერარ ლოპესმა დაადასტურა, რომ ნიკოლა პეპე „არსენალში”გადავა 80 მილიონ ევროდ. ფეხბურთელი უკვე ლონდონში იმყოფება.

ყოველდღიური სპორტული გაზეთი "ლელო"
459
მკითხველის კომენტარები / 0 /
მსგავსი ამბები
რუბრიკის სხვა სიახლეები
;