ტრანსფერები - ONLINE: 11 იანვირს სატრანფერო ჭორ-მართალი

13:10 ესპანეთის ჩემპიონატის ლიდერმა "ბარსელონამ" "პალმეირასიდან" კოლუმბიელი მცველი იერი მინა შეიძინეს. ტრანსფერის თანხამ 12.3 მილიონი ევრო შეადგინა, ხოლო კონტრაქტის ხანგრძლივობა 4.5 წელია.

"ბარსელონა" ახალწვეულს 12 იანვარს წარადგენს. მინას საკლუბო დონეზე 197 მატჩში 22 გოლი აქვს გატანილი. კოლუმბიის ნაკრებში 9 მატჩი ჩაატარა და 3 გოლი გაიტანა. ამ ტრანსფერის შემდეგ, "ბარსელონა" გახდა ერთადერთი გუნდი, რომლის ფეხბურთელთა საერთო ღირებულებამ მილიარდ ევროს მიაღწია.

13:30 "რეალი" ინტერესდება პსჟ-ის ნახევარმცველით გონსალო გედეშით. 21 წლის პორტუგალიელი, ამჟამად, "ვალენსიაში" თამაშობს იჯარით. თავის დროზე, პარიზელები ფეხბურთელში 40 მილიონ ევროს ითხოვდნენ.

13:50 "არსენალმა" მოლაპარაკებები დაიწყო "ბორდოსთან" მალკომის თაობაზე. ლონდონელებს 20 წლის ბრაზილიელი ალექსის სანჩესის შემცვლელად უნდათ. ტრანსფერი 50 მილიონად ფასდება (The Times ).

14:10 "ბარსელონას" ნახევარმცველი რაფინია ალკანტარა ცალი ფეხით "ინტერშია". კატალონიელებმა უკვე შეათანხმეს იჯარის საკითხი იტალიურ გუნდთან (Football Italia).

14:38 მინა "ბარსელონაში" ხავიერ მასკერანოს შეცვლის. არგენტინელი ერთი წლით ჩინეთის "ჰაიბეი ფორჩუნში" მიდის სათამაშოდ. ჩინელები მასში 10 მილიონი ევროს გადაიხდიან.

14:45 დანი სებალიოსმა "რეალს" ტრანსფერზე დაყენება მოსთხოვა. 21 წლის ნახევარმცველი "ლივერპულს" აინტერესებს (Diario Gol).

14:50 სამი ხედირამ უარყო ჭორები MLS-ში გადასვლაზე. 30 წლის გერმანელმა განაცხადა, რომ კონტრაქტის ბოლომდე დარჩება "იუვენტუსში" - 2019 წლის ზაფხულამდე.

15:30 Daily Exspress  ირწმუნება, რომ ლიონელ მესიმ "ბარსელონას" ზაფხულში "მანჩესტერ იუნაიტედის" ფეხბურთელების - ანდერ ერერას, დეილი ბლინდისა და ხუან მატას გაფორმება მოთხოვა. სამივეს უმთავრდება "იუნაიტედთან" კონტრაქტი.

15:40 "ბარსელონას" ფორვარდი ჟერარ დეულოფეუ ახლოს არის იტალიაში დაბრუნებასთან. "ნაპოლიმ" 16 მილიონი მოამზადა ესპანელისთვის.

16:01 "ვილიარეალის" ფორვარდმა სედრიკ ბაკამბომ სამედიცინო შემოწმება გაიარა "ბეიჯინგში".

ჩინელები ფეხბურთელში 40 მილიონ ევროს იხდიან, ხოლო 4-წლიან კონტრაქტში ბაკამბოს 72 მილიონ ევროს მისცემენ.

16:09 Corriere dello sport  წერს, რომ კარლო ანჩელოტიმ შეათანხმა კონტრაქტი "არსენალთან". ხელშეკრულება ოთხწლიანი იქნება.

16:21 51 წლის (!) იაპონელმა ფორვარდმა კაძუიოში მიურამ 2018 წლის ბოლომდე გაახანგრძლივა კონტრაქტი იაპონიის მეორე დივიზიონის კლუბ "იოკოჰამასთან".

16:27 "მილანის" სპორტულმა დირექტორმა მასიმო მირაბელიმ განაცხადა, რომ მისი კლუბი ზამთარში ახალ ფეხბურთელს არ შეიძენს.

17:27 ლენდონ დონოვანმა, რომელმაც 2016 წელს დაასრულა კარიერა, თამაშის განახლება გადაწყვიტა. 35 წლის შემტევი მზად არის მექსიკის "ლეონში" ჩარიცხისთვის (FOX Deportes).

17:51 პატრის ევრა, რომელიც გულშემატკივრის ცემისთვის დისკვალიფიკაციას იხდის, მზად არის "გალათასარაიში" გადასასვლელად. 36 წლის ფრანგს 2018 წლის ივნისამდე არ შეუძლია თამაში (Marca).

17:58 Sky-ის ინსაიდერი ჯანლუკა დი მარციო ამტკიცებს, რომ "მანჩეტერ იუნაიტედის" მწვრთნელი ჟოზე მოურინიო პირადად დაუკავშირდა არსენ ვენგერს და მოელაპარაკა მას ალექსის სანჩესის ტრანსფერზე. ჩილელის სანაცვლოდ, "იუნაიტედი" ჰენრიხ მხითარიანს თმობს.

18:05 "მანჩესტერ სიტიმ" ფორვარდი მარლოშ მორენო იჯარით "ფლამენგოს" მისცა. 21 წლის ბრაზილიელმა პირველი წრე "ხირონაში" გაატარა (O Globo).

18:13 ედენ აზარი ზაფხულში "რეალში" გადავა. ბელგიელმა ვარსკვლავმა უკვე ორჯერ უარყო "ჩელსის" წინადადება კონტრაქტის გაგრძელებაზე (Elgium superstar).

18:21 MLშ-ის კლუბის "მონრეალის" ნახევარმცველმა ბლერიმ ჯემაილიმ ევროპაში დაბრუნება მოისურვა. 31 წლის ფეხბურთელი "ბოლონიას" შეუერთდება, რომელშიც 2016-17 წლებში გამოდიოდა (Sky Italia).

18:36 ზინედინ ზიდანის გათავისუფლების შემთხვევაში, "რეალი" მთავარი მწვრთნელის პოსტზე გერმანიის ნაკრების დამრიგებელს იოახიმ ლიოვს მიიწვევს (Sport.es).

18:44 "საუთჰემპტონის" შემდეგ, "არსენალის" ნახევარმცველ ტეო უოლკოტის მიმართ ინტერესს "ევერტონიც" იჩენს. მერსისაიდელები მზად არიან - 21.5 მლნ ევრო გადაიხადონ და შეუნარჩუნონ ფეხბურთელს ხელფასი - 120 ათასი ევრო კვირაში (The Times).

18:56 "იუვენტუსის" მთავარი მწვრთნელი მასიმილიანო ალეგრი იმ სპეციალისტთა სიაში შედის, რომლებმაც, შესაძლოა, "ჩელსიში" ანტონიო კონტე შეცვალონ (corriere dello sport).

19:27 "ლაიპციგის" მთავარმა მწვრთნელმა რალფ ჰაზენჰიუტლმა წერტილი დაუსვა იანვარში ნახევარმცველ ნაბი კეიტას "ლივერპულში" გადასვლას. ფეხბურთელი ინგლისურ კლუბში აუცილებლად გადავა, ოღონდ, ზაფხულში (Sky Sports).

19:30 ოფიციალური ტრანსფერი! "ვალენსიამ" 2022 წლის ივნისამდე გააფორმა ხელშეკრულება "არსენალის" ნახევარმცველთან ფრანსის კოკელენთან. ტრანსფერის თანხა არ სახელდება.

19:44 "ტოტენჰემის" პრეზიდენტმა დენიელ ლევიმ განაცხადა, რომ მისი გუნდის არც ერთი ლიდერი არ გადავა სხვა კლუბში ზამთრის სატრანსფერო ფანჯრისას (Sky Sports).

20:07 ვაგნერ ლავი, შესაძლოა, ისევ დაბრუნდეს "ფლამენგოში". ბრაზილიელი უკვე შეხვდა კლუბის ხელმძღვანელობას და ახლა რჩება "ალანიასფორის" დათანხმება, რომელშიც ამჟამად თამაშობს (Globo Esporte).

ყოველდღიური სპორტული გაზეთი "ლელო"
546
მკითხველის კომენტარები / 0 /
მსგავსი ამბები
რუბრიკის სხვა სიახლეები