ტრანსფერები - ONLINE: 15 იანვირს სატრანფერო ჭორ-მართალი

13:05 ჩინეთის "გუანგჯოუ ევერგრანდს" "რომას" ნახევარმცველი რაჯა ნაინგოლანი სურს და მზად არის 50 მილიონი ევრო გადაიხადოს. ფეხბურთელს ჩინელები წელიწადში 12 მილიონს პირდებიან (La Gazzetta dello Sport).

13:12 "მანჩესტერ სიტი" აღარ აცხადებს პრეტენზიას ალექსის სანჩესზე და ჩილელს "მანჩესტერ იუნაიტედს" უთმობს. ჟოზე მოურინიოს გუნდი ფორვარდის ტრანსფერს უკვე ამ კვირას გააფორმებს 20 მილიონ ევროდ (The Inderpendent).

13:33 "ბენფიკას" ფორვარდი ლისანდრო ლოპესი მილანში ჩავიდა "ინტერთან" კონტრაქტის გასაფორმებლად. ლოპესი იტალიურ კლუბში იჯარის წესით ითამაშებს. ამ გარიგებაში მილანელებმა 500 ათასი ევრო გადაიხადეს (Calciomercato).

14:16 ოფიციალური ტრანსფერი! "ლევანტეს" მეკარე მიტჩელ ლანგერაკი კარიერას იაპონიის ჩემპიონატში გააგრძელებს. 29 წლის ავსტრალიელი მეკარე "ნაგოია გრამპუსში" გადავიდა. კლუბის შეცვლის მიზეზი სათამაშო პრაქტიკის სიმცირეა - "დორტმუნდის" ყოფილმა გოლკიპერმა ამ სეზონში მხოლოდ ერთი მატჩი ჩაატარა.

14:22 "არსენალი" მზად არის იანვარში 100 მილიონი ევრო გადაიხადოს შეტევის ორ მოთამაშეში - მალკოლმი "ბორდოდან" და პიერ-ემერიკ ობამეიანგი "დორტმუნდიდან" (Daily Mail).

14:30 "მანჩესტერ იუნაიტედმა" მოლაპარკებები დაიწყო დავიდ დე ხეასთან კონტრაქტის გაგრძელებაზე. ესპანელის ამჟამინდელი ხელშეკრულება მომავალ წელს იწურება (Sky Sports).

14:36 "ლევერკუზენის" მეკარე ბერნდ ლენო "ნაპოლის" სამიზნედ განიხილება მომავალი სეზონისთვის. გასულ ზაფხულს იტალიურ კლუბს ჰქონდა ამგვარი მოთხოვნა, მაგრამ "ბაიერმა" არ გაყიდა გერმანიის ნაკრების გოლკიპერი (La Gazzetta dello sport).

14:43 ბაიერნის" პრეზიდენტმა კარლ-ჰაინც რუმენიგემ განაცხადა, რომ კლუბი ყველა ღონეს ხმარობს იმისთვის, რომ მთავარმა მწვრთნელმა იუპ ჰაინკესმა 2019 წლის ზაფხულამდე გააგრძელოს კონტრაქტი. (Kicker)

14:57 "ბარსელონას" სათადარიგოთა სკამზე დაკარგული დენის სუარესი "ჩელსის" აინტერესებს (Daily star).

15:07 "ვესტ ჰემი" და "ჩელსი" განიხილავენ ფორვარდების გაცვლის შესაძლებლობას. "ვესტ ჰემში" შეიძლება გადავიდეს მიშუ ბატშუაი, ხოლო საპირისპირო მიმართულებით გაემგზავროს - ენდი კეროლი (The Teleghraph).

15:22 ოფიციალური ტრანსფერი! "ბოლონიას" ცენტრალური ნახევარმცველი ლუკა რიცო "ატალანტაში" გადავიდა იჯარის წესით.

15:36 ოფიციალურად! "სტოკის" ახალი მთავარი მწვრთნელი გახდა პოლ ლამბერტი. "ნორვიჩისა" და "ასტონ ვილას" ყოფილმა დამრიგებელმა ორწლინახევრიან კონტრაქტს მოაწერა ხელი.

15:44 "ლივერპულმა" "სპორტინგისა" და პორტუგალიის ნაკრების გარემარბს ჟელსონ მარტინშს კვირაში 80 ათასი ფუნტი შესთავაზა. ფეხბურთელი თანახმაა - გადავიდეს "ენფილდზე". "სპორტინგი" ითხოვს, რომ "ლივერპულმა" გადაიხადოს ჟელსონის კონტრაქტში გაწერილი თანხა - 60 მილიონი ევრო (Correrio da Maha).

15:48 "სუონსიმ" გაამზადა 25 მილიონი ევრო "ატლეტიკოდან" ფორვარდ კევინ გამეიროს შესაძენად. ფრანგზე ასევე პრეტენზიას "ფენერბაჰჩე" აცხადებს (The Sun).

16:22 ოფიციალური ტრანსფერი! კიევის "დინამოს" ფორვარდი არტიომ კრავეცი კარიერას თურქეთში გააგრძელებს. 28 წლის ფეხბურთელმა "ქაისერისთან" გააფორმა კონტრაქტი.

16:57 "სტ. ეტიენი" აპირებს იჯარით აიყვანოს "არსენალის" 32 წლის მცველი მატიო დებუში. ფრანგული კლუბის გეგმაშია ზაფხულში სრულფასოვანი კონტრაქტის გაფორმება.

17:08 ოფიციალურად! "მანჩესტერ იუნაიტედის" ლეგენდა რაიან გიგზი უელსის ნაკრების მთავარ მწვრთნელად დაინიშნა. ამის შესახებ გამოაცხადა უელსის საფეხბურთო ასოციაციის პრესსამსახურმა. 44 წლის სპეციალისტთან ოთხწლიანი კონტრაქტი გაფორმდა.

17:15 პრემიერლიგის პირველი წრის ერთ-ერთი საუკეთესო ფეხბურთელი, "უოტფორდის" შემტევი რიჩარლისონი ირჩევს "ჩელსისა" და "არსენალის" შეთავაზებებიდან (Bleacher report).

17:22 ალექსის სანჩესის "მანჩესტერ სიტის" ნაცვლად "მანჩესტერ იუნაიტედში" სავარაუდო გადასვლა იმით არის გამოწვეული, რომ "არსენალის" მთავარი მწვრთნელი არსენ ვენგერი აღფრთოვანებულია "იუნაიტედის" ნახევარმცველით ჰენრიხ მხითარიანით და სურს ჩართოს სომეხი მომავალ გარიგებაში (Sky Sports News).

17:32 "ფლამენგომ" სეზონის ბოლომდე "ჰამბურგიდან" იჯარით აიყვანა 22 წლის ნახევარმცველი უოლესი (Globo sporte).

17:40 ოფიციალური ტრანსფერი! 24 წლის ნახევარმცველი გუსტაფო სკარპა თავისუფალი აგენტის სტატუსით შეუერთდა "ბენფიკას". ფეხბურთელს ცოტა ხნის წინ ამოეწურა კონტრაქტი "ფლუმინენსესთან" (A Bola).

17:56 "ვალენსია" მზად იყო პსჟ-სთვის საწყისი ფასი - 40 მილიონი ევრო გადაეხადა 21 წლის პორტუგალიელი ნახევარმცველის გონსალო გუედეშის სანაცვლოდ, მაგრამ პარიზელებმა თანხა 70 მილიონამდე გაზარდეს (Telefoot).

18:18 ოფიციალური ტრანსფერი! "ხეტაფემ" "კროტონესგან" შეიძინა "ატლეტიკოსა" და "რეალის" ყოფილი მცველი ლეანდრო კაბრერა.

18:26 ოფიციალური ტრანსფერი! "დორტმუნდმა" ოფიციალურად წარადგინა ცენტრალური მცველი მანუელ აკანჯი, რომელიც "ბაზელიდან" 21.5 მილიონ ევროდ შეიძინა. 21 წლის ფეხბურთელთან 2022 წლის ზაფხულამდე გაფორმდა კონტრაქტი.

18:49 "ინტერმა" და "ბარსელონამ" თითქმის შეათანხმეს კატალონიელთა მცველის რაფიანია ალკანტარას მილანურ კლუბში გადასვლის დეტალები. გასარკვევი რჩება გამოსასყიდი თანხის ოდენობა. ამის შესახებ წერს ჟურნალისტი ჯანლუკა დი მარციო.

19:12 "ტოტენჰემმა" გამოთქვა სურვილი - "პარი სენ-ჟერმენიდან" ლუკაშ მოურას შეძენაზე. ლონდონელებს უნდათ ბრაზილიელი სეზონის ბოლომდე იჯარით აიყვანონ (Telefoot).

19:34 ოფიციალური ტრანსფერი! 2017 წლის ზაფხულში "ტრაბზონმა" "მილანიდან" იჯარით აიყვანა ნახევარმცველი ხოსე სოსა. არგენტინელმა დამაჯერებლად ითამაშა ნახევარი სეზონი და ახლა, თურქებმა 3.4 მილიონ ევროდ გამოისყიდეს მისი კონტრაქტი. სოსამ 2020 წლამდე გააფორმა ხელშეკრულება.

19:49 ოფიციალური ტრანსფერი! "ბილბაომ" გამოაცხადა კონტრაქტის გაფორმება "ვიიტორულისა" და რუმინეთის ნაკრების ნახევარმცველთან კრისტიან განეასთან. 25 წლის ფეხბურთელის კონტრაქტი ძალაში 2018 წლის პირველი ივლისიდან შევა. რუმინელს ბასკური ფესვები აქვს და ამის გამო აღმოჩნდა "ბილბაოში".

20:04 ჩენქ თოსუნის "ევერტონში" გაყიდვის შემდეგ, "ბეშიქთაშმა" თვალი დაადგა "არსენალის" ფორვარდს დანი უელბეკს (Goal.com).

20:22 ოფიციალური ტრანსფერი! ნახევარმცველი ადამ მაჰერი იჯარის წესით სეზონის ბოლომდე "ეინდჰოვენიდან" "ტვენტეში" გადავიდა.

ყოველდღიური სპორტული გაზეთი "ლელო"
1561
მკითხველის კომენტარები / 0 /
მსგავსი ამბები
რუბრიკის სხვა სიახლეები
;