ტრანსფერები - ONLINE: 18 იანვრის სატრანსფერო ჭორ-მართალი

13:05 ოფიციალურად! "ჩიკაგო ფაიარმა" თავის ოფიციალურ გვერდზე გამოაცხადა ახალი კონტრაქტის გაფორმების შესახებ ნახევარმცველ ბასტიან შვაინშტაიგერთან. გერმანელი ჩიკაგოელებთან 2018 წლის ბოლომდე დარჩება. გასულ სეზონში შვაინშტაიგერმა 26 მატჩში მიიღო მონაწილეობა და სამი გოლი გაიტანა.

13:39 "რეალის" ფორვარდ კრიშტიანო რონალდოს სურვილს - დატოვოს ესპანეთის ჩემპიონის რიგები, ჩინელები გამოეხმაურნენ. Sky Sports Italia-მ დაწერა, რომ პორტუგალიელით დაინტერესებულია "ტიანძინი", რომელშიც ბელგიის ნაკრების ნახევარმცველი აქსელ ვიტსელი თამაშობს.

14:20 ესპანურმა გამოცემა AS-მ გამოკითხვა ჩაატარა "რეალის" გულშემატკივრებს შორის. გაზეთს სურდა, გაერკვია ფანების გამოკიდებულება ფორვარდ კრიშტიანო რონალდოს მიმართ.

გულშემატკივრებს უნდა ეპასუხათ კითხვაზე: "გსურთ თუ არა გუნდში რონალდუს ხილვა?" გამოკითხულთა 67.5 პროცენტმა უპასუხა: "არა". AS აზუსტებს, რომ გამოკითხვაში მონაწილეობა მიიღო 125 ათასზე მეტმა გულშემატკივარმა.

14:34 "ბარსელონამ", შესაძლოა, "ატლეტიკოს" ფორვარდი ანტუან გრიზმანი ამ სატრანსფერო ფანჯრისას შეიძინოს. ამ გზით, კატალონიელები შეძლებენ ეკონომიას, - მიაჩნია ჟურნალისტ ჯანლუკა დი მარსიოს. გრიზმანსა და "ატლეტიკოს" შორის შარშანდელი შეთანხმებით, ფრანგს იანვარში 100 მილიონ ევროდ წასვლა შეუძლია, ზაფხულში კი 200 მილიონი ევრო ეღირება.

14:50 ოფიციალურად! ცენტრალურმა მცველმა ხერარდ პიკემ კონტრაქტი გაახანგრძლივა "ბარსელონასთან" 2022 წლის ზაფხულამდე. ახალ ხელშეკრულებაში ჩაწერილია გასაყიდი თანხა - 500 მილიონი ევრო.

14:57 ოფიციალურად! "ჯენოას" ფორვარდი რიკარდო სენტურიონი სამშობლოში დაბრუნდა და აველიანედას "რასინგის" ფეხბურთელი გახდა.

15:28 გაზეთი Marca ამტკიცებს, რომ მადრიდელთა პრეზიდენტი ფლორენტინო პერესი გრანდიოზული სატრანსფერო კამპანიის ჩატარებას გეგმავს, რომლის შედეგი იქნება "პარი სენ-ჟერმენის" ფორვარდ ნეიმარის, "ბაიერნის" თავდამსხმელ რობერტ ლევანდოვსკისა და "ჩელსის" ნახევარმცველ ედენ აზარის შეძენა.

მოვლენათა ამგვარი განვითარების შემთხვევაში, კრიშტიანუ რონალდუ, ქარიმ ბენზემა და გარეტ ბეილი გუნდს დატოვებენ.

15:45 ფორვარდი დანიელ სტარიჯი, რომელიც "ლივერპულის" ძირითადში ვერ ხვდება, ახლოს არის "ნიუკასლში" გადასვლასთან, - წერს შკყ შპორტს Nეწს.

16:00 გარეტ ბეილი იმედოვნებს ზაფხულში "მანჩესტერ იუნაიტედში" გადასვლას, - წერს Daily Express.

16:50 ოფიციალურად! "ვოლფსბურგის" ნახევარმცველი პოლ-ჟორჟ ნტეპი სეზონის ბოლომდე იჯარით ითამაშებს "სტ. ეტიენში".

16:56 "სევილია" ახლოსაა "ჩელსიდან" ბელგიელი ფორვარდის მიში ბატშუაის იჯარასთან, - ირწმუნება Marca.

17:12 ინტერნეტში გაჩნდა ფორვარდ ალექსის სანჩესის სათამაშო ფორმა "მანჩესტერ იუნაიტედში". წერენ, რომ "არსენალის" ფეხბურთელის მაისურები უკვე გამოფენილია მანჩესტერული კლუბის ოფიციალურ მაღაზიაში.

18:04 ოფიციალურად! "რომასა"და "სამპდორიას" ყოფილმა მეკარემ ჯანლუკა კურჩიმ შვედეთში ამოჰყო თავი. 32 წლის მეკარემ "ესკილსტუნასთან" 3-წლიან კონტრაქტს მოაწერა ხელი.

18:39 "სამპდორიას" ნახევარმცველი ფილიპ ჯურიჩიჩი "სამპდორიადან" "ბენევენტოში" გადავიდა. ამ სეზონში ფეხბურთელს მხოლოდ 6 წუთი აქვს ნათამაშები.

19:09 "მანჩესტერ იუნაიტედი" ჩაერთო "ჩელსისთან" და "ლივერპულთან" ბრძოლაში "ნიცას" ცენტრალური ნახევარმცველის ჟან-მიშელ სერის ხელში ჩასაგდებად.

19:30 მანჩესტერში შეამჩნიეს ალექსის სანჩესის ნათესავთა დიდი დელეგაცია. ვარაუდობენ, რომ ისინი "მანჩესტერ იუნაიტედში" ფეხბურთელის პრეზენტაციას დაესწრებიან.

19:55 "მანჩესტერ სიტი" მზად არის იჯარით გაუშვას "ამიენში" 24 წლის ნიგერიელი ლარი კაიოდი

ყოველდღიური სპორტული გაზეთი "ლელო"
1360
მკითხველის კომენტარები / 0 /
მსგავსი ამბები
რუბრიკის სხვა სიახლეები
;