ტრანსფერები - ONLINE: 9 იანვირს სატრანფერო ჭორ-მართალი

13:29 მილანის "ინტერის" ფორვარდი მაურო იკარდი ამ კვირას გადავა მადრიდის "რეალში". როგორც ბრიტანული გამოცემა ამტკიცებს, არგენტინელმა უკვე გაიარა სამედიცინო შემოწმება "სამეფო კლუბში". "რეალს" ეს გარიგება 110 მილიონი ევრო დაუჯდება (Daily Express).

13:43 "ნოტინგემი", რომელმაც ინგლისის თასიდან "არსენალი" გააგდო, აიტორ კარანკამ ჩაიბარა. "მიდლსბროს" ყოფილმა მწვრთნელმა ორწლინახევრიან კონტრაქტს მოაწერა ხელი. 26 ტურის შემდეგ, "ფორესტი" მე-14 ადგილზეა ჩემპიონშიფში (BBC Sports).

13:50 ჩილეს ნაკრების ახალი მთავარი მწვრთნელი გახდა რეინალდო რუედა. კოლუმბიელმა სპეციალისტმა მსოფლიოს 2022 წლის ჩემპიონატის შესარჩევის ბოლომდე გააფორმა კონტრაქტი. 60 წლის რუედამ 2010 წლის მუნდიალზე გაიყვანა ჰონდურასი.

13:56 ზაფხულში "რეალმა" 30 მილიონი გადაიხადა "ბეტსის" ნახევარმცველ დანი სებალიოსში, მაგრამ ესპანეთის ახალგაზრდული ნაკრების წევრმა ვერ მოიპოვა ზიდანის ნდობა. ამიტომაც, "ბეტისი" არ გამორიცხავს ნახევარმცველის დაბრუნებას (Aშ).

14:04 "რეალმა" შეაჩერა ბილბაოს" მეკარე კეპა არისაბალაგაზე მოლაპარაკებები - სამედიცინო შემოწმებისას, ბასკს ტრავმა აღმოუჩინეს. სავსებით შესაძლებელია, რომ ფეხბურთელს ოპერაცია ესაჭიროება, რის შემდეგაც, აღდგენას სამი თვე დასჭირდება (Onda Cero).

14:09 დანიელ სტარიჯის მუდმივი ტრავმიანობა აღარ აწყობს "ლივერპულს" და კლუბის ხელმძღვანელობა იანვარში ფეხბურთელის იჯარით გაშვებას აპირებს. ფორვარდის მიმართ ინტერესს იჩენს - "ვესტ ჰემი", "საუთჰემპტონი", "ბეტისი" და "ვალენსია" (ESPN).

14:29 ოფიციალური ტრანსფერი! "რივერ პლეიტმა" თავის ისტორიაში სატრანსფერო რეკორდი დაამყარა, როცა 11.5 მილიონი ევრო გადაიხადა "სან პაულუსა" და არგენტინის ნაკრების ფორვარდ ლუკას პრატოში (Ole).

14:49 "ჩელსის" ხელმძღვანელობამ უარი თქვა "იუვენტუსიდან" ალექს სანდროს შეძენაზე. ლონდონელებმა ბრაზილიელისთვის დაწესებული ფასი - 58 მილიონი ევრო გადამეტებულად მიიჩნიეს (The Telegraph).

14:53 ოფიციალური ტრანსფერი! "შალკემ" "ჰოფენჰაიმის" 26 წლის ფორვარდი მარკო უტი 2022 წლის ზაფხულამდე გაიფორმა. ფეხბურთელი "შალკეს" ზაფხულში თავისუფალი აგენტის სტატუსით შეუერთდება.

15:01 "ჩელსის" ყოფილი ნახევარმცველი რამირესი, რომელიც 2016 წლის იანვრიდან ჩინეთში თამაშობდა, ევროპაში დასაბრუნებლად ემზადება. ბრაზილიელი საყრდენით მილანის "ინტერია" დაინტერესებული.

15:08 "მანჩესტერ იუნაიტედის" ნახევარმცველმა მარუან ფელაინიმ ჟოზე მოურინიოს ზამთრის სატრანსფერო ფანჯრისას გაყიდვა სთხოვა. ბელგიელს მსოფლიოს ჩემპიონატის წინ, სათამაშო პრაქტიკა ესაჭიროება (The Sun).

15:16 "მილანმა" "ტორინოს" უარი უთხრა ფორვარდ ფაბიო ბორინის ტრანსფერზე. ამ ფეხბურთელს სერია A-ში 16 მატჩში არც ერთი გოლი არ გაუტანია (La stampa).

15:32 ოფიციალური ტრანსფერი! "ბარნლიმ" სეზონის ბოლომდე იჯარით აიყვანა "ტოტენჰემის" ფორვარდი ჟორჟ-კევინ ნკუდუ. (SKY)

15:46 "ბარსელონა" აგრძელებს "ატლეტიკოს" ფორვარდის ანტუან გრიზმანის ტრანსფერზე მუშაობას. 26 წლის ფრანგს კატალონიელებმა ხუთწლიანი კონტრაქტი შესთავაზეს წელიწადში 15 მილიონი ევროთი (Cadna Ser).

16:00 "გუანგჯოუ ევერგრანდი" აპირებს, სასამართლოში უჩივლოს გაზეთ Bild-ს, რომელმაც გაავრცელა ჭორი ჩინური კლუბის მიერ პიერ-ემერიკ ობამეიანგის შეძენის თაობაზე. "გუანგჯოუს" ხელმძღვანელობამ ოფიციალურად გამოაცხადა, რომ ასეთი ტრანსფერი არ იგეგმება.

16:13 "მანჩესტერ სიტის" ყოფილი ნახევარმცველი სამირ ნასრი მზად არის, დატოვოს "ანტალიასფორი", რათა მექსიკური "ტიგრესის" წინადადება მიიღოს. (Fanatik)

16:35 "სპორტინგის" ფორვარდმა სეიდუ დუმბიამ, შესაძლოა, ჩინეთში გააგრძელოს კარიერა. ლისაბონელები კოტდივუარელის გაყიდვას 15 მილიონ ევროდ აპირებენ (A Bola).

16:56 "რომა" "მანჩესტერ იუნაიტედთან" აწარმოებს მოლაპარაკებებს მცველ მატეო დარმიანის ტრანსფერთან დაკავშირებით, თუმცა, ფინანსური ფეარ პლეის დარღვევის საშიშროება ემუქრება (Corriere della Sera).

17:35 "ნიუკასლის" ფორვარდი ალექსანდრ მიტროვიჩი "ბორდოში" გადასასვლელად ემზადება. 23 წლის ფეხბურთელს დაკარგული აქვს რაფა ბენიტესის ნდობა (RMC).

17:50 "ვესტ ჰემი" ახლოს არის "ნიუკასლიდან" ნახევარმცველ ჯონჯო შელვის ტრანსფერთან. გარიგების თანხა 13.5 მილიონი ევრო იქნება (The Sun).

17:57 "მანჩესტერ სიტის" მწვრთნელი პეპ გვარდიოლა მოხიბლული დარჩა ჩემპიონთა ლიგაზე "შახტარის" ნახევარმცველ ფრედის თამაშით და აპირებს ზაფხულში მის შეძენას (Manchester Evening News).

18:05 სამუელ ეტო"ო 36 წლისაა, მაგრამ არ აპირებს კარიერის დასრულებას. "ანტალიასფორის" ფორვარდი მზად არის "ვასკო და გამაში" გადასასვლელად. ბრაზილიელები ზაფხულში იმედოვნებენ კამერუნელის გადაბირებას (UOL Esporte).

18:12 ცნობილმა ჟურნალისტმა ჯანლუკა დი მარციომ გამოაცხადა "მანჩესტერ სიტისა" და ალექსის სანჩესს შორის შეთანხმებაზე. ახლა, "სიტი" მოლაპარაკებებს აწარმოებს ლონდონელებთან ტრანსფერის თაობაზე. კონტრაქტის ხანგრძლივობას არ აზუსტებენ, თუმცა ხელფასის ოდენობა ცნობილია - 15 მილიონი ევრო.

18:34 მაურო იკარდისა და "რეალის" ამბავი ტყუილი აღმოჩნდა. "ინტერმა" უარყო დილით გავრცელებული ინფორმაცია (Goal Italia).

18:41 "ლივერპული" აპირებს "პარი სენ-ჟერმენიდან" მარკო ვერატის შეძენას. ეს იმ შემთხვევაში მოხდება, თუ ჩავარდება ამ ზამთარს "ლაიპციგიდან" ნაბი კეიტას იჯარა (The Mirror).

19:18 "ბარსელონას" სტაბილური სათადარიგო გახდა ანდრე გომეში, რომელსაც სურს ზამთარში იჯარით წასვლა. შესაბამისი თხოვნით პორტუგალიელმა უკვე მიმართა კლუბის ხელმძღვანელობას. ერთ-ერთი შესაძლო ვარიანტია - "იუვენტუსი", რომელიც ოქტომბრიდან ინტერესდება ნახევარმცველით (sport).

19:26 ოფიციალური ტრანსფერი! "რუბინის" მცველმა მორიც ბაუერმა 2020 წლის ზაფხულამდე გააფორმა კონტრაქტი "სტოკთან". ტრანსფერის თანხა - 5.5 მილიონი ევროა.

19:40 "ჰადერსფილდი" ახლოს არის "ნორვიჩის" ნახევარმცველ ალექს პრიტჩარდის გადაბირებასთან. კონტრაქტი 2022 წლის ზაფხულამდე იქნება ძალაში, ტრანსფერის ღირებულება 12.2 მილიონი ევრო იქნება.

19:54 31 წლის არგენტინელი ფორვარდი ლეონარდო ულოა ვერ ხდება "ლესტერის" ძირითადში და მზადაა ესპანეთში დასაბრუნებლად. ამ სეზონში თავდამსხმელმა მხოლოდ ოთხი მატჩი ჩაატარა. ულოათი ინტერესდებიან - "ლეგანესი", "სელტა" და "ბეტისი" (Marca).

20:08 ჰოლანდიის ნაკრების ყოფილი ფეხბურთელი რომეო კასტელენი თავისუფალი აგენტის სტატუსით გადავიდა "ვენლოში". 34 წლის შემტევი ბოლოს ჩინეთის ჩემპიონატში თამაშობდა.

20:38 ოთხი ინგლისური კლუბი იმედოვნებს იანვარში "ატლეტიკოს" ნახევარმცველ ნიკოლას გაიტანის შეძენას. "უოტფორდსა" და "ვესტ ჰემს" 29 წლის არგეტინელის სრულფასოვანი კონტრაქტი სურთ, "საუთჰემპტონსა" და "ევერტონს" - იჯარა (Marca).

20:45 "დორტმუნდი" ახლოს არის "ბაზელის" მცველ მანუელ აკანჯის ტრანსფერთან. გერმანელები 22 წლის ფეხბურთელში 15 მილიონ ევროს იხდიან, მაგრამ შვეიცარიელებს 20 მილიონი სურთ (Blick).

20:52 რამირესის ტრანსფერის გარდა, "ინტერი" განიხილავს ანდრე შიურლეს იჯარის შესაძლებლობას, რომელსაც არ აქვს ადგილი "დორტმუნდის" ძირითადში.

20:57 "არსენალი" 35 მილიონ ევროს ამზადებს "ბოკა ხუნიორსის" ფორვარდისთვის კრისტიან პავონისთვის. ლონდონური კლუბი არგენტინელს ალექსის სანჩესის შემცვლელად განიხილავს (Tyc Sports).

ყოველდღიური სპორტული გაზეთი "ლელო"
1439
მკითხველის კომენტარები / 0 /
მსგავსი ამბები
რუბრიკის სხვა სიახლეები
;