ტრანსფერ-ONLINE: ბოლო დღის ყველა ტრანსფერი

12:41 სებასტიან ჯოვინკომ კანადა საუდის არაბეთზე გაცვალა. „ტორონტო“ ვერ მოელაპარაკა იტალიელს ახალ კონტრაქტზე და გაუშვა ის „ალ ჰილალში“ - ერთ მილიონ დოლარად.

13:25 „ნანტმა“ აიყვანა „ბარსელონას“ ყოფილი მცველი ედგარ იე. მას მეხუთე ნომერი და ნახევარწლიანი კონტრაქტი მისცეს.

14:06 „ფენერბაჰჩემ“ გაიფორმა „გალათასარაის“ ცენტრალური მცველი სერდარ აზიზი. თურქეთის ნაკრების ფეხბურთელი ახალ კლუბში უფასოდ მივიდა.

15:25 თურქეთის ჩემპიონატის მესამე გუნდმა „მალათიამ“ სეზონის ბოლომდე „ფულჰემიდან“ იჯარით აბუბაქარ კამარა აიყვანა.

15:46 „ნანტის“ კიდევ ერთი ახალწვეული გახდა ვალენტენ ეისერიკი. ის „ფიორენტინაში“ თამაშობდა, სეზონის ბოლომდე კი საფრანგეთის ჩემპიონატში დარჩება.

16:06 საბოლოოდ დადასტურდა, რომ დენის სუარესი - „არსენალის“ ფეხბურთელია. ლონდონელებს 25 მილიონად შეეძლებათ ზაფხულში ესპანელის გამოსყიდვა.

16:25 „ბოკა ხუნიორსმა“ გამოაცხადა „ბენფიკადან“ ლისანდრო ლოპესის ტრანსფერის შესახებ. გარიგების დეტალები უცნობი დარჩა, თუმცა, ეს იჯარა არ არის. „ბოკა ხუნიორსმა“ ამ ზამთრის სატრანსფერო ფანჯრისას ექვსი ფეხბურთელი შეიძინა.

16:55 „სენტ ეტიენმა“ „მონაკოდან“ აიყვანა იუსეფ აიტ ბენასერი. მაროკოელი ნახევარი წლით იცვლის კლუბს.

17:08 ნახევარწლიანი იჯარა გააფორმეს სპალ-მა და „ლაციომ. რომი დატოვა 22 წლის ალესანდრო მურჯიამ.17:17 „გალათასარაი“ ოპერატიულად მოელაპარაკა „მარსელს“ კოსტას მიტროგლუს იჯარაზე. ბერძენმა უკვე გაიარა სამედიცინო შემოწმება და 18-თვიანი კონტრაქტი გააფორმა.

17:20 ანტონი მარსიალი „მანჩესტერ იუნაიტედში“ დარჩა. ფრანგმა 2024 წლის ზაფხულამდე გააგრძელა კონტრაქტი.

17:54 „მონაკოდან“ „ნოტინგემ ფორესტში“ გადავიდა ფეხბურთელი, რომელსაც პელე ჰქვია. ის პორტუგალიელია.

18:06 პაოკ-მა შემადგენლობა გააძლიერა „პორტუს“ ცენტრალური მცველით სერჟიო ოლივეირათი.

18:36 მიგელ ალმირონი - „ნიუკასლის“ ფეხბურთელია. „ატლანტა იუნაიტედმა“ 24 წლის პარაგვაელის სანაცვლოდ 24 მილიონი ევრო მიიღო.

18:55 „დორტმუნდმა“ იჯარით დრეზდენის „დინამოში“ გაუშვა დენის ბურნიჩი.

18:58 მილინკოვიჩ-სავიჩმა კლუბი შეიცვალა, ოღონდ არა სერგეიმ, არამედ უმცროსმა ძმამ ივანმა. ის ნახევარ წელს გაატარებს „ასკოლიში“. სეზონის პირველი ნახევარი ეს მეკარე სპალ-ში გამოდიოდა.

19:07 „ნიუკასლმა“ „მონაკოდან“ მარცხენა მცველი ანტონიო ბარეკა იჯარით აიყვანა. ინგლისურ კლუბს შეეძლება 10 მილიონ ევროდ ფეხბურთელის გამოსყიდვა.

19:13 კენან კოდრომ „კოპენჰაგენი“ „ბილბაოთი“ შეცვალა. ფეხბურთელს ბასკური ფესვები აქვს. ტრანსფერის თანხას არ ასახელებენ.

19:22 „ემპოლიმ“ რამდენიმე წუთში სამი ფეხბურთელი წარადგინა: კევინ დიქსი „ფიორენტინადან“ იჯარით მივიდა წლინახევრით. დიეგო ფარიასი და მარკო პაიაცი „კალიარიდან“ ნახევარი სეზონით გამოსყიდვის უფლებით.

19:27 „შალკემ“ შემადგენლობა შეავსო ჯეფრი ბრუმათი. ჰოლანდიელი მცველი ნახევარი სეზონით ითხოვეს „ვოლფსბურგიდან“.

19:39 სენეგალის ნაკრების ფორვარდი მბაიე დიანე „ქასიმფაშადან“ „გალათასარაიში“ გადავიდა. 27 წლის ფეხბურთელმა 2023 წლის ზაფხულამდე გააფორმა კონტრაქტი.

19:55 ჟორჟ-კევინ ნკუდუ „ტოტენჰემიდან“ „მონაკოში“ გადავიდა - ნახევარწლიანი იჯარით.

20:04 „სელტამ“ იჯარით აიყვანა მცველი ლუკას ოლასი „ბოკა ხუნიორსისგან“.

20:08 „სელტამ“ ჰოლანდიის ექსელსიორში“ გაუშვა სათადარიგო ფორვარდი დენის ეკერტი.

20:11 „ჰამბურგის“ საყრდენი კრისტოფ მორიტცი იჯარით „დარმშტადტში“ წავიდა.

20:18 დანიის ახალგაზრდული ნაკრების მცველი იაკობ რასმუსენი „ფიორენტინას“ ფეხბურთელი გახდა, მაგრამ სეზონის ბოლომდე იჯარით წინა კლუბში „ემპოლიში“ დარჩება.

20:28 მცველი მარტინ ჰინტერეგერი „აუგსბურგიდან“ ფრანკფურტის „აინტრახტში“ გადავიდა.

20:36 „აინტრახტის“ კიდევ ერთი ტრანსფერი - ფრანკფურტულმა კლუბმა 2023 წლის ზაფხულამდე გაიფორმა „მონაკოს“ 22 წლის მცველი ალმამი ტურე.

20:39 ლეანდრო ბაკუნამ შეცვალა „რედინგი“ „კარდიფით“, ჩემპიონშიფი პრემიერლიგით. 27 წლის ფეხბურთელმა 2023 წლის ზაფხულამდე გააფორმა კონტრაქტი. ადრე იტყობინებდნენ, რომ მასში 3.5 მილიონ ევროს გადაიხდიდნენ.

20:47 რუბენ სობრინო „ალავესიდან“ „ვალენსიაში“ გადავიდა. 26 წლის ფორვარდმა კონტრაქტი 2022 წლამდე გააფორმა.

21:06 რომის „ლაციომ“ „ჯენოას“ ნახევარმცველი რომულო გადაიბირა.

21:18 „ესპანიოლმა“ გაყიდა ფორვარდი ლეო ბაპტისტაო ჩინეთის „უჰან ჩოერში“. აზიელებმა მასში ექვსი მილიონი ევრო გადაიხადეს.

21:23 რიად ბუდებუზი „ბეტისიდან“ იჯარით წავიდა „სელტაში“.

22:04 „ატლეტიკომ“ შეიძინა ნეუენ პერესი - არგენტინის 20-წლამდელთა ნაკრების კაპიტანი. ის მადრიდულ კლუბს U20 კოპა ამერიკას შემდეგ შეუერთდება. მანამდე მცველი „არგენტინოს ხუნიორსში“ გამოდიოდა.

22:10 არგენტინის ნაკრებში მსოფლიოს 2014 წლის ვიცე-ჩემპიონი ფაკუნდო რონკალია იჯარით წავიდა „სელტადან“ „ვალენსიაში“.

22:14 რის ოქსფორდი „აუგსბურგში“ დაბრუნდა. მან გასულ სეზონში ითამაშა ამ გერმანულ კლუბში, მაგრამ შემდეგ უკან „ვესტ ჰემში“ დაბრუნდა, თუმცა თამაში არ უწევდა.

22:31 ემილ სმიტ-როუ „არსენალიდან“ ბუნდესლიგაში წავიდა სათამაშო პრაქტიკისთვის. ინგლისის იუნიორთა ნაკრების წევრი „ლაიპციგში“ სეზონის ბოლომდე ითამაშებს.

22:47 „ბარსელონამ“ გამოაცხადა „ატლეტიკო მინეიროდან“ განაპირა მცველის ემერსონის შეძენის თაობაზე.

23:02 „რომას“ აღზრდილი ლუკა პელეგრინი „კალიარიში“ გადავიდა.

23:16 20 წლის მეკარე ლოიკ ბადიაშილი „მონაკოდან“ „რეიმსში“ წავიდა. მან ამ სეზონში მხოლოდ ოთხი მატჩი ჩაატარა.

23:21 პეტერ კრაუჩი პრემიერლიგაში დაბრუნდა - „ბარნლიში“ ითამაშებს. მან სრულფასოვანი კონტრაქტი გააფორმა და მე-15 ნომერი აირჩია.

23:26 „მანჩესტერ იუნაიტედმა“ პორტუგალიელი მეკარე ჟოელ პერეირა ბელგიურ „კორტრიიკში“ გაუშვა. სეზონის პირველი ნახევარი მან „სეტუბალში“ გაატარა.

23:59 „მანჩესტერ სიტის“ ყოფილი ფორვარდი ვილფრიდ ბონი იჯარით „სუონსიდან“ ყატარის „ალ-არაბიში“ წავიდა.

00:04 „მონაკომ“ და „ლესტერმა“ გაცვალეს ფეხბურთელები - იური ტილემანსი „მელიებთან“ წავიდა, ადრიენ სილვა - მონტე კარლოში.

00:11 ბრაზილიელი ლუკას პუაზონი „ჩელსიდან“ „კიევოში“ აღმოჩნდა.

00:16 შინჯი კაგავამ გაიარა სამედიცინო შემოწმება და „დორტმუნდიდან“ „ბეშიქთაშს“ შეუერთდა.

00:31 დიმიტრი ობერლენი „ბაზელიდან“ იტალიაში გაემგზავრა -“ემპოლიში“.

00:35 23 წლის მალიელი ადამა ტრაორე „მონაკოდან“ იჯარით „სერკლ ბრიუგეში“ გადავიდა.

00:42 „ტოტენჰემის“ 20 წლის ფორვარდი კაზაია სტერლინგი მიიღებს უფრო მეტ სათამაშო პრაქტიკას „სანდერლენდში“.

00:47 განაპირა მცველმა კუკო მარტინმა დატოვა „ევერტონი“ და „ფეიენოორდის“ ფეხბურთელი გახდა.

02:09 „პარი სენ-ჟერმენის“ 18 წლის ნახევარმცველი იასენ ადლი „ბორდოში“ გადავიდა. მან 2023 წლის ზაფხულამდე გააფორმა კონტრაქტი.

02:13 ბრაზილიელმა განსომ დატოვა „სევილია“ და „ფლუმინენსეში“ გადავიდა.

02:15 ჰოლანდიელმა ერიკ პიტერსმა დატოვა „სტოკი“ და შეუერთდა ფრანგულ „ამიენს“.

ყოველდღიური სპორტული გაზეთი "ლელო"
853
მკითხველის კომენტარები / 0 /
მსგავსი ამბები
რუბრიკის სხვა სიახლეები
;