ტრანსფერ - ONLINE: თითქმის ბარსელონელი ვიდალი, 'იუნაიტედი' მინას უმიზნებს, ვერატი ინგლისში?

13:33 Sky Sport ირწმუნება, რომ "მანჩესტერ იუნაიტედი" იერი მინას უმიზნებს. კოლუმბიელი მცველი "იუნაიტედის" პრიორიტეტი გახდა მას შემდეგ, რაც "ლესტერმა" ძალიან ბევრი მოითხოვა ჰარი მაგუაირში.

13:36 ოფიციალურად! "ინტერმა" "ატლეტიკოდან" იჯარით აიყვანა მსოფლიოს ვიცე-ჩემპიონი შიმე ვრსალკო. ხორვატი მილანურ კლუბში მეორე ნომრით ითამაშებს.

14:32 ოფიციალურად! "ვესტ ჰემის" ნახევარმცველი შეიხუ კუიატე "კრისტალ პალასში" გადავიდა. სენეგალელმა ოთხწლიანი კონტრაქტი მიიღო.

14:36 ოფიციალურად! ნახევარმცველი რონალდუ ვიეირა "ლიდსიდან" და "სამპდორიაში" გადავიდა. გენუურ კლუბთან კონტრაქტი 5-წლიანი იქნება.

14:40 28 წლის სებასტიან რუდი სულ უფრო ახლოსაა "ლაიპციგთან". Bild წერს, რომ რუდისთვის კლუბი ივიწყებს თავის პრინციპს - არ გაიფორმოს 24 წელზე ზემოთ ფეხბურთელი.

14:45 "ლესტერი" რიად მაჰრეზის შემცვლელს ეძებს და ასეთად მიაჩნია "სპარტაკის" ფორვარდი ქუინსი პრომესი. ინგლისური კლუბი ასევე განიხილავს ნიკოლა პეპეს ("ლილი"), ტორგან აზარისა ("გლადბახი") და რაშიდ ღეზალის ("მონაკო") კანდიდატურებს.

15:01 აქსელ ვიტსელი უახლოვდება "დორტმუნდს". Bild ირწმუნება, რომ ტრანსფერი ჩინეთიდან უახლოეს დღეებში განხორციელდება.

15:11 მაჰრეზის შეცვლის კიდევ ერთი ვარიანტია - ადნან იანუზაი.

15:28 "ბარსელონა" არ შეიძენს პოლ პოგბას "მანჩესტერ იუნაიტედიდან", რადგან ეს ტრანსფერი ეკონომიურად შეუძლებელია.

15:38 ევგენი კონოპლიანკას უნდა "შალკედან" წასვლა. უკრაინელზე მთავარ პრეტენდენტად რჩება "ესპანიოლი".

15:49 "პარი სენ-ჟერმენი" დაინტერესებულია "ლევერკუზენის" მარცხენა მცველი ვენდელით. ბრაზილიელი ლეივენ კურზავას შემცვლელი უნდა იყოს. მისი ფასი 30 მილიონი ევროა.

16:50 Evening Standad  წერს, რომ "ტოტენჰემის" პირველი შენაძენი გახდა "ასტონ ვილას" ნახევარმცველი ჯეკ გრილიში.

16:54 როგორც ჩანს, "არსენალმა" დაასრულა სატრანსფერო კამპანია. "ახლა კმაყოფილი ვარ იმ მოთამაშეებით, რომლებიც მყავს. ამჟამად, ყველა კმაყოფილია", - განაცხადა ლონდონელთა დამრიგებელმა უნაი ემერიმ.

16:57 "არსენალისა" და "მილანის" ყოფილი ნახევარმცველი, 34 წლის მატიო ფლამინი "ბრისბენ როარში" გადავიდა.

17:02 ეგვიპტის ფეხბურთის ფედერაციამ გამოაცხადა, რომ ნაკრების ახალი მთავარი მწვრთნელი იქნება ხავიერ აგირე. მექსიკის ნაკრების ყოფილი დამრიგებელი "ფარაონებს, მსოფლიოს 2022 წლის ჩემპიონატის ბოლომდე ავარჯიშებს.

17:06 ტობი ალდერვეირელდმა ბელგიურ პრესასთან ინტერვიუში განაცხადა, რომ ლონდონში ბრუნდება და "ტოტენჰემთან" ერთად სეზონისთვის მზადებას იწყებს.

17:10 ჟურნალისტი ფაბრიციო რომანო წერს, რომ ლუკა მოდრიჩი ოცნებობს "ინტერში" თამაშზე. შვებულების დასრულების შემდეგ, ხორვატს ელოდება შეხვედრა ფლორენტინო პერესთან. მოდრიჩმა შეიძლება სთხოვოს "რეალის" ბოსებს გაშვება ახალი გამოცდილების მისაღებად.

17:14 ავსტრიელმა მწვრთნელმა ანდრეას ჰერცოგმა ისრაელის ნაკრები ჩაიბარა. მანამდე ის მუშაობდა აშშ-ის ახალგაზრდულ ნაკრებში.

17:22 ოფიციალურად! ნახევარმცველი იოსინორი მუტო "მაინციდან" "ნიუკასლში" გადავიდა.

17:28 Premiumsport-ს მიაჩნია, რომ "შახტარის" მოთამაშე ბერნარდი ახლოს არის "მილანში" გადასვლასთან. ბრაზილიელი სერია A-ში 3 მილიონ ევრო მიიღებს წელიწადში.

17:38 Eვენინგ შტანდარდ წერს, რომ ტობი ალდერვეირელდს, მუსა დემბელესა და დენი როუზს სურთ "ტოტენჰემიდან" წასვლა სატრანსფერო ფანჯრის ბოლომდე. იგივე სურვილი აქვთ ფერნანდო ლორენტესა და ვინსენტ იანსენს.

17:44 ოფიციალურად! "ტოტენჰემის" 18 წლის ფორვარდმა რეო გრიფიტსმა ოთხწლიანი კონტრაქტი გააფორმა "ლიონთან".

17:58 აჰმედ მუსას აგენტმა გამოაცხადა, რომ ფორვარდი მიდის "ლესტერიდან" და საუდის არაბეთში "ალ-ნასრის" შემადგენლობაში ითამაშებს. ნიგერიელი მეშვიდე ნომრით ითამაშებს.

18:07 კევინ მირალასი მალე გადავა "ევერტონიდან" "ფიორენტინაში". შკყ შპორტს ადასტურებს, რომ ბელგიელი ფლორენციაში იჯარით მიდის.

18:11 ხორვატიის ნაკრების ფორვარდი ანტე რებიჩი ემზადებოდა "მანჩესტერ იუნაიტედში" გადასასვლელად, მაგრამ "სევილიათი" მოუწევს დაკმაყოფილება. ესპანელები "აინტრახტს" 21 მილიონ ევროს გადაუხდიან.

18:24 მარკო ვერატი, შესაძლოა, "პარი სენ-ჟერმენიდან" ინგლისში წავიდეს. TuttoMercatoweb  ირწმუნება, რომ იტალიელი ნახევარმცველით დაინტერესებულია "მანჩესტერ სიტი". ბევრი რამ იქნება დამოკიდებული ფეხბურთელის პირად გადაწყვეტილებაზე.

18:31 ოფიციალურად! "ბენევენტოსა" და იტალიის ახალგაზრდული ნაკრების ფორვარდი ენრიკო ბრინიოლა "სასუოლოში" გადავიდა. ტრანსფერის ღირებულებაა 3.5 მილიონი ევრო.

18:38 არგენტინული გაზეთი OLE  წერს, რომ "ევერტონი" ახლოს არის მარკოს როხოს ტრანსფერთან. ეს დაეხმარება "მანჩესტერ იუნაიტედს" "ბარსელონადან" იერი მინას გადაბირებაში.

18:50 Sport.es ირწმუნება, რომ არტურო ვიდალმა და "ბარსელონამ" შეათანხმეს ერთმანეთში კონტრაქტი. "ბაიერნს" ჩილელის სანაცვლოდ 30 მილიონი ევრო ერგება.

18:59 ოფიციალურად! "დეპორტივოს" მცველმა სიდნეიმ "ბეტისთან" ოთხწლიანი კონტრაქტი გააფორმა.

19:16 ოფიციალურად! "ბაიერნმა" 20 წლის ცენტრალური მცველი მაქსიმ ავუჯა გაიფორმა.

19:32 ოფიციალურად! ბრაზილიელმა ვიტორ ბუენომ ორწლიანი კონტრაქტი გააფორმა კიევის "დინამოსთან".

20:00 მოსკოვის "ლოკომოტივი" აგრძელებს ჩემპიონთა ლიგისთვის შემადგენლობის გაძლიერებაზე ზრუნვას. რუსეთის ჩემპიონის სამიზნეა "ვილიარეალის" ფორვარდი კარლოს ბაკა.
20:05 "კრისტალ პალასის" ახალბედა მაქსიმილიან მაიერი კვირაში 134 ათას ევროს მიიღებს. მისი ხელფასი პრემიერლიგაში TOP20-ში შედის. დაახლოებით ამდენს იღებენ "არსენალში" ობამეიანგი და მხითარიანი.

20:13 გაზეთი Marca  წერს, რომ ლუკა მოდრიჩის აგენტმა და "რეალის" ბოსებმა უარყვეს "ინტერთან" მოლაპარაკების ფაქტი. ხორვატის "რეალიდან" წაყვანის ფასია - 750 მილიონი ევრო.

20:15 ოფიციალურად! "რომას" მცველმა ალესანდრო ფლორენციმ ახალი ხუთწლიანი კონტრაქტი გააფორმა დედაქალაქურ კლუბთან.

20:18 "ვესტ ჰემმა" 30 მილიონი ევრო შესთავაზა "სელტას" მაქსი გომესში. ესპანურ კლუბს 40 მილიონი უნდა.

20:21 ოფიციალურად! "ვესტ ჰემმა" კონტრაქტი გააფორმა პორტუგალიის ახალგაზრდული ნაკრების 21 წლის ფორვარდ შანდე სილვასთან.

20:40 ჟურნალისტმა სანტი ოვალემ დააზუსტა, რომ არტურო ვიდალი "ბარსელონას" ფეხბურთელი გახდება და "ბაიერნი" 20 მილიონ ევროს მიიღებს. "ბარსელონა" და ვიდალი დარწმუნებულნი არიან გარიგების წარმატებაში.

20:44 "რეალის" მცველი ტეო ერნანდესი, შესაძლოა, ერთწლიანი იჯარით წავიდეს "ფულჰემში". ამის შემდეგ Onda Cero -მ დაწერა.

20:59 მოსკოვის "ლოკომოტივის" კიდევ ერთი სამიზნეა შვედეთის ნაკრების ფორვარდი ისააკ ტელინი. "ანდერლეხტმა" დასტური მისცა ფეხბურთელის ტრანსფერს 5-6 მილიონ ევროდ. ტელინზე ასევე აცხადებს პრეტენზიას "ნიუკასლი".

21:50 დღის განმავლობაში დაიწერა, რომ აქსელ ვიტსელი ნამდვილად გადავიდოდა "დორტმუნდში", მაგრამ, ახლა, "ტიანძინის" მწვრთნელმა პაულო სოუზამ განაცხადა, რომ ჩინეთში სატრანსფერო ფანჯარა დაიხურა.

21:51 ოფიციალურად! "სუონსის" ცენტრალური მცველი ალფი მოუსონი "ფულჰემის" რიგით მეექვსე ახალბედა გახდა.

21:58 საქართველოს ნაკრების ყოფილი მწვრთნელი ექტორ კუპერი უზბეკეთის ნაკრების დამრიგებელი გახდა.

ყოველდღიური სპორტული გაზეთი "ლელო"
922
მკითხველის კომენტარები / 0 /
მსგავსი ამბები
რუბრიკის სხვა სიახლეები
;