ტრანსფერ - ONLINE: იგუაინი ცალი ფეხით 'მილანში', ბონუჩი ისევ 'იუვეში, პოგბა კატალონიაში?

13:11 გაზეთი The Sun  წერს, რომ ჟოზე მოურინიოს მომავალი საფრთხის ქვეშაა - "მანჩესტერ იუნაიტედის" ბოსებს არ აწყობთ მისი წუწუნი, მოთამაშეებიც უკმაყოფილონი არიან წინასასეზონო მომზადებით. პირველივე პრობლემის შემთხვევაში, მოურინიოს გაუშვებენ და მის ადგილზე მთავარი კანდიდატია - ზინედინ ზიდანი.

13:15 ოფიციალურად! ლუკ დინი ოფიციალურად გადავიდა "ბარსელონადან" "ევერტონში" და ინგლისურ კლუბთან ხუთწლიანი კონტრაქტი გააფორმა. ფრანგი მე-12 ნომრით ითამაშებს.

13:21 "ზენიტს" სურს "მანჩესტერ იუნაიტედის" ორი მცველის - მარკოს როხოსა და ვიქტორ ლინდელოფის გადაბირება.

13:24 ოფიციალურად! 24 წლის ბერძენი მეკარე სტეფანოს კაპინო "ნოტინგემიდან" "ვერდერში" გადავიდა. მას საბერძნეთის ნაკრებში 17 წლისას ჰქონდა დებიუტი.

13:26 ოფიციალურად! "ატლეტიკომ" "ინტერში" გაუშვა ვიცე-ჩემპიონი შიმე ვრსალკო, სამაგიეროდ, "ეინდჰოვენიდან" აიყვანა სანტიაგო არიასი.

13:44 ოფიციალურად! მცველი ტიმოტე კოლოძეიჩაკი მექსიკური "ტიგრესიდან" ევროპაში დაბრუნდა. ის იჯარით ითამაშებს "სენტ ეტიენში".

13:49 "ბარსელონას" მცველმა იერი მინამ Metro-სთან ინტერვიუში განაცხადა, რომ კატალონიაში საკუთარ თავში რწმენა დაკარგა.

13:56 რამდენიმე დღის წინ წერდნენ, რომ "ინტერმა" თითქმის იყიდა "ბაიერნიდან" არტურო ვიდალი. მაგრამ, ახლა, შეაჩერა მოლაპარაკებები, რადგან იმედი აქვს, რომ "რეალიდან" ლუკა მოდრიჩს შეიძენს.

13:59 "იუვენტუსის" ფორვარდი გონსალო იგუაინი გაჯიუტდა და არ სურს იჯარით "მილანში". მისი სურვილია - სრულფასოვანი კონტრაქტი და ხელფასი 9 მილიონი ევრო. ამის შესახებ წერს La Gazzetta Dello Sport.

14:11 "ტიანძინი" არ გაუშვებს აქსელ ვიტსელს "დორტმუნდში". ჩინელებს უნდათ, ბელგიელი პრემიერლიგის გუნდში გაყიდონ მისი სურვილის საწინააღმდეგოდ. "დორტმუნდი" ფიფაში ჩივილს აპირებს, - წერს Bild.

14:14 ოფიციალურად! "ლაციომ" ერთბაშად ორი ფეხბურთელი გაიფორმა - ხოაკინ კორეა "სევილიადან" და მილან ბადელი "ფიორენტინადან".

14:19 "ბაიერნის" პრეზიდენტმა კარლ-ჰაინც რუმენიგემ განაცხადა, რომ მათ არ სურთ ბენჟამენ პავარის შეძენა ჯერომ ბოატენგის ნაცვლად. "ჩვენ გვყავს ჰუმელსი, ზიულე და მარტინესი, რომელსაც შეუძლია ცენტრში თამაში, აგრეთვე, ალაბა და ახალგაზრდები - მაი და რიჩარდსი. ბევრი ვარიანტია", - განაცხადა რუმენიგემ Bild-თან ინტერვიუში.

14:50 მაიკლ ბრიჯი Sky Sport News -დან წერს, რომ ლეონარდო ბონუჩი შეიძლება "მილანიდან" "მანჩესტერ იუნაიტედში" გადავიდეს. "იუნაიტედს" არ გამოუვიდა ალდერვეირელდისა და მაგუაიერის ტრანსფერი, ამიტომაც, ბონუჩი კარგი ალტერნატივაა.

14:59 Bild წერს, რომ "ლაიპციგს" სურს "ბაიერნიდან" გერმანიის ნაკრების ნახევარმცველის სებასტიან რუდის შეძენა.

15:10 ოფიციალურად! "ლივერპულის" ახალგაზრდა მცველი ბენ ვუდბერნი ერთი წლით იჯარით გადავიდა "შეფილდში".

15:10 ოფიციალურად! ისლანდიელი ემილ ჰალფრედსონი "ფროზინონეში" გადავიდა.

15:35 "პორტუს" ფორვარდი ვენსან აბუბაკარი "სევილიას" აინტერესებს. ესპანური კლუბი კამერუნელში 20 მილიონი ევროს იხდის. ამის შესახებ წერს A Bola.

15:45 ხულენ ლოპეტეგი არ გაყიდის დანი სებალიოსს და მასზე გააკეთებს აქცენტს ახალ "რეალში". 20 წლის ნახევარმცველს მწვრთნელი კარგად იცნობს იუნაიორთა ნაკრებიდან. სებალიოსი სასტარტოში იქნება ევროპის სუპერთასზე, - წერს Mარცა.

15:55 "ბარსელონას" სპორტული დირექტორი ერიკ აბიდალი ლოს ანჯელესში შეხვდა პოლ პოგბას. ფრანგი შეიძლება "მანჩესტერ იუნაიტედიდან" კატალონიაში გადავიდეს, - მიაჩნია Tuttosport-ს.

16:01 თურქული ვებგვერდი Fanatik წერს, რომ "ბეშიქთაშის" მცველი დომაგოი ვიდა "მონაკოს" აინტერესებს, მაგრამ თურქები ხორვატში 30 მილიონ ევროს ითხოვენ.

16:08 იურგენ კლოპს მოსწონს კრისტიან პულიშიჩი "დორტმუნდიდან", მაგრამ "ლივერპული" არ არის მზად 67.5 მილიონის გადასახდელად.

16:19 "ჩელსი" ავიწროებს "შახტარს", რათა სწრაფად განხორციელდეს ბერნარდის ტრანსფერი. თუმცა, თავად ბრაზილიელს "მილანში" გადასვლა სურს.

16:23 BBC-ის ინსაიდერი საიმონ სტოუნი წერს, რომ კრის სმოლინგი არ დატოვებს "მანჩეტერ იუნაიტედს".

16:26 ESPN წერს, რომ ანდრე-პიერ ჟინიაკმა უარი განაცხადა "მონაკოში" გადასვლაზე. "ტიგრესის" ფორვარდის ოცნების გუნდი "მარსელია".

16:35 "ტოტენჰემის" 18 წლის ფორვარდი რეო გრიფიტსი სამედიცინო შემოწმებას საფრანგეთში გაივლის, რათა "ლიონში" გააგრძელოს კარიერა. ამ ფეხბურთელზე "ბარსელონა", "რეალი" და "პარი სენ-ჟერმენი" ნადირობდნენ.

16:42 L"Equipe ირწმუნება, რომ "რენის" ნახევარმცველი ჯეიმს ლეა სილიკი სამი კლუბის სამიზნე გახდა - "დორტმუნდის", "ევერტონისა" და "ბენფიკასი".

16:45 მატეო კოვაჩიჩმა უარი თქვა "მანჩესტერ იუნაიტედში" გადასვლაზე, თუმცა ინგლისელები 60 მილიონ ევროს იხდიდნენ. Mara წერს, რომ კოვაჩიჩმა "მანჩესტერ იუნაიტედის" თამაშს სტილს მისთვის შეუფერებელი უწოდა.

16:54 "სტოკის" ნახევარმცველი ბადუ ნ"დიაიე შეიძლება "ევერტონში" გადავიდეს. ლივერპულური კლუბი სენეგალის ნაკრების ფეხბურთელში 15 მილიონ ევროს იხდის.

17:08 ოფიციალურად! მეკარე ნიკი მაიელიაა "ბრისტოლის" მოთამაშე გახდა. მან ახალ კლუბთან ერთწლიანი კონტრაქტი გააფორმა.

17:11 Sky Sport Italia  ამტკიცებს, რომ "არსენალის" გარემარი ლუკას პერესი "ფიორენტინაში" გადავა. ფლორენციული კლუბი ესპანელში დაახლოებით 7.5 მილიონ ევროს გადაიხდის.

17:16 ჯანლუკა დი მარციო წერს, რომ სამმაგი გაცვლა "მილანსა" და "იუვენტუსს" შორის მალე გაფორმდება: იგუაინი და კალდარა "მილანში" წავლენ, ბონუჩი ტურინში დაბრუნდება.

17:26 სებასტიან ჯოვინკომ განაცხადა, რომ უნდა MLS-ში დარჩენა, თუმცა აქვს სერია A-ში დაბრუნების ვარიანტი.

17:31 ოფიციალურად! პერსპექტიული ცენტრალური ნახევარმცველი ფრან ბელტრანი "რაიო ვალეკანოდან" "სელტაში" გადავიდა. ვიგოურმა კლუბმა 8 მილიონი ევრო გადაიხადა.

17:38 Sport.es დარწმუნებულია, რომ "სევილია" "ბარსელონადან" დაიბრუნებს ალეიშ ვიდალს. ტრანსფერის თანხა 10 მილიონი იქნება.

17:35 "ვოლფსბურგს" სურს "მანჩესტერ იუნაიტედის" მარცხენა მცველის ლუკ შოუს გაფორმება. თავად ინგლისელს უნდა "იუნაიტედის" ძირითადისთვის ბრძოლა.

17:56 ჟოზე მოურინიომ არ იცის, როდის დაბრუნდება "მანჩესტერ იუნაიტედის" შემადგენლობაში ანტონი მარსიალი. ფრანგი სამშობლოში გაემგზავრა ფეხმძიმე მეუღლესთან, ხოლო, როცა მოურინიოს ჰკითხეს ფეხბურთელის დაბრუნებაზე, ჟოზემ უპასუხა - "წარმოდგენა არ მაქვს". როგორც ჩანს, მარსიალი "იუნაიტედში" აღარ იქნება.

18:00 ლეონარდო ბონუჩიმ ხელფასის 2 მილიონი ევრო მოიკლო, რათა "იუვენტუსში" დაბრუნდეს. თუტტოსპორტ წერს, რომ ბონუჩი "იუვეში" 5.5 მილიონს მიიღებს ნაცვლად 7.5 მილიონისა, რომელსაც "მილანი" უხდის.

18:05 "ჯენოასა" და ურუგვაის ნაკრების ნახევარმცველის დიეგო ლაქსალტის აგენტმა განაცხადა, რომ ფეხბურთელი მზად არის კარიერაში შემდეგი ნაბიჯის გადასადგმელად და იმედოვნებს, რომ ახალი კლუბი "ნაპოლი" იქნება.

18:10 ოფიციალურად! მადრიდის "ატლეტიკოს" მეკარე ანდრე მორეირა ერთწლიანი იჯარით გადავიდა "ასტონ ვილაში".

18:15 ტიბო კურტუა სერიოზულად განწყობილია "რეალში" გადასვლაზე, რადგან "ჩელსი" რისკავს ბელგიელის უფასოდ დაკარგვას, თუ არ იპოვნის მის შემცვლებს სატრანსფერო ფანჯრის დახურვამდე (9 აგვისტომდე). ამის შესახებ წერს Dაილყ Mაილ.

18:27 ჯორდან აიუს "სუონსიდან" წასვლა სურს. ამ ფეხბურთელით დაინტერესებულია "კრისტალ პალასი".

18:37 "რომა" თითქმის მოელაპარაკა "სევილიას" სტივენ ნ"ზონზის შეძენაზე. რომაელების სპორტული დირექტორი მონჩი დარწმუნებულია, რომ იყიდის 29 წლის ნახევარმცველს, - წერს La Gazzetta Dello Sport.

18:43 ირანის ფეხბურთის ფედერაციამ ოფიციალურად შესთავაზა ნაკრების მთავარი მწვრთნელის პოსტი სვენ-გორან ერიქსონს. სამწლიანი კონტრაქტის განმავლობაში, შვედი იმუშავებს აზიის თასზე და მსოფლიოს 2022 წლის ჩემპიონატზე.

19:05 "ჩელსის" ფორვარდ მიში ბატშუაით მადრიდის "ატლეტიკო" დაინტერესდა და სერიოზულად სურს ბელგიელს გამოსყიდვა.

19:34 ბრაზილიელმა ლეანდრო კასტანმა გაწყვიტა კონტრაქტი "რომასთან" ორმხრივი შეთანხმების საფუძველზე.

ყოველდღიური სპორტული გაზეთი "ლელო"
1104
მკითხველის კომენტარები / 0 /
მსგავსი ამბები
რუბრიკის სხვა სიახლეები
;