ტრანსფერ - ONLINE: იოზილისა და ემერის კონფლიქტი, პსჟ-ს უარი 'ტოტენჰემს' და მანჯუკიჩის კონტრაქტი

13:05 "ბაიერნის" გარემარბმა კინგსლი კომანი "ჰოფენჰთაიმთან" მატჩში ტრავმა მიიღო და ნოემბრამდე ვერ ითამაშებს. ამ მომენტის გამოყენებას ცდილობს "პარი სენ-ჟერმენი", რომელსაც სურს გაუცვალოს "ბაიერნს" იულიან დრაქსლერი ჯერომ ბოატენგში.

13:24 "ვალენსია" ელოდება გონსალო გუედეშის ხელმეორე იჯარას და მზად არის ეს ფეხბურთელი 40 მილიონად გამოისყიდოს. "პარი სენ-ჟერმენს" 10 მილიონით მეტი უნდა. (mundo Deportivo )

13:30 დერიკ ლიუკასენი სამედიცინო შემოწმებას გადის "ჰერტაში". "ეინდჰოვენის" მცველი იჯარით მიდის გერმანიაში. (BZ Berlin)

13:42 მადრიდის "რეალი" მოლაპარაკებებს აწარმოებს ლიგა 2-ის გუნდ "ოსერთან" მეკარე კიკო კასილიას იჯარაზე. თავად ფეხბურთელს არ სურს ესპანეთის დატოვება. (RMC Sport)

13:47 "ბარსელონას" სჯერა მუნირ ელ-ჰადადის და მზად არის მას ახალი კონტრაქტი შესთავაზოს. ფორვარდს კატალონიაში კონტრაქტით ერთი წელი დარჩა. (Marca)

13:58 ჟანელი იმბულა მალე შეუერთდება "რაიო ვალეკანოს". "სტოკის" ფრანგ ლეგიონერზე პრეტენზიას "ხეტაფე" და "ლევანტე" აცხადებდნენ. (AS)

14:12 ინგლისის ნაკრების მცველი დენი როუზი, შესაძლოა, "მარსელში" გაემგზავროს. (L"Equipe)

14:23 "ბეტისი" სატრანსფერო ბაზრის ბოლომდე აპირებს გაძლიერდეს ალექსანდრ ზინჩენკოთი და რაფინია ალკანტარათი. პირველ შემთხვევაში იქნება იჯარა, მეორეში - შეძენა მინიმუმ 20 მილიონ ევროდ. (ABC De Sevillia )

14:37 "რომას" ნახევარმცველი კევინ სტროტმანი "მარსელში" ჩავიდა სამედიცინო შემოწმების ჩასატარებლად. (Foot Merceto )

15:04 სიმონ მინოლეს არ მოეწონა კარიუსის გაშვება "ბეშიქთაშში" და "ლივერპულის" დატოვება სურს. (Liverpool ECHO  )

15:29 მადრიდის "ატლეტიკომ" ფილიპე ლუიშში 30 მილიონი ევრო მოითხოვა. მანამდე, "პარი სენ-ჟერმენმა" ბრაზილიელში 27 მილიონი შესთავაზა. (AS)

15:44 "ლაიპციგის" მთავარი მწვრთნელი რალფ რანგკინი იმედოვნებს, რომ კლუბი მოასწრებს "ევერტონის" ფორვარდის ადემოლა ლუკმანის გაფორმებას. გერმანულ კლუბს ფეხბურთელის 25 მილიონ ევროდ შეძენა სურს.

15:49 "ბლექბერნმა" ერთწლიანი იჯარით "საუთჰემპტონში" გაუშვა ჰარისონ რიდი.

15:58 "დორტმუნდი" ძალიან მალე გამოაცხადებს პაკო ალკასერის იჯარის შესახებ. ერთწლიანი გარიგებისთვის გერმანელები 2.7 მილიონ ევროს გადაუხდიან "ბარსელონას". (Mundo Deportivo )

16:04 ტიერი ანრი უარს იტყვის "ბორდოს" გაწვრთნაზე, რადგან კლუბის ახალი მფლობელები არ არიან მზად - ფრანგის ყველა მოთხოვნა შეასრულონ. ამ მომენტისთვის, ანრი რჩება ბელგიის ნაკრებში რობერტო მარტინესის დამხმარედ. (Goal)

16:11 მადრიდის "ატლეტიკო" შესთავაზებს იან ობლაკს ახალ კონტრაქტს, რის შემდეგაც გაიზრდება მეკარის გამოსასყიდი თანხა - 200 მილიონ ევრომდე. (AS)

16:19 "ნორვიჩმა" უარი უთხრა "ჰანოვერს" შვეიცარიელი ცენტრალური მცველის ტიმ კლოზეს შეძენაზე. ფეხბურთელი ჩემპიონშიფში დარჩება. (Eastern Daily Press )

16:30 "პარი სენ-ჟერმენმა" უარი განაცხადა "ტოტენჰემიდან" 110 მილიონ ევროდ კრისტიან ერიქსენის შეძენაზე. კლუბი ფინანსური ფეარ-პლეის გამო ვერ მისცემს საკუთარ თავს ამ გარიგების განხორციელების საშუალებას. (Le Parisean)

16:42 იულიან დრაქსლერის აგენტმა როჯერ უიტმანმა შპორტ1-ს განუცხადა, რომ გერმანელი ამ ზაფხულს "პარი სენ-ჟერმენში" დარჩება.

16:56 "ბაიერნი" არ აპირებს კინგსლი კომანის შემცვლელის ძებნას და დაელოდება ფრანგის გამოჯანმრთელებას. ფეხბურთელი დაახლოებით სამი თვე ვერ ითამაშებს. (Sport Bild )

17:05 "ფენერბაჰჩე" სერიოზულად არის დაინტერესებული "აინტრახტიდან" მექსიკელი ნახევარმცველის მარკო ფაბიანის შეძენით. გერმანულ კლუბში 29 წლის ფეხბურთელის აღარ სჯერათ და ის მეორე გუნდში გადაიყვანეს. (Fusball Transfers )

17:32 ალბერტო დე ლა ბელა უახლოეს ორ სეზონს "ლას პალმასის" შემადგენლობაში გაატარებს. ადრე ესპანელი "რეალ სოსიედადში" თამაშობდა.

17:38 მარიანო დიასი, შესაძლოა, ესპანეთში დაბრუნდეს. "სევილია" ინტერესს გამოთქვამს ფორვარდის მიმართ, მაგრამ "ლიონი" იმ შემთხვევაში გაუშვებს დიასს, თუ მის შემცვლელს იპოვის. (L"Equipe)

17:45 მადრიდის "რეალს" ძალიან უნდა მარკოს ალონსოს გადაბირება და მზად არის ესპანელში 60 მილიონი ევრო გადაიხადოს. თავის მხრივ, "ჩელსის" არ სურს ალონსოს გაშვება, ამიტომაც ჯერ ფიქრობს ამ წინადადებაზე. (Dონ Bალონ)

17:55 სეიდუ დუმბია ესპანეთში ჩაფრინდა "ჟირონასთან" კონტრაქტის გასაფორმებლად. (Mundo Deportivo)

17:58 სტროტმანის გარდა, "მარსელმა" "სელტიკის" შემტევს მუსა დემბელეს დაუმიზნა. შოტლანდიელები 20 მილიონს ითხოვენ და ფრანგების პასუხს ელოდებიან.

18:10 დივოკ ორიჯი ოცნებობს "დორტმუნდში" გადასვლაზე, რადგან ვერ ხვდება "ლივერპულის" ძირითადში. ინგლისური კლუბი იმედოვნებს, რომ მომავალი ტრანსფერიდან 27 მილიონ ევროს მიიღებს.

18:16 "ფენერბაჰჩე" მზად არის 2.5 მილიონ ევროდ ერთწლიანი იჯარით აიყვანოს რენატო სანჩესი. (Fanatik)

18:48 დიუსელდორფის "ფორტუნა" ამზადებს წინადადებას იოსიპ დრმიჩთან დაკავშირებით, რომელიც აღარ სჭირდება მიონხენგლადბახის "ბორუსიას".

18:48 "იუვენტუსმა" ახალი კონტრაქტი გააფორმა მარიო მანჯუკიჩთან. (Football Italia)

19:04 ბენჯამინ ჰენრიქსი "ლევერკუზენიდან" "მონაკოში" გადავა 20 მილიონ ევროდ. კონტრაქტი 2023 წლის ზაფხულამდე იქნება ძალაში. (Bild)

19:26 პაოკ-მა 2020 წლის ზაფხულამდე გააგრძელა კონტრაქტი მირჩა ლუჩესკუსთან.

19:37 "სევილიაში" ექვსი წელი თამაშის შემდეგ, ნიკოლას პარეხა მექსიკის "ატლასში" გადავიდა.

19:45 მუსა სისოკო ახლოს არის "ფენერბაჰჩეში" გადასვლასთან.

19:58 კიდევ ერთი ჭორი, რომელიც "ფენერბაჰჩეს" უკავშირდება - თურქული კლუბის რიგები შეიძლება შეავსოს ნური შაჰინმა.

20:08 "ბორდო" ინტერესდება "ფეიენოორდის" ფორვარდით ნიკოლაი იორგენსენით, რომელმაც შარშან, 26 მატჩში 10 გოლი გაიტანა. (France Football)

20:14 ზამთრის სატრანსფერო ბაზრისას, "მანჩესტერ სიტის" მთავარი სამიზნე გახდება ლორენცო პელეგრინი "რომადან". (Sun)

20:25 "სტოკმა" კიდევ ერთი ფეხბურთელი დაითხოვა - "გალათასარაიში" დაბრუნდა ალიუნ ნ"დიაიე.

20:40 "რეინჯერსი" განიხილავს ალბანელი გარემარბის ეროს გრეზდის შეძენას. შოტლანდიური კლუბი ამ ფეხბურთელში 2 მილიონ ფუნტს იხდის. (Sky Sport)

20:50 ჟან-პოლ ბოეტიუსი "ფეიენოორდიდან" "მაინცში" გადავიდა და ახლა, ბუნდესლიგაში 2022 წლამდე ითამაშებს.

21:03 "სუონსიმ", შესაძლოა, გაყიდოს ლუსიანო ნარსინგი და ნათან დაიერი. პირველს უწინასწარმეტყველებენ აეკ-ში გადასვლას, მეორეს - "რედინგში". (Wales Online )

21:17 "არსენალის" მთავარ მწვრთნელ უნაი ემერისა და მესუთ იოზილს შორის კონფლიქტია. ესპანელი სპეციალისტის აზრით, გერმანელმა უფრო მონდომებით უნდა იმუშაოს, თორემ ახალი კლუბის ძებნა მოუწეს . (Wales Online )

21:28 "ტულუზას" ნახევარმცველი კორენტენ ჟანი მალე იჯარით გადავა "სტრასბურში". (France Football)

21:33 თურქული წყაროები იტყობინებიან, რომ ადემ ლიაიჩი "ბეშიქთაშში" გადადის.

21:49 რაფინია ალკანტარათი დაინტერესებულია არა მხოლოდ "ბეტისი", არამედ "ბენფიკაც". (AS)

ყოველდღიური სპორტული გაზეთი "ლელო"
964
მკითხველის კომენტარები / 0 /
მსგავსი ამბები
რუბრიკის სხვა სიახლეები
;