ტრანსფერ - ONLINE: ისევ პოგბა და 'ბარსელონა', სტერლინგი 'რეალში'? ლაკაზეტე 'არსენალს' დატოვებს?

13:06 ალექსანდრ ლაკაზეტს "არსენალის" დატოვება უნდა, რადგან ვერ ხედავს საკუთარ თავს ლონდონური კლუბის ძირითადში. ფრანგი შეეცდება, კლუბი სატრანსფერო ბაზრის დახურვამდე შეიცვალოს. (Le10Sport)

13:12 "ატლეტიკოს" მეკარემ იან ობლაკმა ვერ შეძლო კლუბის გამოცვლა იმის მიუხედავად, რომ მის მიმართ ინტერესს იჩენდნენ - "ლივერპული", პსჟ და "ჩელსი". და მაინც, ობლაკი აპირებს გუნდის დატოვებას და უარს ამბობს ახალი კონტრაქტის შესახებ მოლაპარაკებებზე. ამჟამინდელი ხელშეკრულება 2021 წლის ზაფხულში იწურება.

13:18 იაია ტურეს აგენტმა გამოაცხადა, რომ მისმა კლიენტმა ლონდონურ კლუბში გაიარა სამედიცინო შემოწმება. სავარაუდოდ, ლაპარაკია "ფულჰემზე", "უოტფორდსა" და... "არსენალზე".

13:30 ხუან ბერნატით ისევ ინტერესდება "პარი სენ-ჟერმენი". 25 წლის ესპანელს შესთავაზებენ სამწლიან კონტრაქტს, "ბაიერნს" - 15 მილიონ ევროს. (Cadena COPE)

13:36 სერგეი მილინკოვიჩ-სავიჩი ამ ზაფხულს "ლაციოში" დარჩება - დაადასტურა მისმა აგენტმა მატეია კეჟმანმა.

13:42 "იუვენტუსი" მზად არის შესთავაზოს სამუდამო კონტრაქტი მარიო მანჯუკიჩს. ხორვატისა და ტურინელების ამჟამინდელი კონტრაქტი ორი წლის შემდეგ იწურება. (Tuttosport)

13:48 "ბარსელონა" ინტერესდებოდა სამი ნახევარმცველით - ფრენკი დე იონგით, ადრიენ რაბიოთი და პოლ პოგბათი, მაგრამ ამ სატრანსფერო ფანჯრისას არავის შეიძენს. სუპერ-ტრანსფერი ზამთრისთვის გადაიდო. (Sport)

13:55 მადრიდის "რეალის" ახალი სამიზნეა რაჰიმ სტერლინგი, თუმცა გარიგება ზამთარში იგეგმება. (Sky)

14:01 "სევილიამ" და "ლიონმა" მოილაპარაკეს მარიანო დიასის ტრანსფერზე, მაგრამ "რეალის" ინტერესმა" ყველაფერი თავდაყირა დააყენა. დიასის შემცვლელად "სევილია" მოიაზრებს ქუინსი პრომესს "სპარტაკიდან". (Marca)

14:15 მარკო ბორიელოს შეძენის შემდეგ, ესპანეთის მესამე დივიზიონის კლუბი "იბიცა" ანტონიო კასანოს აყვანასაც გეგმავს. (IL Corriere )

14:29 სატრანსფერო ფანჯრის ბოლო დღეს შეიძლება დიდი გაცვლა მოხდეს განაპირა მცველებს შორის. მარსელო შეუერთდება კრიშტიანუ რონალდუს "იუვენტუსში". მაგრამ "რეალი" ბრაზილიელს გაუშვებს მხოლოდ იმ შემთხვევაში, თუ მარკოს ალონსოს გაიფორმებს. ასევე ესპანელი მცველით დაინტერესებულია "ატლეტიკო". (Calcio Merceto )

14:35 "ბარსელონა" განახორციელებს ერთ გარიგებას სატრანსფერო ფანჯრის დახურვამდე. ურუგვაული პრესა წერს, რომ 19 წლის ცენტრალური მცველი რონალდ არაუხო "ბოსტონ რივერიდან" 5 მილიონ ევროდ გადავა კატალონელთა რიგებში.

14:42 "ბარსელონამ" და "ბეტისმა" ჯერ ვერ მოილაპარაკეს რაფინიას იჯარის თაობაზე. "ბარსას" ბოსებს სურთ იჯარა აუცილებელი გამოსყიდვის ვალდებულებით. თავად ფეხბურთელსაც სურს ანდალუსიურ კლუბში გადასვლა. (RAC1)

14:49 "არსენალის" ფორვარდი რის ნელსონი ერთწლიანი იჯარით წავა "ჰოფენჰაიმში". (Bild)

14:55 "რეალი" აღარ ეძებს ახალ ფორვარდს, რადგან ძირითად თავდამსხმელად რჩება ქარიმ ბენზემა. (Marca)

15:01 "სელტიკის" ფორვარდი მუსა დემბელე საფრანგეთში წავა სათამაშოდ. მის გაფორმებაზე იბრძვიან "მარსელი" და "ლიონი". ამ უკანასკნელმა ფეხბურთელში

15 მილიონი ევრო შესთავაზა. (Daily Express )

15:07 ოფიციალურად! "გრასჰოპერსმა" იჯარით აიყვანა 20 წლის ფორვარდი ჟიულენ ნგოი. მან ინგლისში ორ წელიწადში მხოლოდ ექვსი მატჩი ჩაატარა და გოლი ვერ გაიტანა.

15:13 ლონდონის ნაცვლად, იაია ტურე "ოლიმპიაკოსში" გადავა სათამაშოდ. 13 წლის წინ ტურე უკვე იყო ამ გუნდში და მასთან ერთად საბერძნეთის ჩემპიონატი მოიგო. (Mirror)

15:19 "სპორტინგი" ახლოს არის ფაბიო კოენტრაუს დაბრუნებასთან. პორტუგალიური კლუბი იჯარაზე უნდა მოელაპარაკოს "რეალს". (O Jogo)

15:33 დენი როუზი არ დატოვებს "ტოტენჰემს", მიუხედავად მაურისიო პოჩეტინოსთან კონფლიქტის შესახებ ჭორებისა. "წესრიგში ვარ და არ ვუსმენ ჭორებს", - თქვა გუშინ როუზმა.

15:40 ოფიციალურად! "ლას პალმასმა" ერთწლიანი იჯარით აიყვანა "აინტრახტის" გარემარბი დენი ბლუმი. ორი წლის განმავლობაში ბრუმი ფრანქფურტში 24-ჯერ გამოჩნდა მოედანზე, ოთხი გოლი გაიტანა და ორი საგოლე პასი შეასრულა.

15:47 "შალკე" სატრანსფერო ფანჯრის დახურვამდე კიდევ ერთ დიდ ტრანსფერს ამზადებს. გერმანელებმა 25 მილიონი გაამზადეს "ლილის" ფორვარდ ნიკოლას პეპესთვის. ლიგა 1-ის პირველ სამ ტურში 23 წლის თავდამსხმელმა ერთი გოლი გაიტანა და სამი საგოლე პასი შეასრულა. (France Football )

16:01 ოფიციალურად! "გინგამი" გაიფორმებს "ამიენის" ნახევარმცველს გესუმ ფოფანას.

16:15 "რეალი" მზად არის, 15 მილიონი ევრო გადაიხადოს "ესპანიოლის" მცველ მარიო ერმოსოში.

16:35 მუსა დემბელეს აგენტი "დორტმუნდში" ჩავიდა, რათა თავისი კლიენტის ტრანსფერი განიხილოს. ფეხბურთელისთვის ასევე იბრძვიან "მარსელი" და "ლიონი".

16:43 ნიკოლას პეპეს კიდევ ერთი მსურველია "ლიონი", რომელიც მზად არის ფორვარდში 30 მილიონი გადაიხადოს. (Kicker)

16:57 "ჟირონას" ნახევარმცველი პორტუ აინტერესებს პრიმერას ორ კლუბს - "რეალ სოსიედადსა" და "სევილიას". ამ უკანასკნელის წინადადება 2-3 მილიონით მეტია, ვიდრე ბასკური კლუბის.

17:12 "ასტონ ვილა" აპირებს იჯარით აიყვანოს გარი კეჰილი. ცენტრალური მცველი არ მოიაზრება სარის გეგმებში და ბოლო მატჩში "ნიუკასლთან" განაცხადშიც არ ყოფილა.

17:19 ბუნდესლიგის ახალბედა "ნიურნბერგი" აპირებს, გერმანიაში დააბრუნოს ლუკ კასტაინოსი. ჰოლანდიელი "აინტრახტში" ბრწყინავდა, მაგრამ "სპორტინგში" ვერ შეძლო ძირითადში მოხვედრა. ახლა, პორტუგალიელები მზად არიან დათმონ ფეხბურთელი 500 ათას ევროდ.

17:26 "ბარსელონამ" ოთხი შესაბამისი კანდიდატი იპოვა ლუის სუარესის შესაცვლელად. ესენი არიან: ჰარი კეინი, ირვინგ ლოსანო, მოჰამედ სალაჰი და ტიმო ვერნერი.

17:40 ოფიციალურად! რიუ მავუბამ გაწყვიტა კონტრაქტი პრაღის "სპარტასთან".

17:54 ოფიციალურად! "ლიონმა" გააგრძელა კონტრაქტი მცველ მარსელო გედესთან ერთი წლით - 2020-21 წლების სეზონის ბოლომდე.

18:08 ოფიციალურად! "საუთჰემპტონმა" 16 წლის შვეიცარიელი ფორვარდი ალექსანდრ იანკევიჩი გაიფორმა "სერვეტიდან". ახალგაზრდა ფეხბურთელი შვეიცარიის 17-წლამდელთა ნაკრების წევრია.

18:15 პრომესის გადასვლა "სევილიაში" თითქმის გადაწყვეტილი საქმეა. ჰოლანდიელი გაფრინდა ესპანეთში სამედიცინო შემოწმების გასავლელად. ესპანური კლუბი "სპარტაკს" 21 მილიონ ევროს გადაუხდის, პრომესი კი ოთხწლიან კონტრაქტს გააფორმებს.

18:26 "რეალ სოსიედადი" ძლიერდება სატრანსფერო ბაზრის დახურვის წინ. ბასკურ კლუბში მივა "ევერტონის" ფორვარდი სანდრო. კლუბები ერთწლიან იჯარაზე შეთანხმდნენ. (Radio Estadio )

18:51 "პარი სენ-ჟერმენი" აპირებს წინადადებით მიმართოს "ბაიერნს" რენატო სანჩესის შეძენაზე. (Kicker)

18:58 ული ჰიონესმა დაადასტურა, რომ ჯერომ ბოატენგი დარჩება "ბაიერნში" სატრანსფერო ბაზრის დაზურვის შემდეგ.

19:12 ოფიციალურად! "კრისტალ პალასმა" ახალგაზრდა გარემარბი ჯეისონ ლოკილო სათამაშო პრაქტიკისთვის "ლორიანში" გაუშვა.

19:36 "მანჩესტერ სიტი" და "ბეტისი" ვერ მიდიან შეთანხმებამდე ალექსანდრ ზინჩენკოს თაობაზე. "სიტი" დაუყოვნებლივ ტრანსფერს ითხოვს 17.5 მილიონ ევროდ. ესპანელებს სურთ ერთწლიანი იჯარა გამოსყიდვის აუცილებელი უფლებით.

20:07 "პარი სენ-ჟერმენი" აღარ არის დაინტერესებული რიკარდო როდრიგესით. შვეიცარიელმა გადაწყვიტა "მილანში" დარჩენა. ამიტომაც, ფრანგები გადაერთნენ ხუან ბერნატზე.

20:37 ოფიცალურად აეკ-მა იანის იანიოტისი გაიფორმა. მანამდე 25 წლის გარემარბი "ვალიადოლიდში", "ფორტუნაში", აპოელ-სა და "ოლიმპიაკოსში მუშაობდა.

20:59 ანტონი მარსიალი უარს არ ამბობს "მანჩესტერ იუნაიტედში" ხანგრძლივ კონტრაქტზე, რადგან დარწმუნებულია, რომ მალე ჟოზე მოურინიო თანამდებობაზე აღარ იქნება.

21:18 "ისთანბულ ბაშაქშეჰირმა" ეგვიპტელი მცველი ქარიმ ჰაფეზი აიყვანა. ეს ფეხბურთელი ადრე "ლანსში" თამაშობდა. ჰაფეზს იძახებდნენ ეგვიპტის ნაკრებში, მაგრამ მსოფლიოს ჩემპიონატზე ვეღარ მოხვდა.

21:32 ოფიციალურად! "გალათასარაიმ" გაწყვიტა კონტრაქტი ნახევარმცველ თოლგაი ჩირეჩისგან. ორ წელიწადში "გლადხაბის" ყოფილმა ფეხბურთელმა 42 მატჩი ჩაატარა და ექვსი გოლი გაიტანა.

21:40 "იუვენტუსის" ყოფილ ნახევარმცველს კლაუდიო მარკიზიოს "მარსელი", "მონაკო" და "პორტუ" იწვევენ.

ყოველდღიური სპორტული გაზეთი "ლელო"
1404
მკითხველის კომენტარები / 0 /
მსგავსი ამბები
რუბრიკის სხვა სიახლეები
;