ტრანსფერ-ONLINE :მალკომი 'ბარსადა'ნ გარბის, დემბელე ჩინეთში წავიდა, პიონტეკმა 'მილანთან' შეათანხმა, რემზიმ 'იუვესთან'

13:04 იტალიის სუპერთასის წაგების შემდეგ, „მილანი“ თავდასხმის გაძლიერებაზე ზრუნვას იწყებს. იტალიურ პრესაში დაიწერა, რომ თუ კშიშტოფ პიონტეკის ტრანსფერი არ გამოვა, კლუბი მიში ბატშუაიზე გადაერთვება.

13:10 ოფიციალურად! „ტოტენჰემის“ ნახევარმცველი მუსა დემბელე ინგლისიდან ჩინეთში გადავიდა. „გუანგჯოუ ფულიმ“ ბელგიელში 11 მილიონი ევრო გადაიხადა. დემბელე სამწლიან კონტრაქტს გააფორმებს და ჯამში 30 მილიონ ევროს გამოიმუშავებს.

13:15 ჟურნალისტი ჯანლუკა დი მარციო წერს, რომ აარონ რემზიმ გაიარა სამედიცინო შემოწმება „იუვენტუსისთვის“ და უკვე კონტრაქტსაც მოაწერა ხელი.

13:37 „ტოტენჰემი“ აპირებს ტრავმირებული ჰარი კეინი ლივერპულელი დივოკ ორიჯით შეცვალოს. ლონდონელებს მხოლოდ სეზონის ბოლომდე იჯარა სურთ.

13:47 „მანჩესტერ იუნაიტედი“, „მანჩესტერ სიტი“ და „ჩელსი“ აკვირდებიან „კრისტალ პალასის“ 21 წლის მცველ ერონ უან-ბისაკას. (Mirror)

13:55 „ჩელსი“ არ არის მზად ალვარო მორატას იაფად გასაშვებად. ლონდონელები ესპანელში 45 მილიონის მიღებას იმედოვნებენ.

14:19 „მანჩესტერ სიტიმ“ „ჰაიდუკიდან“ იჯარით აიყვანა 18 წლის ნახევარმცველი ანტე პალავერსუ. მასში შვიდი მილიონი ფუნტი გადაიხადეს.

14:26 „ბარსელონა“ და „ჩელსი“ შეებრძოლებიან „რეალს“ „ტოტენჰემის“ ნახევარმცველ კრისტიან ერიქსენისთვის. დანიელს ლონდონის დატოვება უნდა და ვარიანტი მრავლად აქვს.

14:45 ოფიციალურად! „ლიდსმა“ შეიძინა „რეალის“ მეკარე კიკო კასილია. ესპანელმა ოთხწლინახევრიანი კონტრაქტი გააფორმა და 33-ე ნომერი აირჩია.

15:03 „რეალს“ სურს გაიფორმოს „პორტუს“ მცველი ედერ მილიტაო. 20 წლის ბრაზილიელმა და მისმა აგენტებმა მოლაპარაკებები გამართეს მადრიდელებთან. (AS)

15:10 ოფიციალურად! „კრისტალ პალასმა“ იჯარით აიყვანა „სან პაულუს“ მეკარე ლუკას პერი. ის 21 წლისაა და მთელი 2018 წელი სათადარიგოთა სკამზე გაატარა.

15:18 „ლივერპულს“ ფილიპე კოუტინიოს დაბრუნება სურს. ბრაზილიელი არ არის კმაყოფილი იმ სათამაშო დროით, რომელსაც მას ვალვერდე აძლევს. ინგლისური კლუბი სიტუაციით სარგებლობას აპირებს. (Daily Telegraph)

15:38 „მანჩესტერ იუნაიტედის“ მცველი ანტონიო ვალენსია არ აპირებს ინგლისური კლუბის ზამთარში დატოვებას, არადა, კონტრაქტით ნახევარი წელი აქვს დარჩენილი. ეკვადორელი იმედოვნებს, რომ მასთან ხელშეკრულებას გაახანგრძლივებენ. (The Times)

15:56 მალკომს მოჰბეზრდა „ბარსელონას“ სათადარიგოთა სკამზე ჯდომა. ბრაზილიელი კლუბის დატოვებას აპირებს ტრანსფერიდან ნახევარი წლის თავზე. (COPE)

16:04 „რომას“ ტრავმირებული ჟესუსის შესაცვლელად „ინტერიდან“ მცველ მირანდას იჯარით აყვანა სურს. ვარიანტი რეალურია, რადგან მილანელი ბრაზილიელი სათადარიგოთა სკამზე ზის.

16:10 „ლივერპული“ და „ჩელსი“ იბრძოლებენ ჩირო იმობილესთვის. იტალიის ერთ-ერთი საუკეთესო ფორვარდი ინგლისური ტოპ-კლუბების ინტერესს იპყრობს და მათ სკაუტები გაგზავნეს სერია A-ს 22 ტურის მატჩზე. (Il Messaggero)

16:17 „სპორტინგის“ ფორვარდი ალან რუისი დატოვებს პორტუგალიის ჩემპიონატის ერთ-ერთ ლიდერს და გადავა იჯარით არგენტინულ „ალდოჩივიში“.

16:23 გონსალო იგუაინი სულ უფრო ახლოსაა „ჩელსისთან“. „იუვენტუსმა“ და ლონდონურმა კლუბმა შეათანხმეს სეზონის ბოლომდე იჯარის პირობები. (Sky Sport Italia)

16:37 „მანჩესტერ იუნაიტედს“ სურს „ამიენის“ შემტევის ნოამა ემერანას შეძენა. ლიგა 1-ის ფორვარდი მხოლოდ 16 წლისაა, მაგრამ უკვე ორი მილიონი ევრო ღირს. (Courrier Picard)

16:45 „არსენალი“ აპირებს სამი მილიონი ევრო გადაუხადოს „რეალს“ ხამეს როდრიგესის იჯარაში. „ბაიერნი“ და „რეალი“ ჯერ ფიქრობენ.

16:52 „ევერტონის“ ფორვარდი უმარ ნიასე იჯარით „კარდიფში“ წავიდა. ამ სეზონში მას პრემიერლიგაში გოლი არ გაუტანია.

17:00 „ტოტენჰემმა“ შეიტყო, რომ მალკომი „ბარსელონაში“ თავს კომფორტულად ვერ გრძნობს და სურს მისი კატალონიიდან წაყვანა. ლონდონელებმა უკვე დაიწყეს მოლაპარაკებები. (Sport.es)

17:09 ალვარო მორატა „ბარსელონასაც“ უნდა. კატალონიელები სერიოზულ ინტერესს იჩენენ „ჩელსის“ ფორვარდის მიმართ“. (Mundo Deportivo)

17:20 სიმონ მინოლეს ზამთარში „ლივერპულის“ დატოვება უნდა, კლუბის ხელმძღვანელობამ ზაფხულამდე მოცდა სთხოვა. საქმე ისაა, რომ ალისონს შემცვლელი სჭირდება.

17:27 „ბარსელონამ“ ყურადღება მიაქცია „ლოს ანჯელესის“ ფორვარდ კარლოს ველას. ირკვევა, რომ მექსიკელმა უნდა შეცვალოს მუნირ ელ-ჰადადი, რომელიც „სევილიაში“ გადავიდა.

17:33 „სელტას“ კავშირი აქვს „კრისტალ პალასთან“ ნახევარმცველ ჟაირო რიდევალდის იჯარასთან დაკავშირებით. მთელი 2018 წლის განმავლობაში, ფეხბურთელმა მხოლოდ 511 წუთი ითამაშა და ერთი შედეგიანი პასი შეასრულა.

18:03 „ჰერენვეენის“ ნახევარმცველმა არბერ ზენელიმ „ჩელსის“ ინტერესი გამოიწვია. ლონდონელი სკაუტები უკვე იმყოფებოდნენ ჰოლანდიაში 23 წლის კოსოვოელის სანახავად.

18:11 აარონ რემზიმ წინასწარი კონტრაქტი გააფორმა „იუვენტუსთან“. უელსელი იტალიაში 2019 წლის ზაფხულში გადავა. (Sky in Italy)

18:21 „ლაიპციგმა“ კონტრაქტი გააგრძელა იბრაიმ კონატესთან. 19 წლის მცველი 2023 წლის ზაფხულამდე დარჩება გერმანულ კლუბში.

18:44 „შტუტგარტმა“ „გალათასარაიდან“ შეიძინა მცველი ოზან ქაბაქი. 18 წლის თურქმა გერმანელებთან 2024 წლის ზაფხულამდე გააფორმა კონტრაქტი.

19:02 კშიშტოფ პიონტეკმა შეათანხმა კონტრაქტი „მილანთან“. „როსონერი“ პოლონელთან 5-წლიან ხელშეკრულებას გააფორმებს და კვირაში 35 ათას ევროს გადაუხდის. თუმცა, „მილანს“ ჯერ არ დაუდვია გარიგება „ჯენოასთან“.

19:11 „სელტიკი“ მოლაპარაკებებს აწარმოებს „მანჩესტერ იუნაიტედთან“ ნახევარმცველ სკოტ მაკტომინის ტრანსფერზე. 22 წლის შოტლანდიელი შეიძლება შოტლანდიურ გრანდში იჯარის წესით გადავიდეს, რადგან ვერ იღებს სათამაშო პრაქტიკას ჟოზე მოურინიოს წასვლის შემდეგ.

19:21 მანუელ პელეგრინიმ დაადასტურა, რომ მარკო არნაუტოვიჩს სურს „ვესტ ჰემის“ დატოვება და ჩინეთში გადასვლა. ყველაფერში დამნაშავე სარფიანი წინადადებაა.

20:30 „სელტიკის“ ნახევარმცველმა სკოტ ალანმა წინასწარი კონტრაქტი გააფორმა „ჰიბერნიანთან“. 27 წლის ფეხბურთელი საუკეთესო მოთამაშედ აღიარეს 2015 წელს.

21:50 „ლივერპულის“ მცველმა ენდრიუ რობერტსონმა გააგრძელა კონტრაქტი კლუბთან. შოტლანდიელი „ენფილდზე“ 2024 წლის ბოლომდე დარჩება.

ყოველდღიური სპორტული გაზეთი "ლელო"
939
მკითხველის კომენტარები / 0 /
მსგავსი ამბები
რუბრიკის სხვა სიახლეები
;