ტრანსფერ-ONLINE:რაბიო 'ლივერპულს' მოუნდა, ჟირუ 'ჩელსის' დატოვებაზე ფიქრობს, 'ინტერი' იოზილზე ფიქრობს

13:05 „ინტერი“ და „მილანი“ იბრძვიან ჩინური „დალიან იფანის“ ნახევარმცველ იანიკ კარასკოსთვის. უფრო ახლოს გარიგებასთან „ინტერია“. მან შეიძლება ტრანსფერში ჩართოს ნახევარმცველი ანტონიო კანდრევა, რომელსაც ამ სეზონში თითქმის არ უწევს თამაში. კარასკო ჩინეთში ერთი წლის წინ, 30 მილიონ ევროდ გადავიდა. (Sky Italia)

13:06 პარალელურად, „ინტერი“ პრეტენზიას აცხადებს „არსენალის“ ყველაზე მაღალანაზღაურებად ფეხბურთელზე მესუთ იოზილზე. ამასთან, იტალიური მხარე ითხოვს, რომ გარიგების შემთხვევაში, ლონდონელებმა გერმანელის ხელფასის ნახევარი გადაიხადონ. იოზილი კვირაში დაახლოებით 400 ათას ევროს იღებს. (Sky Sports)

13:09 ალვარო მორატამ გაიარა სამედიცინო შემოწმება და მალე კონტრაქტს გააფორმებს „ატლეტიკოსთან“. მადრიდელებმა გაანთავისუფლეს ადგილი მორატასთვის, როცა „მონაკოში“ იჯარით გაუშვეს ჟელსონ მარტინში. (Sky Sports)

13:12 როი კინი მივიდა „ნოტინგემის“ საწვრთნელ ბაზაზე. მალე მას წარადგენენ, როგორც მარტინ ო’ნილის ასისტენტს.

13:15 „მანჩესტერ სიტი“ დაინტერესებულია სებასტიან რუდით „შალკედან“. გერმანული კლუბი მინიმუმ 38 მილიონ ევროს ითხოვს ნახევარმცველში. (Sky Sports)

13:20 „სტოკ სიტი“ მოწადინებულია პიტერ კრაუჩისა და დარენ ფლეტჩერის მოშორებით. ვეტერანები კლუბის ყველაზე მაღალანაზღაურებად მოთამაშეებს შორის შედიან და „სტოკის“ ხელმძღვანელობას ბიუჯეტის განტვირთვა სურს. (Daily Mail)

13:35 შინჯი კაგავამ ღიად განაცხადა, რომ „დორტმუნდის“ დატოვება უნდა. „დღეს, ჩემთვის მნიშვნელოვანია კლუბის შეცვლა და ახალი გამოწვევის მიღება. მითამაშია გერმანიაში, ინგლისში, ახლა ესპანეთზე ვფიქრობ. არ მინდა ისე დავასრულო კარიერა, რომ იქ არ ვითამაშო“, - განაცხადა კაგავამ Football Espana-სთვის.

13:30 იური ტილემანსი ახლოს არის „მონაკოს“ დატოვებასთან. „ლესტერი“ უკვე მოელაპარაკა ფრანგულ კლუბს ბელგიელის თაობაზე. გარიგების სავარაუდო თანხაა 22 მილიონი ევრო. (Sky Sports)

13:45 „საუთჰემპტონმა“ ტრანსფერზე დააყენა ჩარლი ოსტინი. გამოცდილ ფორვარდზე პრეტენზიას „ვულვერჰემპტონი“ აცხადებს. (Mirror)

13:55 „ბაიერნმა“ უარყო „პარი სენ-ჟერმენის“ 20-მილიონიანი წინადადება რენატო სანჩესთან დაკავშირებით, თუმცა, მოლაპარაკებები არ დასრულებულა. (Le10sport.com)

14:05 „საუთჰემპტონმა“ წინადადებით მიმართა „ბირმინგემს“ ჩე ადამსის თაობაზე, რომელმაც ამ სეზონში 14 გოლი გაიტანა. შეთავაზებული თანხა მინიმუმ 9 მილიონი ევროა. (Daily Mirror)

14:10 „ლესტერმა“ უარი უთხრა „ასტონ ვილას“ კრისტიან ფუქსის თაობაზე. ბირმინგემელები გეგმავდნენ იჯარას ზაფხულამდე.

14:14 „უიგანი“ პრეტენზიას აცხადებს ენდი კინგზე, რომელიც „ლესტერმა“ საერთოდ მიივიწყა. უელსელი „უიგანს“ იჯარით სჭირდება. (Mirror)

14:22 „ჩელსის“ სურს ნათან აკეს დაბრუნება. სავარაუდო ტრანსფერის ღირებულება 3-4 მილიონი ევროა. (Daily Star)

14:29 „სანდერლენდი“ ახლოს არის ორი ფორვარდის ყიდვასთან. ერთ-ერთია უილ გრიგი, რომლის გაყიდვაზე „უიგანმა“ უკვე ოთხჯერ თქვა უარი. მეორე - ინგლისის 19-წლამდელთა ნაკრების წევრი სტივენ უოკერი.

14:37 ოფიციალურად! „ესპანიოლმა“ შეიძინა ჩინეთის ჩემპიონატის საუკეთესო ბომბარდირი. „შანხაი ტელეისის“ 27 წლის ნახევარმცველმა ვუ ლეიმ გასულ წელს, 29 მატჩში 27 გოლი გაიტანა. ესპანურმა კლუბმა ჩინელს 2022 წლის ზაფხულამდე გაუფორმა კონტრაქტი.

14:45 ირანის ნაკრებისა და „რუბინის“ ფორვარდი სერდარ აზმუნი, შესაძლოა, „ანდერლეხტში“ გადავიდეს. ბელგიელებს ძალიან სჭირდებათ ფორვარდი ფანჯრის დახურვამდე, მაგრამ რუსული კლუბი 10 მილიონ ევროს ითხოვს. (Nieuwsblad)

14:50 „პარი სენ-ჟერმენის“ ნახევარმცველმა ადრიენ რაბიომ უარყო „ტოტენჰემის“ წინადადება. ფრანგს „ლივერპულში“ გადასვლა სურს. (Metro)

15:03 ანტონიო ვალენსიამ, შესაძლოა, „ოლდ ტრაფორდი“ დატოვოს. „ნიუკასლი“ და „ფულჰემი“ არიან დაინტერესებულები მისი გადაბირებით. (Sun Sport)

15:10 „ლივერპულმა“ დაიწყო მოლაპარაკებები „ბრეშასთან“ 18 წლის ვუნდერკინდის სანდრო ტონალის თაობაზე. ტრანსფერი შეიძლება ზაფხულში განხორციელდეს, თანხა კი 32 მილიონი ევროა. (Gazzetta dello Sport)

15:19 გარი კეჰილი ისევ ვერ ახერხებს „ფულჰემთან“ მოლაპარაკებას. კლუბმა ყველაფერი მოაგვარა „ჩელსისთან“, მაგრამ პირადი კონტრაქტის დადება არ ხერხდება. ამასობაში, გარიგებაში შეიძლება ჩაერთოს „კრისტალ პალასი“ და თავად წაიყვანოს ცენტრალური მცველი. (Sky Sports)

15:44 მაქსი გომესი უახლოეს პერიოდში „სელტადან“ „ვესტ ჰემში“ გადავა. ლონდონელებმა გაააქტიურეს 50 მილიონ ევროდ გამოსყიდვის პუნქტი.

15:55 „ბეტისი“ სულ მალე გაიფორმებს მადრიდის „რეალის“ ყოფილ მოთამაშეს. ხესე როდრიგესი „პარი სენ-ჟერმენიდან“ ესპანურ კლუბში გადადის. (AS)

16:20 „უოტფორდმა“ გამოაცხადა, რომ ჟერარ დეულოფეუ არ იყიდება. ადრე ესპანელით ინტერესდებოდა „მილანი“, მაგრამ, ახლა, „როსონერის“ მინიმუმ ზაფხულამდე მოცდა მოუწევს.

16:46 „სანდერლენდი“ მზად არის გაყიდოს ბრაიან ოვიედო. მთავარი მიზეზი ისაა, რომ კოსტარიკოელი თანაგუნდელებზე ხუთჯერ მეტს იღებს. (Sky Sports)

16:55 ოლივიე ჟირუმ აღიარა, რომ მისი კარიერა „ჩელსიში“ დასასრულს მიუახლოვდა. „რადგან კლუბმა დაიმატა ისეთი ფორვარდი, როგორიც იგუაინია. ეს ნიშნავს, რომ ჩემი მომავალი ბუნდოვანი გახდა. არასოდეს მითქვამს უარი საფრანგეთში დაბრუნებაზე. „ლიონი“ და „მარსელი“ - დიდი კლუბები არიან. მაგრამ ჩემი პრიორიტეტი - პრემიერლიგაა“, - მოჰყავს ჟირუს სიტყვები Mirror-ს.

17:00 „ევერტონი“ მზად არის განიხილოს წინადადებები ჩენქ თოსუნზე. ლივერპულურ კლუბს მინიმუმ 21 მილიონი ევროს მიღება სურს. (Daily Mail)

17:08 იაროსლავ რაკიცკი ორ დღეში გააფორმებს კონტრაქტს „ზენიტთან“ 3.5 წლით.

17:19 იბრაჰიმ აფელაიმ გააუქმა კონტრაქტი „სტოკთან“ ორმხრივი შეთანხმებით. 32 წლის ფეხბურთელს მოქმედი ხელშეკრულებით კიდევ ნახევარი წელი ჰქონდა, მაგრამ გადაწყვიტა უკვე ახლა ეძებოს ახალი კლუბი.

17:41 „მანჩესტერ იუნაიტედი“ აკვირდება „ეინდჰოვენის“ ნახევარმცველს სტივენ ბერგვაინს.

17:48 უკრაინის ნაკრებისა და „კარპატის“ ნახევარმცველი მარიან შვედი „სელტიკში“ გადავა. მან უკვე გაიარა სამედიცინო შემოწმება და მალე გააფორმებს კონტრაქტს. (Sky Sports)

18:00 ოფიციალურად! ესეკილ შელოტო „ბრაიტონიდან“ „კიევოში“ გადავიდა. კლუბებმა იჯარა გააფორმეს 2018-19 წლების სეზონის ბოლომდე.

18:25 მცველი აბდულ ბაბა რაჰმანი „შალკედან“ წავა, რათა „რეიმსში“ მოსინჯოს ძალები. ფეხბურთელზე უფლება აქვს „ჩელსის“.

18:45 „შალკე“ მოელაპარაკა „მანჩესტერ სიტის“ 18 წლის რაბი მატონდოზე. გარიგების თანხა 13 მილიონ ევროს შეადგენს. ოფიციალური ინფორმაცია რამდენიმე დღეში გახდება ცნობილი. (Telegraph)

18:53 „ლესტერისა“ და „მილანის“ შემდეგ, იური ტილემანსით დაინტერესდნენ „მანჩესტერ იუნაიტედი“ და „ბარსელონა“. ინგლისელები და ესპანელები განიხილავენ ბელგიელის შეძენვის ვარიანტებს. (Het Niuewsblad)

19:03 „ინტერმა“ მოლაპარაკებები დაიწყო ანტონიო კონტესთან. მას ელოდებიან ზაფხულში, როცა გაათავისუფლებენ ლუჩანო სპალეტის. (Football Italia)

19:22 „ვესტ ჰემს“ სურს „შეფილდ უენსდიდან“ ნახევარმცველ ჯონ ფლეკის შეძენა. ტრანსფერის თანხაა - 4.5 მილიონი ევრო.

19:30 ოფიციალურად! ალვარო მორატა ოფიციალურად გადავიდა „ჩელსიდან“ „ატლეტიკოში“. კლუბებმა 18-თვიან იჯარას მოაწერეს ხელი. გარიგება ითვალისწინებს 53 მილიონ ევროდ გამოსყიდვის უფლებას.

20:54 „მილანი“ იმედოვნებს სერია A-ში ჟერარ დეულოფეუს გადაყვანას, თუმცა ამისთვის მოუწევს 23 მილიონის გამზადება.

20:56 „ჩელსიმ“ უარი უთხრა „ბაიერნს“ კალუმ ჰადსონ-ოდოის ტრანსფერზე. იანვარში გარიგება გამორიცხულია, ზაფხულში - შესაძლებელია. (Bild)

21:30 ოფიციალურად! მუსა სოუ თავისუფალი აგენტის სტატუსით გადავიდა თურქულ „გაზიანთეფში“.

21:32 ოფიციალურად! მატეო კასიერა „აიაქსიდან“ არგენტინულ „რასინგში“ გადავიდა. ეს არის იჯარა ნახევარი წლით.

21:37 ოფიციალურად! პოლონური „გურნიკის“ ნახევარმცველი შიმონ ჟურკოვსკი „ფიორენტინაში“ გადავიდა. ფლორენციელებმა მოუგეს კონკურენცია „ჯენოასა“ და „იუვენტუსს“. „გურნიკმა“ 3.7 მილიონი ევრო მიიღო.

ყოველდღიური სპორტული გაზეთი "ლელო"
629
მკითხველის კომენტარები / 0 /
მსგავსი ამბები
რუბრიკის სხვა სიახლეები
;