ტრანსფერ-ONLINE: სატრანსფერო ჭორ-მართალი ორიოდე დღით ადრე

13:14 ოფიციალურად! მადრიდის „რეალის“ ყოფილი ფეხბურთელი ხესე როდრიგესი „პარი სენ-ჟერმენიდან“ იჯარით „ბეტისში“ გადავიდა. შარშან, კიკე სეტიენთან მისი გზები „ლას პალმასში“ გადაიკვეთა.

13:17 მიგელ ალმირონი „ატლანტა იუნაიტედიდან“ „ნიუკასლში“ გადავა სათამაშოდ. პარაგვაელი მალე ჩაფრინდება ნიუკასლში სამედიცინო შემოწმების გასავლელად. ტრანსფერი 23 მილიონ ევროდ არის შეფასებული. (Sky Sports)

13:23 ოფიციალურად! სანდრო ვაგნერმა დატოვა „ბაიერნი“ და 18-თვიანი კონტრაქტი გააფორმა „ტიანძინთან“. ჩინეთში ფორვარდის ხელფასი იქნება წელიწადში 7.5 მილიონი ევრო.

13:48 „მანჩესტერ იუნაიტედის“ ყოფილმა მოთამაშემ გაბრიელ ობერტანმა წინასწარი კონტრაქტი გააფორმა თურქულ „ერზურუმსფორთან“. უახლოეს საათებში ფრანგი სამედიცინო შემოწმებას გაივლის.

13:57 ანტონი მარსიალმა ახალი ხუთწლიანი კონტრაქტი შეათანხმა „მანჩესტერ იუნაიტედთან“ და „ოლდ ტრაფორდზე“ 2024 წლის ზაფხულამდე დარჩება. ფრანგი კონტრაქტს პარასკევს გააფორმებს. (RMC Sport)

14:07 მადრიდის „რეალი“ დაინტერესებულია ლუკა იოვიჩით „აინტრახტიდან“. 21 წლის სერბი ბუნდესლიგის ერთ-ერთი საუკეთესო ბომბარდირია - 17 მატჩში 13 გოლი გაიტანა. (AS)

14:10 „მანჩესტერ სიტიმ“ 4.5-წლიანი კონტრაქტი გააფორმა 18 წლის ხორვატთან ანტე პალავერსასთან. ის სეზონის ბოლომდე იჯარით „ჰაიდუკში“ ითამაშებს. (Slobodna Dalmacija)

14:14 ოფიციალურად! „ანკარაგიუჯუმ“ 2020 წლის ზაფხულამდე გაიფორმა „ლეგიას“ მცველი მიხალ პაზდანი.

14:17 ოფიციალურად! ასევე „ანკარაგიუჯუმ“ სეზონის ბოლომდე იჯარით აიყვანა „ლიდსის“ გარემარბი ჰადი საკო.

14:37 ოფიციალურად! როხერ იბანიესი „ფლუმინენსედან“ „ატალანტაში“ გადავიდა. ცენტრალურ მცველში იტალიელები ოთხ მილიონ ევროს გადაიხდიან.

14:40 ოფიციალურად! „ჯენოამ“ იჯარით გადაიბირა „ბორდოს“ ნახევარმცველი ლუკას ლერაგერი. დანიელი გენუაში ამ სეზონის ბოლომდე ითამაშებს.

14:44 ოფიციალურად! „რეიმსმა“ კონტრაქტი გააფორმა „ჩელსისა“ და „შალკეს“ ყოფილ მცველთან აბდულ რაჰმან ბაბასთან.

15:00 ოფიციალურად! „ინტერმა“ სერია B-ს კლუბ „პესკარადან“ შეიძინა მცველი ტომას გრავილონი და იქვე დატოვა იჯარით სეზონის ბოლომდე. ტრანსფერი 7.5 მილიონ ევროდ შეფასდა.

15:22 „ბენფიკას“ 19 წლის ფორვარდი მეზაკე ჯუ დათანხმდა „ვესტ ჰემში“ გადასვლას. ფეხბურთელი თავისუფალი აგენტის სტატუსით სარგებლობდა. ადრე მას მოგებული აქვს ევროპის ჩემპიონატი პორტუგალიის U19 და U17 ნაკრებებთან ერთად. (Sky Sports)

15:30 ჰაკიმ ზიეჩი ახლოს არის „აიაქსიდან“ „დორტმუნდში“ გადასვლასთან. თუმცა, 25 წლის ფეხბურთელი სეზონს ერედივიზიონში ჩაამთავრებს. (France Football)

15:43 „გალათასარაი“ ინტერესდება „ჩელსის“ ყოფილი ფორვარდით ლოიკ რემით და უკვე დაუკავშირდა „ლილს“. (GFFN)

15:59 „პარი სენ-ჟერმენის“ ნახევრამცველი კრისტოფერ ნკუნკუ ამ ზამთარს არ გადავა „არსენალში“. (Canal+)

16:13 „ინტერის“ სპორტულმა დირექტორმა პიერო აუზილიომ განაცხადა, რომ კლუბი ამ ზამთარს არ გაყიდის ივან პერიშიჩს. „ინტერისთვის“ სატრანსფერო ბაზარი დახურულია“, - თქვა აუზილიომ.

16:29 „ბოკა ხუნიორსის“ სპორტულმა დირექტორმა ნიკოლას ბურდისომ განაცხადა, რომ ვილმარ ბარიოსი არ გაემგზავრება „რომაში“. არგენტინულ კლუბს იტალიურისგან არანაირი ოფიციალური წინადადება არ მიუღია. (TeleRadioStereo)

16:32 დომაგოი ვიდა „ბეშიქთაშიდან“ „რომაში“ გადავა. რომაელები ხორვატს უფასო იჯარით აიყვანენ და ზაფხულში შვიდ მილიონ ევროდ გამოისყიდიან. (Pagine Romaniste)

16:44 ჟურნალისტი ჯანლუკა დი მარციო აზუსტებს, რომ „არსენალმა“ თავი მიანება „ინტერიდან“ ივან პერიშიჩის გადაბირებას და გადაერთო ჩინეთში მოთამაშე იანიკ ფერეირა-კარასკოზე.

16:50 დენის სუარესი უახლოეს საათებში დაასრულებს „ბარსელონადან“ „არსენალში“ გადასვლას, - წერს ჟურნალისტი გილიემ ბალაგე. იჯარის ფასი იქნება 2.3 მილიონი ევრო.

17:02 ოფიციალურად! მეკარე ემილ აუდერო „იუვენტუსიდან“ „სამპდორიაში“ გადავიდა. გენუელებს ეს ტრანსფერი 14 მილიონი ევრო დაუჯდათ.

17:07 „ლესტერმა“ და „მონაკომ“ მოილაპარაკეს გაცვლაზე - იური ტილემანსი გაემგზავრება პრემიერლიგაში, ადრიენ სილვა მონაკოელი გახდება.

17:14 ოფიციალურად! ლისაბონის „სპორტინგმა“ ხუთწლიანახევრიანი კონტრაქტი გააფორმა მარცხენა მცველ კრისტიან ბორხასთან, რომელიც მექსიკის „ტოლუკაში“ თამაშობდა.

17:17 მარუან ფელაინიმ პირადი კონტრაქტის პირობები შეათანხმა ჩინურ კლუბ „შენდუნ ლუნენთან“.

17:14 ოფიციალურად! ფორვარდი კერლან გრანტი „ჩარლტონიდან“ „ჰადერსფილდში“ გადავიდა.

17:30 იანიკ კარასკოს კლუბი „დალიან იფანი“ ორ იტალიელ ფორვარდს უმიზნებს - ჩირო იმობილესა და ანდრეა ბელოტის.

17:38 „ბარსელონა“ აპირებს გადაიბიროს ჟან-კლერ ტოდიბო „ტულუზადან. ჯერ იქნება იჯარა, ზაფხულში კი კონტრაქტის გამოსყიდვა. (El Mundo Deportivo)

17:42 „პარი სენ-ჟერმენმა“ გაზარდა წინადადები იდრის გუეიეზე 30 მილიონ ევრომდე. „ევერტონს“, ჯერჯერობით, არ უარყვია ეს შეთავაზება. (RMC Sport)

17:49 ოფიციალურად! ივო ილიჩევიჩი ბუნდესლიგაში დაბრუნდა - ხორვატიის ნაკრების ყოფილი ფეხბურთელი „ნიურნბერგში“ გადავიდა და იქ მე-16 ნომრით ითამაშებს.

17:54 „მონაკოს“ იტალიელი მცველი ანტონიო ბარეკა „ნიუკასლში“ გადავა. მალე შედგება სამედიცინო შემოწმება. (Sky Sports)

18:03 ოფიციალურად! პორტუგალიელი მცველი რუბენ ვესო „ვალენსიადან“ „ლევანტეში“ გადავიდა - იჯარა სეზონის ბოლომდე.

18:09 „ევერტონის“ საყრდენის იდრის გუეიეს შეძენა მხოლოდ „პარი სენ-ჟერმენს“ არ სურს, არამედ „არსენალსა“ და „მანჩესტერ სიტისაც“. (Sky Sports)

18:14 „დორტმუნდის“ 18 წლის ნახევარმცველ ტობიას რაშლზე არა მხოლოდ „გლადბახი“, არამედ „ბაიერნი“ და „ლევერკუზენიც“ ნადირობენ. (Bild)

18:19 „მილანი“ დაინტერესებულია „ლილის“ ნახევარმცველით ალან სენ-მაქსიმენით. ფრანგები ითხოვენ 28 მილიონ ევროს, „მილანი“ ფასის დაგდებას ითხოვს.

18:25 „შალკემ“ ოფიციალურად მიმართა „ვესტ ჰემს“ ფორვარდ ლუკას პერესის იჯარაზე და შემდგომ გამოსყიდვაზე. (BBC Sport)

18:36 „ბეტისმა“, „შესაძლოა, „ტოტენჰემიდან“ ვინსენტ იანსენი შეიძინოს. ლონდონელებს ჰოლანდიელი ფორვარდისთვის 17.2 მილიონი ევროს მიღება უნდათ. სევილიელებმა ოფიციალური წინადადება უკვე გაგზავნეს. (Sky Sports)

18:41 ოფიციალურად! მეტ პოლსტერი „ჩიკაგო ფაირიდან“ „რეინჯერსში“ გადავიდა. 25 წლის მარჯვენა მცველმა ორწლინახევრიანი კონტრაქტი გააფორმა შოტლანდიურ კლუბთან.

18:46 „ვალენსიამ“ მოლაპარაკებები დაიწყო „ალავესთან“ ფორვარდ რუბენ სობრინოს თაობაზე. (Superdeporte)

18:50 „მონაკო“ ახლოს არის „დორტმუნდიდან“ იაპონელი შინჯი კაგავას იჯარასთან. კლუბები ბოლო დეტალებს აგვარებენ. (Sky Sport Deutschland)

19:21 ხამეს როდრიგესს ახალი კონფლიქტი აქვს „ბაიერნის“ მთავარ მწვრთნელთან ნიკო კოვაჩთან. კოლუმბიელმა განუცხადა მიუნხენური კლუბის ბოსებს, რომ არ დარჩება კლუბში, თუ კოვაჩი გააგრძელებს მუშაობას. (Bild)

19:38 „ჩელსიმ“ უარი განუცხადა „ბაიერნს“, „დორტმუნდსა“ და „იუვენტუსს“ დანიელი მცველის ანდრეას კრისტენსენის ტრანსფერზე. (Evening Standard)

19:40 ოფიციალურად! „შალკემ“ გამოაცხადა, რომ რობი მატონდო „მანჩესტერ სიტიდან“ გერმანულ კლუბში გადავიდა. 18 წლის ფორვარდმა ოთხწლიანი კონტრაქტი გააფორმა და მე-14 ნომერი აიღო. მას უკვე ნათამაშები აქვს უელსის ნაკრებში.

20:23 ოფიციალურად! „მონაკომ“ სეზონის ბოლომდე იჯარით აიყვანა „ნაპოლის“ ფორვარდი კარლოს ვინისიუსი. ამ ფეხბურთელმა სეზონის პირველი ნახევარი „რიუ ავეში“ გაატარა.

20:33 „მილანმა“ ისევ დაიწყო მოლაპარაკებები იანიკ ფერეირა-კარასკოზე. იტალიელები დაინტერესებულნი არიან ნახევარწლიანი იჯარით.

20:49 იანიკ კარასკოს კლუბი „დალიან იფანი“ კონტრაქტს სთავაზობდა ოლივიე ჟირუს „ჩელსიდან“, მაგრამ ფრანგმა უარყო წლიური ხელფასი 10 მილიონი ევროს ოდენობით.

20:57 „ტოტენჰემის“ გარემარბი ჟორჟ-კევინ ნკუდუ საფრანგეთში დაბრუნდება და იჯარით „მონაკოში“ გადავა. (L’Equipe)

21:02 ოფიციალურად! დენის სუარესი „არსენალში“ გადავიდა. მან ჯერ გაახანგრძლივა კონტრაქტი „ბარსელონასთან“ და მხოლოდ ამის შემდეგ წავიდა იჯარით ლონდონში.

21:25 „არსენალის“ პლეიმეიკერმა მესუთ იოზილმა უარი აქვა „პარი სენ-ჟერმენში“ იჯარაზე. (Sueddeutsche Zeitung)

21:59 ოფიციალურად! „ვესტ ჰემმა“ დაადასტურა პორტუგალიის ახალგაზრდული ნაკრების ფორვარდის მესაკე ჯუს შეძენა.

ყოველდღიური სპორტული გაზეთი "ლელო"
626
მკითხველის კომენტარები / 0 /
მსგავსი ამბები
რუბრიკის სხვა სიახლეები
;