ტრანსფერ-ONLINE: სიმეონე 'უნაიტედში', 'რეალში' კშიშტოფ პიონტეკი, ბარსაში რაბიო

13:02 ოფიციალურად! ვეტერანმა პოლონელმა ფორვარდმა იაკუბ ბლაშჩიკოვსკიმ მრავალი წელი გაატარა ბუნდესლიგაში და ახლა, სამშობლოში მოუწევს თამაში.

ფეხბურთელმა გაწყვიტა კონტრაქტი „ვოლფსბურგთან“, რომელშიც ბოლო ორი წელი თამაშობდა და მშობლიურ „ვისლაში“ დაბრუნდა. ბლაშჩიკოვსკი ფინანსურ კრიზისში მყოფ გუნდში 300 ათას ევროს ჩადებს და მის რიგებში უფასოდ ითამაშებს.

13:08 ლონდონის „არსენალის“ მთავარი მწვრთნელი უნაი ემერი იმედოვნებს, რომ მისი კლუბი ზამთრის სატრანსფერო ბაზრისას გაყიდის მესუთ იოზილს და მიღებული თანხით ახალ ფეხბურთელებს შეიძენს. (Daily Mail)

13:13 ოფიციალურად! „მონაკოს“ ხელმძღვანელობამ დაადასტურა, რომ სეზონის ბოლომდე იჯარით აიყვანს „ჩელსის“ ფორვარდს მიში ბატშუაის. (Canal+)

13:18 ოფიციალურად! მეორე ბუნდესლიგის ლიდერმა „კიოლნმა“ სეზონის ბოლომდე გაიფორმა „შალკეს“ ნახევარმცველი იოჰანეს გაისი.

13:29 გონსალო იგუაინმა ოფიციალური თხოვნით მიმართა „მილანს“ „ჩელსიში“ ტრანსფერზე. სავარაუდოდ, ლონდონელები არგენტინელს წელიწადნახევრიანი იჯარით აიყვანენ. (Sky Sport Italia)

13:31 ოფიციალურად! 21 წლის უკრაინელი მცველი ვასილი კრავეცი სეგუნდას კლუბ „ლუგოდან“ პრიმერას ბინადარ „ლეგანესში“ გადავიდა. მან 2023 წლის ზაფხულამდე გააფორმა კონტრაქტი.

13:46 „იუვენტუსმა“ თითქმის გაიფორმა „არსენალის“ ვარსკვლავი აარონ რემზი. უელსელმა გაიარა სამედიცინო შემოწმება ლონდონის კერძო კლინიკაში. (Goal.com)

13:53 ალექსანდრ ზინჩენკომ განაცხადა, რომ არ სურს „მანჩესტერ სიტიდან“ წასვლა. უკრაინელს უწინასწარმეტყველებენ „ფულჰემში“ ან „ნაპოლიში“ გადასვლას. (Sport360.com)

14:04 იაპონელ ვეტერანს შინჯი კაგავას პრაქტიკულად არ უწევს თამაში „დორტმუნდში“. ამიტომაც, ბუნდესლიგის ლიდერი მზად არის ფეხბურთელი გაუშვას „ბორდოში“. (So Foot)

14:24 ხოსეპ გვარდიოლამ უარყო „მანჩესტერ სიტის“ ინტერესი „ვულვერჰემპტონის“ პორტუგალიელი ნახევარმცველის რუბენ ნევიშის მიმართ. ესპანელმა განაცხადა, რომ კლუბი არასოდეს შეხვედრია ამ ფეხბურთელს.

14:28 „ბეშიქთაში“ ახლოს არის დიუსელდორფის „ფორტუნადან“ 19 წლის ნახევარმცველის მუჰაიერ ოქთაის შეძენასთან.

14:41 „მინდა დავრჩე, მაგრამ „ბარსელონამ“ უნდა გადაწყვიტოს - სურს თუ არა ჩემთან კონტრაქტის გაგრძელება“, - განაცხადა ჟორდი ალბამ. მისი კონტრაქტი 2020 წლის ზაფხულამდეა ძალაში. „იუვენტუსი“ აქტიურად ემზადება ესპანელის შესაძენად.

14:50 „ვწუხვარ, მაგრამ არავის ეყოფა ფული იმისთვის, რომ მილან შკრინიარი გაიფორმოს, - განაცხადა „ინტერის“ მთავარმა მწვრთნელმა ლუჩანო სპალეტიმ. - ის დარჩება გუნდში, რადგან შეუფასებელია“.

14:54 „პარი სენ-ჟერმენი“ მზად არის 75 მილიონი ევრო გადაიხადოს ფრენკი დე იონგის სანაცვლოდ. თუმცა, „აიაქსის“ ჰოლანდიელისთვის ბრძოლას „ბარსელონაც“ აგრძელებს.

14:56 მარსელო ბიელსას „ლიდს იუნაიტედი“ დაინტერესებულია „კოლამბუსის“ ფორვარდ გიასი ზარდესით.

15:00 ახალი ინფორმაციის თანახმად, „პარი სენ-ჟერმენი“ უკვე მოელაპარაკა პირობებზე ფრენკი დე იონგს. დარჩა დეტალების მოგვარება „აიაქსთან“.

15:04 ჯოვანი რეინა „ნიუ იორკ რედ ბულსის“ აკადემიიდან „დორტმუნდის“ U17-ის გუნდს შეუერთდა.

15:26 „პარი სენ-ჟერმენი“ ახლოს არის „ევერტონის“ საყრდენის იდრის გუეის გაფორმებასთან, მაგრამ ინგლისურ კლუბს 30 მილიონი ევრო სურს. (L’Equipe)

15:34 „ვილემის“ ესპანელი ფორვარდი ფრან სოლი კიევის „დინამოს“ შეუერთდა. უკრაინელები 5 მილიონ ევროს გადაიხდიან. (Brabants Dagblad)

15:45 „ჩელსიმ“ ოფიციალური წინადადებით მიმართა „ზენიტს“ ლეანდრო პარედესის შეძენასთან დაკავშირებით. ლაპარაკია 30მილიონ ევროზე. (Evening Standard)

15:50 ოფიციალურად! „ფეიენოორდმა“ იჯარით „ვილემში“ გაუშვა პერუს ნაკრების ნახევარმცველი რენატო ტაპია.

15:59 „მილანის“ სპორტულმა დირექტორმა ლეონარდომ დაადასტურა, რომ მისი გუნდის მთავარი სამიზნეა „ჯენოას“ ფორვარდი კშიშტოფ პიონტეკი.

16:34 კიკო კასილია ემზადება „რეალიდან“ „ლიდსში“ გადასასვლელად. ესპანელს უკვე შაბათს ექნება დებიუტი მარსელო ბიელსას გუნდში.

16:46 „რომა“ აპირებს დანიელე დე როსი ევერტონელი მორგან შნაიდერლინით შეცვალოს. 35 წლის ვეტერანს კონტრაქტი სეზონის ბოლოს უმთავრდება და რომაელები მას არ გააგრძელებენ. (Corriere dello Sport)

17:00 „მანჩესტერ იუნაიტედმა“, შესაძლოა, მთავარ მწვრთნელად მიიწვიოს დიეგო სიმეონე. არგენტინელს „ატლეტიკოსთან“ 2020 წლის ზაფხულამდე აქვს კონტრაქტი, მაგრამ შეიძლება გაწყვიტოს ხელშეკრულება სარფიანი წინადადების შემთხვევაში. (Daily Mirror)

17:11 ოფიციალურად! „ბოკა ხუნიორსის“ ცენტრალურმა მცველმა ლეონარდო ბალერდიმ სამედიცინო შემოწმება გაიარა „დორტმუნდში“ და კონტრაქტი გააფორმა.

17:38 „ნაპოლის“ მთავარმა მწვრთნელმა კარლო ანჩელოტიმ განაცხადა, რომ მისი გუნდი განიხილავს სხვა კლუბებში ალანისა და მარკო როგის იჯარას. ბრაზილიელი პსჟ-ს აინტერესებს, ხორვატი - „შალკეს“. (La Gazzetta dello Sport)

18:02 „ალ ნასრმა“ კონტრაქტი გაწყვიტა 32 წლის ნახევარმცველ იოან კაბაისთან.

18:06 ბოლო ორი კვირის განმავლობაში, ალვარო მორატას ევროპის ბევრი ტოპ-კლუბი ეპატიჟებოდა და ამ სიას კიდევ ერთი დაემატა. მიუნხენის „ბაიერნს“ სურს ესპანელის იჯარით აყვანა. (Daily Mail)

18:24 ნაბილ ფეკირი ვერაფრით ჩამოყალიბდა თავის მომავალზე. „ლიონის“ პრეზიდენტი ჟან-მიშელ ოლა თხოვს ფეხბურთელს - ან ზაფხულში წავიდეს ან ხანგრძლივი კონტრაქტი გააფორმოს. (L’Equipe)

18:36 Mundo Deportivo-მ მოულოდნელად დაწერა, რომ „ტოტენჰემის“ სათადარიგო ფორვარდი ფერნანდო ლორენტე, შესაძლოა, „ბარსელონაში“ აღმოჩნდეს.

18:37 „ჩელსიმ“ არ მიიღო „ბაიერნის“ წინადადება კალუმ ჰადსონ-ოდოის თაობაზე. გერმანული კლუბი მზად იყო 40 მილიონი ევროს გადასახდელად და მე-10 ნომრის შესათავაზებლად.

18:58 ბრაზილიელი განსო შეიძლება სამშობლოში დაბრუნდეს. „სევილიადან“ მისი იჯარით აყვანა სურს „ფლუმინენსეს“.

19:04 მუსა სისოკო „ტოტენჰემიდან“ ჩინეთში გაფრინდა, რათა საბოლოოდ გააფორმოს კონტრაქტი აზიაში. ფეხბურთელი სამედიცინო შემოწმებას გაივლის „ბეიჟინგ გუანში“.

19:37 კალუმ უილსონი „ვესტ ჰემის“ მთავარი სამიზნეა, თუ მარკო არნაუტოვიჩი მაინც გადაწყვეტს ჩინეთში გამგზავრებას.

20:02 ოფიციალურად! უროშ რაჩიჩი იჯარით გადავიდა „ვალენსიადან“ „ტენერიფეში“.

20:07 „ოლიმპიაკოსიდან“ წამოსვლის შემდეგ, იაია ტურე ვერაფრით ახერხებს ახალი კლუბის პოვნას. კოტდივუარელი „სელტიკს“ აინტერსებს, რომელშიც მწვრთნელის ასისტენტად მუშაობს იაიას ძმა კოლო ტურე. (Gazzetta.gr)

20:13 „ბარსელონა“ ამ კვირას გაიფორმებს ადრიენ რაბიოს. თუმცა, ფრანგი სეზონის ბოლომდე დარჩება პსჟ-ში და „კამპ ნოუზე“ ზაფხულში გადავა. (Marca)

20:18 „კარდიფი“ მალე დაასრულებს გარიგებას „ნანტის“ არგენტინელი ფორვარდის ემილიანო სალას შეძენაზე. ტრანსფერი სარეკორდო იქნება კლუბისთვის - ფრანგები 20 მილიონ ევროს მიიღებენ. (BBC Sport)

20:26 „რეალი“ დაუკავშირდა „ჯენოას“ კშიშტოფ პიონტეკის თაობაზე. მადრიდელებს ბენზემა დაუზიანდათ და ფორვარდი სჭირდებათ ზამთრის სატრანსფერო ფანჯრისას. გარიგების თანხაა - 50-60 მილიონი ევრო. (Cadena Ser)

20:54 „ეინდჰოვენმა“ დაადასტურა, რომ მექსიკელი ირვინგ ლოსანო ამ ზამთარს არ დატოვებს კლუბს.

20:56 „რომამ“ შეიძლება შეიძინოს „ტორინოს“ ვარსკვლავი ანდრეა ბელოტი. რომაელები მზად არიან იტალიელ ფორვარდში 50 მილიონი ევრო გადაიხადონ. (CalcioMercato)

21:06 იურაი კუჩკამ განაცხადა, რომ „ტრაბზონიდან“ „პარმაში“ დაბრუნდება. (Sky Sport Italia)

ყოველდღიური სპორტული გაზეთი "ლელო"
1039
მკითხველის კომენტარები / 0 /
მსგავსი ამბები
რუბრიკის სხვა სიახლეები
;