ტრანსფერ - ONLINE: ტოტენჰემის უცნაური ზაფხული, მოურინიოსაც არაფერი გამოუვიდა ინგლისში სატრანსფერო ბაზარი დახურულია

12:16 კეილორ ნავასი არ დატოვებს "რეალს" ტიბო კურტუას ტრანსფერის მიუხედავად. "ისევე მინდა "რეალიდან" წასვლა, როგორც სიკვდილი", - განაცხადა კოსტარიკელმა.

12:21 ოფიციალურად! "მანჩესტერ სიტიმ" გამოაცხადა დანიელ არზანის ტრანსფერის შესახებ. მსოფლიოს ჩემპიონატის ყველაზე ახალგაზრდა ფეხბურთელი ინგლისის ჩემპიონში "მელბურნიდან" გადავიდა, მაგრამ იჯარით "სელტიკში" ითამაშებს.

12:24 "ტოტენჰემი", რომელსაც ამ ზაფხულს ფეხბურთელი არ შეუძენია, 40 მილიონ ევროს სთავაზობს "ინტერს" მარსელო ბროზოვიჩის სანაცვლოდ.

12:36 "მონაკო" და "პარი სენ-ჟერმენი" "ბარსელონას" ერთ-ერთი ლიდერის ივან რაკიტიჩის შეძენაზე ზრუნავენ. El Mundo Deportive -ს ინფორმაციით, ფრანგებმა კატალონიელებს სოლიდური წინადადებით მიმართეს.

12:40 ოფიცილურად! MLS-ში მორიგი ვეტერანი გადავიდა ევროპიდან: "მონრეალმა" გამოაცხადა ბაკარი სანიას ტრანსფერის შესახებ. კონტრაქტი სეზონის ბოლომდეა გაფორმებული.

12:47 "რეალი" ჩამოყალიბდა კანდიდატურაზე, რომელიც ლუკა მოდრიჩს შეცვლის ხორვატის წასვლის შემთხვევაში. Daily Mirror-ის ინფორმაციით, ეს ფეხბურთელი შეიძლება გახდეს კრისტიან ერიქსენი.

12:52 პაოკ კონტრაქტს შესთავაზებს პონტუს ვერნბლუმს, რომელიც ცსკა-დან წასვლის შემდეგ, კვლავაც თავისუფალი აგენტია. ბერძნები შვედს წელიწადში 1.8 მილიონ ევროს გადაუხდის.

13:07 "ჩელსიმ" წარადგინა მატეო კოვაჩიჩი.

13:39 ოფიციალურად! "ვესტ ჰემმა" "არსენალის" სათადარიგო ლუკას პერესი შეიძინა. მასთან სამწლიანი კონტრაქტი გაფორმდა. ტრანსფერის თანხაა - 4 მილიონი ფუნტი.

13:54 ოფიციალურად! მოსკოვის "ლოკომოტივმა" ფიოდორ სმოლოვის შეძენა მოახერხა. ტრანსფერი 9 მილიონი ევრო დაჯდა. ფორვარდის ხელფასი სეზონში 3.1 მილიონი ევრო იქნება. კონტრაქტი ოთხწლიანია.

14:11 "მანჩესტერ იუნაიტედი" ტობი ალდერვეირელდიდან დიეგო გოდინზე გადაერთო. იტალიელი ჟურნალისტი ფაბრიციო რომანო წერს, რომ "იუნაიტედი" მზად არის, 25 მილიონი ევრო გადაუხადოს "ატლეტიკოს", თავად ურუგვაელს კი წელიწადში 9 მილიონს სთავაზობს.

14:13 ოფიციალურად! "ლესტერმა" ზაგრების "დინამოდან" ხორვატი მცველი ფილიპ ბენკოვიჩი შეიძინა. 21 წლის ფეხბურთელი ხუთი წლით გაფორმდა.

14:17 MailOnline-ს მიაჩნია, რომ ბაკაიოკოს გადასვლა "მილანში" - გადაწყვეტილი საქმეა.

14:38 "ევერტონი" ცდილობს დაასრულოს იერი მინას ტრანსფერი. შკყ შპორტს წერს, ლივერპულური კლუბი ახლოსაა კოლუმბიელის შეძენასთან.

15:01 "მარსელის" მოთამაშე ბონა სარი 30 მილიონ ფუნტად გადადის "ფულჰემში".

15:41 ქუინსი პრომესმა, შესაძლოა, ამ ზაფხულს დატოვოს "სპარტაკი". პაოკ-თან მატჩის შემდეგ, ჰოლანდიელმა დაწერა, რომ მოსკოველმა ფანატებმა მას კლუბიდან წასვლა მოთხოვეს. შპორტ24-ის ინფორმაციით, ამ სიტუაციის გამოყენებას აპირებს "ინტერი". თავის მხრივ, "სპარტაკი" თავის ფორვარდში 30 მილიონ ევროს მოითხოვს.

15:53 "პარი სენ-ჟერმენი" არ გადაიხდის ჯერომ ბოატენგში 50 მილიონ ევროს, ვინაიდან ფინანსური ფეარ პლეის წესებში ვერ ჯდება.

16:10 Mundo Deportivo წერს, რომ იერი მინა სამედიცინო შემოწმებას გადის "ევერტონში". მასთან ერთადაა - ანდრე გომესი, რომელიც ლივერპულში ერთწლიანი იჯარით მიდის.

16:33 "სუონსის" მცველი ფედერიკო ფერნანდესი აღარ დარჩება ჩემპიონშიფში და "ნიუკასლთან", გააგრძელებს კარიერას.

17:38 ოფიციალურად! "ვულვერჰემპტონმა" ბელგიელი ლეანდერ დენდონკერი გაიფორმა "ანდერლეხტიდან". გარიგების თანხა უცნობია. დენდონკერი ამ სეზონს იჯარით ითამაშებს.

17:54 "ლესტერის" ფორვარდი ისლამ სლიმანი ერთწლიანი იჯარით მიდის "ფენერბაჰჩეში" სათამაშოდ, - იტყობინება Sky Sports.

18:01 "კარდიფი" გაძლიერდა "ბეტისის" ნახევარმცველ კამარასათი. 24 წლის ესპანელი იჯარით ითამაშებს ერთი სეზონი.

19:02 ოფიციალურად! "ბრაგასა" და ჩერნოგორიის ნაკრების ნახევარმცველი ნიკოლა ვუკჩევიჩი "ლევანტეს" ფეხბურთელი გახდა. ესპანელებს ტრანსფერი 8.9 მილიონი დაუჯდათ. კონტრაქტი ოთხწლიანია.

19:18 "ატლეტიკომ" თავის ოფიციალურ გვერდზე დაწერა, რომ "მილანის" 30 წლის ფორვარდი ნიკოლა კალინიჩი გაიფორმა. კონტრაქტი 2021 წლის ზაფხულამდეა ძალაში.

19:33 "ატლეტიკო" ერთი სეზონით გამოემშვიდობა ლუსიანო ვიეტოს და ის იჯარით გადასცა "ფულჰემს".

19:52 "ლესტერმა" 20 მილიონი გადაიხადა "ფრაიბურგის" მცველ ჩაგლარ სიუინჯუში.

20:12 უკრაინელმა ნახევარმცველმა ალექსანდრ ზინჩენკომ უარი თქვა "ვულვერჰემპტონში" გადასვლაზე. მას სამედიცინო შემოწმება უნდა გაევლო "მგლების" ბაზაზე, კლუბები კი 18 მილიონზე იყვნენ შეთანხმებული, მაგრამ ზინჩენკომ ჩაშალა ტრანსფერი და "მანჩესტერ სიტიში" დარჩენა ამჯობინა.

21:17 უსმან დემბელეს ტრანფერი "არსენალში" არ შედგება. ფრანგმა თავად გამოაცხადა, რომ რჩება "ბარსელონაში" და მზად არის ესპანეთის სუპერთასზე სათამაშოდ.

20:33 ინგლისის ნაკრების ფორვარდმა ჯეიმი ვარდიმ ოთხი წლით გააგრძელა კონტრაქტი "ლესტერთან".

20:44 მცველი მარტინ მონტოია "ბარსელონას", "მილანისა" და "ვალენსიას" შემდეგ, "ბრაიტონში" ითამაშებს.

20:52 აიზეკ მბენზა - "ჰადერსფილდის" მოთამაშეა. ინგლისურმა კლუბმა ბელგიელი იჯარით აიყვანა "მონპელიედან".

21:12 ოფიციალურად! ინგლისური სატრანსფერო ფანჯრის დახურვამდე ცოტა ხნით ადრე, სოლიდური შევსება მიიღო "ევერტონმა". ლივერპულურმა კლუბმა 30 მილიონი დახარჯა სამ მოთამაშეზე. გუნდის შემადგენლობა შეავსეს "შახტარის" ყოფილმა ნახევარმცველმა ბერნარდმა (თავისუფალი აგენტის სტატუსით, 4-წლიანი კონტრაქტი), აგრეთვე, "ბარსელონას" ფეხბურთელებმა - მცველმა იერი მინამ და ნახევარმცველმა ანდრე გომესმა. კოლუმბიელში გადაიხადეს 30.25 მილიონი ევრო, ესპანელის იჯარაში კი - 2.25 მილიონი.

21:49 "კრისტალ პალასმა" "სუონსიდან" აიყვანა ანდრე აიუ.

22:00 ინგლისში სატრანსფერო ბაზარი დაიხურა და უცნაურია, რომ "ტოტენჰემი" გახდა ინგლისის პრემიერლიგის ისტორიაში პირველი გუნდი, რომელმაც ზაფხულის სატრანსფერო ფანჯრისას, არც ერთი ფეხბურთელი არ შეიძინა. ლონდონელთა ერთადერთი აქტიურობა იყო "ფენერბაჰჩეში" იჯარიდან ვინსენტ იანსენის დაბრუნება.

ყოველდღიური სპორტული გაზეთი "ლელო"
440
მკითხველის კომენტარები / 0 /
მსგავსი ამბები
რუბრიკის სხვა სიახლეები