ტრანსფერ - ONLINE : ხუთშაბათის სატრანსფერო ამბები და ჭორები

13:12 თითქმის ოფიციალურად არის გადაწყვეტილი, რომ "ბილბაოს" მეკარე კეპა არისაბალაგა მადრიდის "რეალში" გააგრძელებს კარიერას, ოღონდ უცნობია, ტრანსფერი იანვარში შედგება თუ ზაფხულში.

13:18 El Chiringuito წერს, რომ კრიშტიანუ რონალდუმ სამი წინადადება მიიღო ტრანსფერზე. "რეალს" სურს პორტუგალიელის შენარჩუნება.

13:24 "მილანს" სურს "ჰოფენჰაიმიდან" ქერემ დემირბაის გაფორმება. გერმანელით ასევე დაინტერესებულები არიან "არსენალი" და "ევერტონი".

13:27 "ფენერბაჰჩე" 2 მილიონ ევროს სთავაზობს "ზენიტს" დომენიკო კრიშიტოში. ამის შესახებ წერს Fანატიკ.

13:57 ბოლო ინფორმაციები ფილიპე კოუტინიოზე. ჯერჯერობით, არანაირი შეთანხმება არ არსებობს, მაგრამ 150 მილიონი ევრო ის თანხაა, რომელსაც "ლივერპული" განიხილავს. ბრაზილიელი დღეს არ ითამაშებს "ევერტონის" წინააღმდეგ.

14:10 ბრიტანული პრესა ტეო უოლკოტს "არსენალიდან" ხან "საუთჰემპტონში" და ხან "ევერტონში" უშვებს, თუმცა, Corriere dello Sport წერს, რომ ინგლისელმა საკუთარი თავი "მილანს" შესთავაზა.

14:18 თუ ალექსის სანჩესი მაინც წავა "არსენალიდან", მაშინ არსენ ვენგერი ეცდება ჩილელი "დორტმუნდის" ფორვარდით პიერ-ემერიკ ობამეიანგით შეცვალოს.

14:33 ზინედინ ზიდანი დათანხმდა "რეალში" ახალი ფორვარდის შეძენას. შესაბამისად, მადრიდული კლუბი ქარიმ ბენზემას შესაცვლელად ემზადება. მთავარი კანდიდატები არიან - მაურო იკარდი "ინტერიდან" და ტიმო ვერნერი "ლაიპციგიდან".

14:50 "ატლეტიკოს" 32 წლის მცველმა ხუანფრანმა, შესაძლოა, "რომაში" ამოჰყოს თავი. ტრანსფერს უკვე იანვარში ელოდებიან. ამის შესახებ წერს AS.

15:03 "დორტმუნდი" ყურადღებით აკვირდება ჰენრიხ მხითარიანის სიტუაციას "მანჩესტერ იუნაიტედში". გერმანელები მზად არიან, დაიბრუნონ სომეხი ნახევარმცველი.

15:07 არდა თურანის ტრანსფერზე სამი კლუბი მუშაობს - "ბეშიქთაში", "ევერტონი" და "მილანი". თავად თურქი ჯერ არ ჩამოყალიბებულა თავის მომავალზე.

15:10 "ბეშიქთაშის" მწვრთნელმა შენოლ გიუნეშმა დაადასტურა, რომ კლუბმა მიიღო "ევერტონის" წინადადება ჩენქ თოსუნის თაობაზე. ფეხბურთელმა მალე სამედიცინო შემოწმება უნდა გაიაროს ლივერპულურ კლუბში, - წერს Sky Sports.

15:32 სინიშა მიხაილოვიჩი ოფიციალურად დაითხოვეს "ტორინოს" მთავარი მწვრთნელის პოსტიდან. შეცვლის მთავარი კანდიდატი ვალტერ მაცარია.

15:38 "ბაიერნის" ნახევარმცველმა ხამეს როდრიგესმა განაცხადა, რომ არ სურს 2019 წელს უკან, მადრიდში დაბრუნება. "მიუნხენში თავს ძალიან ბედნიერად ვგრძნობ", - თქვა კოლუმბიელმა პრესკონფერენციაზე.

16:12 "ჩელსის" მცველი დავიდ ლუიში არ გადავა "ბარსელონაში". კატალონიელებმა უარი თქვეს ბრაზილიელზე მაღალი ხელფასისა და ხშირი შეცდომების გამო, - იტყობინება El Mundo Deportivo.

16:21 ჟან-მიკაელ სერი ("ნიცა"), რომელიც ზაფხულში კინაღამ "ბარსელონაში" გადავიდა, ძალიან აინტერესებს "ევერტონს", - Sky Sports.

16:26 ცნობილი ჟურნალისტი ჯანლუკა დი მარციო საკუთარ "ტვიტერზე" წერს, რომ ანტონიო კონტე დატოვებს "ჩელსის" მთავარი მწვრთნელის პოსტს და "პარი სენ-ჟერმენს" ჩაუდგება სათავეში.

16:38 38 წლის ურუგვაელმა ვეტერანმა დიეგო ფორლანმა კონტრაქტი გააფორმა ჰონკონგის ჩემპიონ "კიტჩისთან". ფორვარდი კლუბს აზიის ჩემპიონთა ლიგის სტარტისთვის შეუერთდება.

16:50 აჰმედ მუსა "ლესტერიდან" "ბურსაში" გადავა. ამ ტრანსფერში დიდი როლი ითამაშა თურქული კლუბის მთავარმა მწვრთნელმა პოლ ლე გუენმა.

16:53 ტიბო კურტუამ განაცხადა, რომ მალე ახალ კონტრაქტს გააფორმებს "ჩელსისთან". და დაამატა, რომ მისი თანამემამულე ედენ აზარიც ანალოგიურად მოიქცევა. ლაპარაკია ხელშეკრულებაზე 2022/23 წლების სეზონის ბოლომდე. კურტუას ხელფასი წელიწადში 11.8 მილიონი ევრო გახდება და ბელგიელი იქნება პლანეტის ყველაზე მაღალანაზღაურებადი მეკარე.

17:04 რობი კინი მშობლიურ "ვულვერჰემპტონში" დაბრუნდება, - წერს Dაილყ Mაილ. ამჟამად, 37 წლის ფორვარდი ინდოეთის ჩემპიონატში თამაშობს.

17:35 ჟოზე მოურინიო, როგორც ჩანს, დარჩება "მანჩესტერ იუნაიტედში". The Telegraph-მა გაარკვია, რომ კლუბის ხელმძღვანელობა მალე ახალ კონტრაქტს შესთავაზებს პორტუგალიელს.

17:40 "ჩელსის" ყოფილმა დამრიგებელმა ავრაამ გრანტმა ინდურ კლუბში "ნორტისტ იუნაიტედში" ტექნიკურ მრჩევლად დაიწყო მუშაობა.

17:57 Sky Sports აზუსტებს, რომ ინიგო მარტინესი "რეალ სოსიედადიდან" - "მანჩესტერ სიტის" მთავარი სამიზნეა.

18:00 ოფიციალური ტრანსფერი! დღის პირველი ტრანსფერი "ვალენსიამ" განახორციელა. "ღამურებმა" იჯარით აიყვანეს 24 წლის არგენტინელი ლუსიანო ვიეტო და მისი გამოსყიდვის შესაძლებლობა ექნებათ 2018 წლის ზაფხულში.

ვიეტო "ატლეტიკოში" 2015 წლის ზაფხულიდან გამოდის. ამ სეზონში მან ყველა ტურნირზე 10 მატჩში მიიღო მონაწილეობა, მაგრამ არც გოლი და არც შედეგიანი პასი არ ჰქონია.

18:04 მცველი იერი მინა, როგორც ჩანს, ამ ზამთარს არ გადავა "ბარსელონაში". ბრაზილიური "პალმეირასის" მენეჯერმა გამოაცხადა, რომ არ აწყობს კატალონიელთა წინადადება 21 წლის ფეხბურთელზე. ეს EL Mundo Deportivo-ს ინფორმაციაა.

18:20 "პარი სენ-ჟერმენში" მთავარი მწვრთნელის, უნაი ემერის, სავარაუდო შემცვლელთა სიას კიდევ ერთი კანდიდატი დაემატა. ESPN წერს, რომ პარიზელები ანდრე ვილაშ-ბოაშით დაინტერესდნენ.

18:26 ხავიერ პასტორეს აგენტმა გამოაცხადა, რომ ჯერჯერობით, არანაირი სიახლე არ არის არგენტინელის პსჟ-დან "ინტერში" სავარაუდო გადასვლასთან დაკავშირებით.

18:36 პრესტიჟული გამოცემა Kicker წერს, რომ "შალკეს" ნახევარმცველმა ლეონ გორეტცკამ თანხმობა მისცა "ბაიერნს", მაგრამ ჯერ კონტრაქტისთვის ხელი არ მოუწერია.

18:41 "მანჩესტერ სიტი" "არსენალს" 28 მილიონ ევროს გადაუხდის ალექსის სანჩესში. "სიტი" არ არის მზად 40 მილიონზე მეტის გადახდისთვის. ამ ფასებს Daily Maill ასახელებს.

18:47 "პარი სენ-ჟერმენი" არ გაუშვებს ლუკაშ მოურას იჯარით. პარიზელებს მხოლოდ სრულფასოვანი ტრანსფერი აინტერესებთ. პსჟ-მ უკვე უთხრა უარი "მანჩესტერ იუნაიტედს". მოურას ფასი 30 მილიონი ევროა.

18:55 ჟოზე მოურინიოს იმედი აქვს, რომ კლუბის დირექტორთა საბჭოს 56 მილიონ ევროს დასტყუებს "ტოტენჰემიდან" დენი როუზის შესაძენად.

19:10 "ტორინომ" ოფიციალურად გამოაცხადა მთავარ მწვრთნელად ვალტერ მაცარის დანიშვნის შესახებ. შეგახსენებთ, რომ იტალიის თასზე "იუვენტუსთან" წაგების შემდეგ, პოსტიდან დაითხოვეს სინიშა მიხაილოვიჩი.

19:21 პსჟ-ის მთავარმა მწვრთნელმა უნაი ემერიმ არ დაადასტურა თავისუფალი აგენტის - ლასანა დიარას ტრანსფერი.

19:26 "ევერტონის" დამრიგებელმა სემ ელერდაისმა განაცხადა, რომ მისი კლუბი, დიდი ალბათობით, გამოეთხოვება როს ბარკლის. "ჩემი აზრით", კლუბი უკვე შეურიგდა მის დაკარგვას და ეს ჯერ კიდევ მაშინ მოხდა, როცა მე არ ვიყავი მთავარი მწვრთნელი", - განაცხადა ელერდაისმა.

19:30 "ინტერის" მთავარმა მწვრთნელმა ლუჩანო სპალეტიმ უარყო ზამთარში მსხვილი ტრანსფერები: "შეგიძლიათ დაასახელოთ მხითარიანი, პასტორე ან ვარდი, მაგრამ მათი ფასი 30 მილიონია, ჩვენ კი ამდენი ფული არ გვაქვს".

19:38 "ტოტენჰემი" გადახედავს ჰარი კეინის კონტრაქტს და მას 224 ათას ევროს მისცემს კვირაში. როგორც ჩანს, ეს კეთდება მადრიდის "რეალის" შეტევების მოსაგერიებლად, - იტყობინება Daily Maill. ფორვარდი ყველაზე ძვირად ღირებული ინგლისელი გახდება პრემიერლიგაში.

19:43 "მანჩესტერ იუნაიტედი" გააგრძელებს კონტრაქტებს ხუან მატასთან, ანდერ ერერასთან, ეშლი იანგთან და დეილი ბლინდთან. როგორც The Telegraph ირწმუნება, ეს იანვრის ბოლოს მოხდება.

19:53 "იუვენტუსის" მცველი შტეფან ლიხტშტაინერი დატოვებს კლუბს, მაგრამ იტალიიდან შორს არ წავა - შვეიცარიელით "რომაა" დაინტერესებული. ჩორრიერე დელლო შპორტ-ის ინფორმაციით, რომაელები მას თავისუფალი აგენტის სტატუსით აიყვანენ.

19:56 Gazzetta dello sport წერს, რომ "ბარსელონა" აკვირდება "რომას" მეკარე ალისონს. კატალონიელები კმაყოფილი არიან მარკ-ანდრე ტერ შტეგენით, მაგრამ უნდათ კონკურენციის გაძლიერება. იესპერ სილესენი, როგორც ჩანს, დატოვებს კატალონიას.

ყოველდღიური სპორტული გაზეთი "ლელო"
1282
მკითხველის კომენტარები / 0 /
მსგავსი ამბები
რუბრიკის სხვა სიახლეები
;