ტრანსფერ-ONLINE: 100 მილიონი აზარისთვის, კოუტინიო 'ბარსას' დატოვებას არ აპირებს

13:05 „ჩელსი“ ედენ აზარს „რეალში“ მხოლოდ 100 მილიონ ევროდ გაუშვებს. ბელგიელს იმედი აქვს, რომ უკვე ამ თვეში მიიღებს მადრიდელთა წინადადებას. (The Telegraph)

13:08 სესკ ფაბრეგასის „მონაკოში“ გადასვლის შემდეგ, „ჩელსი“ ესპანელის შემცვლელს ეძებს და უკვე გაამზადა 35 მილიონი ევრო და კონტრაქტი 2023 წლის ზაფხულამდე ლეანდრო პარედესისთვის. „ზენიტი“ თანახმაა ტრანსფერზე. (Gazzeta dello Sport)

13:14 „ლიონმა“ ხელი მოაწერა კონტრაქტს ფრანგ თინეიჯერთან ლიგა 2-დან. ბუბაქარ ფოფანა ახალ კლუბში 3.5 წელს ითამაშებს.

13:25 გავრცელდა ინფორმაცია „პარი სენ-ჟერმენის“ ინტერესის შესახებ იულიან ვაიგლის მიმართ. თომას ტუხელს „დორტმუნდიდან“ ფეხბურთელის შეძენა დაახლოებით 20 მილიონ ევროდ სურს. (Le Parisien)

13:39 „ვულვერჰემპტონმა“ დაუმიზნა პრაღის „სპარტას“ განელ ფორვარდს ბენჟამინ ტეტეს. ლაპარაკია 11 მილიონ ევროზე. (Mail)

13:42 „ბარსელონას“ 31 წლის კრისტიან სტუანის შეძენის იმედი აქვს, ხოლო სარეზერვო ვარიანტად აირჩია ოლივიე ჟირუ. (Foot Mercato)

13:45 „მანჩესტერ სიტიმ“ შეიძინა 21 წლის იაპონელი ნახევარმცველი კო იტაკურუ და მაშინვე გაუშვა იჯარით „გრონინგენში“.

13:50 „მილანს“ დაგეგმილი აქვს ალეშანდრე პატოს დაბრუნება. ბრაზილიელს უმთავრდება კონტრაქტი ჩინეთში და შეიძლება იტალიაში გადავიდეს, როგორც თავისუფალი აგენტი. (La Reppublica)

13:52 ლუიშ ნეტო ზაფხულში უფასოდ გადავა „სპორტინგში“. წელს მას კონტრაქტი უმთავრდება „ზენიტში“. (A Bola)

14:00 ცნობილი იტალიელი ჟურნალისტის ჯანლუკა დი მარციოს ვებგვერდი წერს, რომ „ნაპოლი“ სერიოზულად განიხილავს სტანისლავ ლობოტკას იჯარას. იტალიელები მზად არიან, ორი მილიონი გაიღონ იჯარისთვის, პლუს 18 მილიონი - სრულფასოვანი შეძენისთვის. „სელტას“ აწყობს ეს ვარიანტი.

14:12 ჯანლუკა დი მარციო აცხადებს, რომ კშიშტოფ პიატეკით დაინტერესებულია არა მხოლოდ „რეალი“. „მილანი“ ეძებს შემცვლელს გონსალო იგუაინისთვის, რომელიც შეიძლება „ჩელსიში“ გადავიდეს.

14:15 „ბორდო“ კონკურენციას გაუწევს „ინტერს“ „იანგ ბოიზის“ მცველის ლორის ბენიტოს შეძენაში. (Le10Sport)

14:26 „პარი სენ-ჟერმენმა“ დაასახელა „ბარსელონასთვის“ ადრიენ რაბიოს ფასი - 15 მილიონი ევრო. (Paris United)

14:31 „ტოტენჰემს“ სურს მალკომის იჯარით აყვანა. ჰარი კეინს მორიგი ტრავმა აქვს, ამიტომაც მას დაზღვევა სჭირდება. (Star)

14:34 „ვესტ ჰემი“ მზად არის გაუშვას მარკო არნაუტოვიჩი „შანხაიში“ 35 მილიონ ევროდ. (The Sun)

14:37 „მარსელი“ მოელაპარაკა „ნიცას“ მარიო ბალოტელის ტრანსფერზე, მაგრამ ჯერ ვერ შეთანხმდა ფეხბურთელთან ხელფასზე. (L’Equipe)

14:44 „შალკეს“ უკრაინელი ლეგიონერი ევგენი კონოპლიანკა კარიერას „ბეშიქთაშში“ გააგრძელებს. გარიგებით დეტალები ცნობილი არ არის. (Superhaber)

14:38 „მანჩესტერ იუნაიტედის“ მთავარი მწვრთნელი ოლე-გუნარ სოლსკიაერი აპირებს მარუან ფელაინის იჯარით გაშვებას. (Talksport)

14:56 „იუვენტუსი“ დაბრუნდა მატეო დარმიანისთვის ბრძოლაში. ამ მცველით ასევე „ლაციო“ ინტერესდება. (Gazzetta dello Sport)

15:01 ჯანლუკა დი მარციო წერს, რომ „ფროზინონე“ ინტერესდება ფაკუნდო ფერეირათი, რომლის კარიერა „ბენფიკაში“ არ აეწყო.

15:08 „ლივერპული“, „ტოტენჰემი“ და „ევერტონი“ იბრძვიან „ბრიუგეს“ ნახევარმცველ არნო გრუნეველდისთვის. უფრო ადრე, ბელგიელებმა უარყვეს „მილანის“ 9-მილიონიანი წინადადება. (Mail)

15:22 „ვულვერჰემპტონს“ სურს „სტოკიდან“ იჯარით მორიტც ბაუერის აყვანა. (Express and Star)

15:30 ოფიციალურად! „რენმა“ გაიფორმა მცველი სულეიმან დუმბია - „პარი სენ-ჟერმენის“ აღზრდილი.

15:33 „ვესტ ჰემი“ დაიწყებს მოლაპარაკებებს კალუმ უილსონთან, თუ არნაუტოვიჩი ჩინეთში გაემგზავრება სათამაშოდ. (Sky Sports)

15:41 აარონ რემზი „იუვენტუსთან“ კონტრაქტს პარასკევს მოაწერს ხელს. „იუვენტუსი“ 18 მილიონს გადაიხდის იმისთვის, რომ ფეხბურთელი უკვე ამ ზამთრის სატრანსფერო ფანჯრისას დაიმატოს. უელსელი თვეში 111 ათას ფუნტს მიიღებს.

15:55 „მილანი“ მზად არის გაყიდოს ჰაქან ჩალჰანოგლუ იმისთვის, რომ პიონტეკი შეიძინოს. „ლაიპციგი“ თურქ ფეხბურთელში 22 მილიონს იხდის. (TMW)

16:02 „კრისტალ პალასი“ იჯარით აიყვანს „სან პაულუს“ მეკარეს ლუკას პერის. გამოსყიდვა შესაძლებელი იქნება 3.3 მილიონ ევროდ.

16:11 „სევილიას“ სურს ალვარო მორატას გაფორმება, მაგრამ „ჩელსიმ“ უარყო 40-მილიონიანი წინადადება.

16:32 ოფიციალურად! „ფიორენტინამ“ და „ემპოლიმ“ ფეხბურთელები გაცვალეს. ფლორენციელებმა დათმეს დუშან ვლაჰოვიჩი ჰამედ ტრაორეს სანაცვლოდ, თან

12 მილიონი დაამატეს. ვლაჰოვიჩი უკვე შეუერთდა „ემპოლის“, ტრაორე კი „ფიორენტინაში“ ზაფხულიდან იქნება.

16:42 ვრცელდება ინფორმაცია დავიდ დე ხეას კონტრაქტზე. მეკარე კვირაში 300 ათას ევროს ითხოვს - „მანჩესტერ იუნაიტედი“ ჯერ ფიქრობს. ესპანელის კონტრაქტი 2020 წლის ზაფხულში იწურება. (Mail)

16:49 ოფიციალურად! „ალანიასფორმა“ კონტრაქტი გააფორმა ინგლისელ მცველ სტივენ კოლკერთან. მან ვერ ააწყო კარიერა ვერც „ტოტენჰემში“, ვერც „ლივერპულში“ და „ქუინზ პარკში“.

16:54 „ინტერი“ ებრძვის „მილანს“ ალფრედ დანკანის ტრანსფერისთვის და მზად არის 20 მილიონი მისცეს „ნაპოლის“. (Tuttosport)

16:59 „იუვენტუსმა“ და „ჩელსიმ“, შესაძლოა, მარცხენა მცველები გაცვალონ: ემერსონ პალმიერი გადავა „იუვენტუსში“, როჟერიო კი, რომელიც ახლა „სასუოლოშია“ იჯარით, ლონდონში გადავა. (Gazzetta dello Sport)

17:06 კლინტონ ჯიე ახლოს არის „მარსელიდან“ „გალათასარაიში“ გადასვლასთან. (Fotospor)

17:20 შინჯი ოკაზაკის სურს „ლესტერის“ დატოვება არასაკმარისი სათამაშო პრაქტიკის გამო. (Fotospor)

17:28 „კიოლნის“ გენერალურმა დირექტორმა განაცხადა, რომ თუ ფლორიან კაინცი წარმატებით გაივლის სამედიცინო შემოწმებას, მაშინ „ვერდერიდან“ „კიოლნში“ გადავა. „ვერდერმა“ დაადასტურა მოსალოდნელი ტრანსფერი.

17:35 „მილანი“ ოცნებობს „რომადან“ ლორენცო პელეგრინის შეძენაზე, თუმცა, გაუჭირდება „მანჩესტერ სიტისთან“ და „მანჩესტერ იუნაიტედთან“ კონკურენცია. (Tuttosport)

17:43 „კალიარი“ შემადგენლობას შეავსებს მცველ სებასტიან ვალუკევიჩით.

17:50 ქარიმ ბენზემას ტრავმის გამო, „რეალი“ უკვე იანვარში დაიწყებს მოლაპარაკებებს ტიმო ვერნერთან. გერმანელის კონტრაქტი „ლაიპციგთან“ 2020 წლის ზაფხულში იწურება, ამიტომაც, კლუბს სურს მისი სარფიანად გაყიდვა.

18:00 ჯონჯო შელვი არ დატოვებს „ნიუკასლს“ ამ ზამთარში, - ეს დაადასტურა კლუბის დამრიგებელმა რაფაელ ბენიტესმა. ფეხბურთელით „ფულჰემი“ და „ვესტ ჰემი“ ინტერესდებოდნენ. (Chronicle)

18:05 „ბეტისმა“ თითქმის შეათანხმა „ლიონთან“ კენი ტეტეს ტრანსფერი. წესით, გარიგებას ხელს არაფერი შეუშლის. (Mundo Deportivo)

18:10 „ვალენსიამ“ წინადადებით მიმართა „ვესტ ჰემს“ ხავიერ ერნანდესის (ჩიჩარიტო) შეძენაზე. მას შემდეგ, რაც მიში ბატშუაიმ ესპანური გუნდი დატოვა, „ვალენსია“ ახალ ფორვარდს ეძებს.

18:46 „სელტამ“ თითქმის აიყვანა იჯარით ორი მოთამაშე: რიზუ დურმისი „ლაციოდან“ და ჟაირო რიდევალდა „კრისტალ პალასიდან“. (Football Espana)

18:52 ფილიპე კოუტინიო არ აპირებს „ბარსელონას“ დატოვებას და იბრძოლებს სასტარტო შემადგენლობაში ადგილისთვის.

19:01 არგენტინელი ლაუტარო მარტინესი, შესაძლოა, იჯარით „ბეტისში“ გადავიდეს. (Diario de Sevilla)

19:08 ჯანლუკა დი მარციომ დაწერა, რომ „მილანი“ შესთავაზებს კრისტიან საპატას ახალ კონტრაქტს.

19:20 „რომამ“ გადაიფიქრა ახალი ხელშეკრულების გაფორმება ჯენგიზ იუნდერთან და განიხილავს ტოპ-კლუბების წინადადებებს. რომაელებს თურქში 50 მილიონი ევრო უნდათ.

20:04 „რეალის“ ხელმძღვანელობამ დაიწყო მოლაპარაკებები კშიშტოფ პიონტეკის აგენტთან. „ჯენოას“ სურს მინიმუმ 50 მილიონი მიიღოს პოლონელის სანაცვლოდ. (AS)

20:09 „ლიდსი“ ახლოს არის კიკო კასილიას შეძენასთან. ინგლისელები მეკარეს თავისუფალი აგენტის სტატუსით გაიფორმებენ. (Mirror)

20:53 „ვესტ ჰემმა“ უარყო „ფიორენტინას“ წინადადება პედრო ობიანგის თაობაზე. ლონდონელები არ უთანხმდებიან ფასს - 10 მილიონი ევრო.

21:17 „არსენალმა“ მესუთ იოზილი შესთავაზა „ინტერსა“ და „იუვენტუსს“. როგორც ჩანს, უნაი ემერიმ საბოლოოდ აიცრუა გული გერმანელზე. (TMW)

21:21 „კარდიფმა“ 22-მილიონიანი წინადადებით მიმართა „ნანტს“ ემილიანო სალუსთან დაკავშირებით. მხარეებს შორის უკვე გაიმართა პირველი მოლაპარაკებები. (Sky Sports).

ყოველდღიური სპორტული გაზეთი "ლელო"
833
მკითხველის კომენტარები / 0 /
მსგავსი ამბები
რუბრიკის სხვა სიახლეები
;