ტრიბუნალი და კოლხეთი: რას ნიშნავს ერთწლიანი დისკვალიფიკაცია?..

19 სექტემბერს საფეხბურთო დავების განმხილველი სპორტული ტრიბუნალის სხდომა შედგა, რომელმაც ზეპირი მოსმენის გარეშე განიხილა ფოთის "კოლხეთის" საჩივარი. საფეხბურთო კლუბის მოთხოვნას წარმოადგენდა სადისციპლინო და დავების განმხილველი კომიტეტის  3 ივლისის გადაწყვეტილების ნაწილობრივ ბათილობა. კერძოდ, კლუბი ითხოვდა ფინანსური სანქციის შენარჩუნებას და დაკლებული ქულების აღდგენას.

მოგეხსენებათ, სფფ-ის სადისციპლინო და საფეხბურთო დავების განმხილველი კომიტეტის 2018 წლის 3 ივლისის გადაწყვეტილებით, უეფას თაღლითური ფსონების ამოცნობის სისტემის ანგარიშების საფუძველზე "კოლხეთის" ხუთ მოთამაშეს დაუწესდა 6-თვიანი დისკვალიფიკაცია და ფულადი ჯარიმა, ხოლო კლუბს დააკლდა 6 ქულა და დაჯარიმდა 10 ათასი ლარით.

ტრიბუნალმა საფეხბურთო კლუბის საქმის განცილვამდე ცოტა ხნით ადრე განიხილა ფეხბურთელების სარჩელი და ოთხ მათგანთან მიმართებაში დისკვალიფიკაცია პირობითი სასჯელით შეცვალა, ხოლო ფულადი ჯარიმები ძალაში დატოვა. რაც შეეხება ერთ-ერთ ფეხბურთელს, ლაშა გოგონაიას, მასთან მიმართებით ტრიბუნალმა სადისციპლინო კომიტეტის გადაწყვეტილება არ შეცვალა.

სპორტული ტრიბუნალის თავმჯდომარე ზურაბ ბიწაძემ არ დააკმაყოფილა საჩივარი, უცვლელი დატოვა კლუბისთვის დაკისრებული სანქციები ჯარიმისა და ქულების დაკლების ნაწილში და ამასთანავე  კლუბს დამატებით დაუწესა პირობითი სპორტული სანქცია - დისკვალიფიკაცია 1 წლის ვადით. ტრიბუნალის გადაწყვეტილება საბოლოოა და გასაჩივრებას არ ექვემდებარება.

1080
მკითხველის კომენტარები / 0 /
მსგავსი ამბები
რუბრიკის სხვა სიახლეები
;