უგოლო ლონდონური დერბი და არბიტრის გადაწყვეტილებით უკმაყოფილო კონტე [VIDEO]

ინგლისის საფეხბურთო ლიგის თასის (Сarabao Cup) ნახევარფინალური ეტაპის პირველ წრეში ლონდონური დერბი გაიმართა, რომელშიც "ჩელსიმ" "არსენალს" უმასპინძლა. შეხვედრა უგოლოდ დასრულდა.

"არისტოკრატები" მცირე უპირატესობას ფლობდნენ, თუმცა დავიდ ოსპინას  კარის აღება ვერ შეძლეს.

მატჩის შემდეგ "ჩელსის" მთავარი მწვრთნელი, ანტონიო კონტე შეხვედრის მთავარ არბიტრთან, მარტინ ატკინსონთან მივიდა და მისი გადაწყვეტილებები გააპროტესტა. იტალიელი სპეციალისტის აზრით, მატჩის მიწურულს, დენი უელბეკმა სესკ ფაბრეგასის წინააღმდეგ სტუმართა საჯარიმოში იუხეშა, თუმცა მსაჯმა თერთმეტმეტრიანი არ დანიშნა.

განმეორებითი შეხვედრა 25 იანვარს, "მეთოფეთა" საშინაო არენაზე გაიმართება.

შეგახსენებთ, რომ მეორე ნახევარფინალის პირველ მატჩში "მანჩესტერ სიტიმ" "ბრისტოლი" 2:1 დაამარცხა.

 

1199
მკითხველის კომენტარები / 0 /
მსგავსი ამბები
რუბრიკის სხვა სიახლეები