უელსი VS საქართველო – კაკუნი ექვსი ერის კარიბჭეზე

დღეს, 18 ნოემბერს, საქართველოს მორაგბეთა ეროვნული ნაკრები ნოემბრის ტესტ–სერიის მეორე შეხვედრას სტუმრად უელსის ნაკრებთან ჩაატარებს. შეხვედრა კარდიფში, "პრინსიპალიტი სთედიუმზე" თბილისის დროით 18:30 სთ–ზე დაიწყება და მის პირდაპირ ტელეტრანსლაციას ტელეკომპანია "იმედი" წარმოადგენს.

"ბორჯღალოსნები" კარდიფში გასულ უქმეებზე ჩავიდნენ და მატჩისთვის ადგილზე ემზადებოდნენ. ქართველმა მორაგბეებმა თამაშის წინა დღეს ტრადიციული კაპიტნის ვარჯიში გამართეს, გუნდის მთავარმა მწვრთნელმა მილტონ ჰეიგმა კი, მერაბ შარიქაძესთან ერთად, პრესკონფერენციაზე ჟურნალისტების შეკითხვებს უპასუხა.

– ვიდეოობიექტივი: ბორჯღალოსნები უელსში [VIDEO]

– მილტონ ჰეიგი: უელსი, შანსი განვაგრძოთ მსჯელობა 6 ერზემილტონ ჰეიგი: უელსი, შანსი განვაგრძოთ მსჯელობა 6 ერზე

ერთი კვირით ადრე, კანადასთან თბილისში გამართული მატჩის შემდეგ, საქართველოს ნაკრების სასტარტო შემადგენლობა არ შეცვლილა. მხოლოდ სათადარიგოებშია ერთი ცვლილება: განაცხადში ახალბედა გიორგი კვესელაძის ნაცვლად გამოცდილი მერაბ კვირიკაშვილი იქნება. საგულისხმოა, რომ თუ თამაშში ჩაერთვება, "მეკო" ეროვნულ ნაკრებში 107-ე კეპს მოიხვეჭს.

თავის მხრივ, უელსის ნაკრების მთავარმა მწვრთნელმა უორენ გეთლენდმა "წითელი ურჩხულების" შემადგენლობა ავსტრალიასთან მატჩთან შედარებით საგრძნობლად გადაახალისა. ძირითად შემადგენლობაში მან 14 ცვლილება განახორციელა.

შეგახსენებთ, რომ ნოემბრის ტესტების სერია "ბორჯღალოსნებმა" კანადის ძლევით გახსნეს - 54:22, უელსის ნაკრები კი ავსტრალიასთან დამარცხდა – 21:29.

აღსანიშნავია, რომ საქართველოს და უელსის ნაკრებებს ერთმანეთის წინააღმდეგ აქამდე არასდროს უთამაშიათ, მომავალ, 2019 წლის მსოფლიოს თასზე კი ჯგუფში მეტოქეები იქნებიან.

საქართველოს ნაკრები:
15. სოსო მათიაშვილი, 14. გიორგი კოშაძე, 13. დავით კაჭარავა, 12. მერაბ შარიქაძე, 11. მირიან მოდებაძე, 10. ლაშა ხმალაძე, 9. ვასილ ლობჟანიძე. 1. მიხეილ ნარიაშვილი, 2. ჯაბა ბრეგვაძე, 3. ლევან ჩილაჩავა, 4. კონსტანტინე მიქაუტაძე, 5. გიორგი ნემსაძე, 6. ლაშა ლომიძე, 7. ვიქტორ კოლელიშვილი, 8. ბექა ბიწაძე.
სათადარიგოები: 16. შალვა მამუკაშვილი, 17. კარლენ ასიეშვილი, 18. სოსო ბეკოშვილი, 19. გიორგი ჩხაიძე, 20. გიორგი თხილაიშვილი, 21. გიორგი ბეგაძე, 22. რეზო ჯინჭველაშვილი, 23. მერაბ კვირიკაშვილი.

უელსის ნაკრები:
15. ლიამ უილიამსი, 14. ელქს კატბერტი, 13. სკოტ უილიამსი, 12. ოუენ უოტკინი, 11. ჰალემ ამოსი, 10. რის პრისტლენდი, 9; რის ვები, (1-8): 1. ნიკი სმითი, 2. კრისტიან დევისი, 3. ლეონ ბრაუნი, 4. ადამ ბირდი, 5. კორი ჰილი, 6. დენ ლიდიატე, 7. სემ კროსი, 8. სებ დევისი
სათადარიგოები: 16. ელიოტ დი, 17. ვინ ჯოუნსი, 18. ტომას ფრენსისი, 19. ჯოშ ნავიდი, 20. ტაულუპე ფალეტაუ, 21. ალედ დევისი, 22. დენ ბიგარი, 23. ოუენ უილიამსი.

ნოემბრის ტესტები
18 ნოემბერი
იაპონია-ტონგა
ნამიბია-ურუგვაი
ბელგია-ბრაზილია
რუმინეთი-სამოა
იტალია-არგენტინა
ინგლისი-ავსტრალია
ესპანეთი-კანადა
გერმანია-აშშ
შოტლანდია-ახ. ზელანდია
ირლანდია-ფიჯი
საფრანგეთი-ს. აფრიკა.

1489
მკითხველის კომენტარები / 0 /
მსგავსი ამბები
რუბრიკის სხვა სიახლეები
;