უეფამ არგენტინის ნაკრები ერთა ლიგაში სათამაშოდ მიიწვია

"ფოქს სპორტის" ინფორმაციით, არგენტინის საფეხბურთო ასოციაცია, შეიძლება, სამხრეთ ამერიკის კონფედერაციიდან (CONMEBOL) გამოვიდეს, რაც იმას ნიშნავს, რომ არგენტინის ნაკრები ვეღარ მიიღებს მონაწილეობას კონტინენტის ეგიდით გასამართ ტურნირებში.

კონფიდენციალური წყაროს ინფორმაციით, არგენტინის საფეხბურთო ასოციაციამ მიიღო მიწვევა უეფასგან, ითამაშოს ერთა ლიგაში. ეს ყველაფერი მოჰყვა არგენტინის ნაკრების ლიდერის, ლიონელ მესის მიერ გაკეთებულ მკვახე განცხადებებს ბრაზილიასთან წაგებული ნახევარფინალის შემდეგ.

მესის თქმით, ბრაზილიის ნაკრების გამარჯვება დაგეგმილი იყო, ზოგადად კი, ეს ქვეყანა დომინანტია სამხრეთ ამერიკის კონფედერაციაში და ყველანაირი საჩივარი მსაჯობასთან დაკავშირებით აზრს კარგავს. "კორუფცია" - ახსენა მესიმ და ეს ის სიტყვაა, რამაც, შეიძლება, მისი დისკვალიფიკაცია გამოიწვიოს.

ვნახოთ, მიიღებს თუ არა არგენტინის საფეხბურთო ასოციაცია უეფას წინადადებას.

1035
მკითხველის კომენტარები / 0 /
მსგავსი ამბები
რუბრიკის სხვა სიახლეები
;