უთანხმოება... ილიას ზუროსმა გუნდი დატოვა

მოგეხსენებათ, საქართველოს ნაკრების მთავარი მწვრთნელი ილიას ზუროსი სეზონის დასაწყისში ბერძნული "პერისტერის" მთავარ მწვრთნელად დაინიშნა. გავრცელდა ინფორმაცია, რომ 29 ნოემბერს თანამშრომლობა შეწყდა.

ბერძნული კლუბი იუწყება, რომ უთანხმოება წარმოიშვა საქმიან და გუნდის სტრატეგიულ საკითხებში და მხარეებმა ხელშეკრულება ორმხრივი შეთანხმების საფუძველზე გაწყვიტეს. გუნდს სეზონის ბოლომდე ნიკოს პაპანიკოლოპულოსი გაწვრთნის.

არადა, ზუროსი ხელმძღვანელობით "პერისტერი" ურიგოდ არ ასპარეზობდა - საბერძნეთის პირველობაზე 8 ტურის შემდეგ 6 მოგებით მესამე ადგილზეა, ხოლო ევროპის ჩემპიონთა ლიგაზე რვაგუნდიან ჩ ჯგუფში 6 ტურის შემდეგ 3 მოგებით - მეხუთეზე.

2110
მკითხველის კომენტარები / 0 /
მსგავსი ამბები
რუბრიკის სხვა სიახლეები
;