უიმბლდონმაც ხელი დაგვიქნია!.. ორი მსოფლიო ომის შემდეგ უპრესტიჟულესი საჩოგბურთო ტურნირი კორონავირუსსაც დანებდა...

"უიმბლდონი 2020" ამ წლის ბოლო პრესტიჟული ტურნირია, რომელიც პანდემიის გამო ოფიციალურად გადაიდო. 28 ივნისიდან 11 ივლისის ჩათვლით ლონდონის 134-ე "დიდი სლემი" ვერ ჩატარდება, რადგან ამ დროისთვის არ ჩანს იმის პერსპექტივა, რომ ხსენებული პერიოდისთვის საგანგებო მდგომარეობა გაუქმებული იქნება, - ასეთი გადაწყვეტილება მიიღეს ტურნირის ორგანიზატორებმა.

ეს არის მესამე შემთხვევა, როცა უიმბლდონის საჩოგბურთო ტურნირი გადაიდო. ადრე ეს იყო პირველი და მეორე მსოფლიო ომების გამო, ხოლო 1973 წელს ტურნირის ჩატარება კითხვის ნიშნის ქვეშ დადგა 80 ჩოგბურთელის ბოიკოტის (მათ შორის, 13 ჩოგანის 16 განთესილიდან) გამო, რომელიც უკავშირდებოდა ნიკოლა პილიჩის (ექსიუგოსლავიელი, წარმოშობით ხორვატი ჩოგბურთელი, რომელიც საერთაშორისო ფედერაციამ დევისის თასზე უარის გამო დისკვალიფიკაციით დასაჯა) მიმართ სოლიდარობას... 

საინტერესოა ჩოგბურთის ვარსკვლავების რეაქციები. როჯერ ფედერერმა, რომელიც უიმბოლდონზე მე-9 ტიტულს უმიზნებდა, დაწერა, რომ "ძალიან იმედგაცრუებულია" და ვერ მოძებნა შესაბამისი GIF-ი, რომლითაც თავის მდგომარეობას გამოხატავდა...

სერენა უილიამსმა თქვა, რომ შოკშია, ხოლო სიმონა ჰალეპმა სინანულით განაცხადა, რომ ერთი წელი მოუწევს ლოდინი, ვიდრე უიმბლდონზე ერთი წლის წინ მოგებულ ტიტულს დაიცავს... 

185
მკითხველის კომენტარები / 0 /
რუბრიკის სხვა სიახლეები
;