უკვე წარმატებული დღე: იაკობიშვილის კვალად... ოდიკაძეც ნახევარფინალში [VIDEO]

ზურაბ იაკობიშვილი (70 კგ) და ელიზბარ ოდიკაძე (97 კგ) ბუდაპეშტში მიმდინარე მსოფლიოს ჩემპიონატის ნახევარფინალში იჭიდავებენ.


იაკობიშვილმა მეოთხედფინალში რთული ბრძოლა გადაიტანა უზბეკ ნავრუზოვთან, თავიდან აგებდა კიდეც, მაგრამ ბრძოლის დასრულებამდე 25 წამით ადრე ზურგზე დააგდო, ხუთი ქულა დაიმსახურა და საბოლოოდ 6:1 გაიმარჯვა.

ელიზბარ ოდიკაძემ კიდევ უფრო რთული შეხვედრა მოიგო. იგი ბოლო წამებამდე 1:3 მარცხდებოდა აზერბაიჯანელთა ოს წარმომადგენელ არსლანბეკ ალბოროვთან, თუმცა ბოლო წამებზე მოპოვებული 2 ქულიანით 4-3 აჯობა და ნახევარფინალში გავიდა.  მართალია, აზერებმა ჩელენჯი მოითხოვეს, მაგრამ მსაჯებმა გამარჯვება მაინც ქართველს მიანიჭეს.

ორივე ქართველი ფალავანის მეტოქე რუსეთის წარმომადგენლები იქნებიან, იაკობიშვილი მაგომედრასულ გაზიმაგომედოვს ხოლო ოდიკაძე ოლიმპიურ და მსოფლიოს ჩემპიონ აბდულრაშიდ სადულაევს დაეჭიდება.

ნახევარფინალური ბლოკი 18:45 საათიდან დაიწყება. შეხვედრებს "სილქ უნივერსალი" უჩვენებს.

70კგ
ზურაბ იაკობიშვილი (საქართველო) - მაგომედრასულ გაზიმაგომედოვი (რუსეთი)
ანდრე კვიატკოვსკი (უკრაინაი) - ადამ ბატიროვი (ბაჰრეინი)

97 კგ
პავლო ოლინიკი (უნგრეთი) - კაილ სნაიდერი (აშშ)
ელიზბარ ოდიკაძე (საქართველო) - აბდულრაშიდ სადულაევი (რუსეთი)

1188
მკითხველის კომენტარები / 0 /
მსგავსი ამბები
რუბრიკის სხვა სიახლეები
;