ული ჰიონესი: არ მისცეთ თურქეთს, მიეცით გერმანიას!

"ბაიერნის" პრეზიდენტი ული ჰიონესი 2024 წელს ევროპის ჩემპიონატის თურქეთში ჩატარების წინააღმდეგია.

"აბსოლუტურად დარწმუნებული ვარ იმაში, რომ 2024 წელს ევროპის ჩემპიონატის მასპინძლობის უფლებას გერმანია მოიპოვებს. დღევანდელ სიტუაციაში, ევროპირველობის თურქეთისთვის გადაცემა უპასუხისმგებლო საქციელი იქნება უეფას მხრიდან. ზოგადად, თურქეთს, როგორ ქვეყანას, მის ხალხს, არაფერს ვერჩი და ამ კანდიდატურის მიმართ პრინციპული წინააღმდეგობა არ მაქვს, მაგრამ ჩვენ უნდა გავითვალისწინოთ ის ეკონომიკური სიტუაცია, რომელიც დღესდღეობით თურქეთშია. ამ მხრივ კი, გერმანიის შანსები განუზომლად დიდია", - ამბობს ჰიონესი.

უეფა ევრო 2024-ის მასპინძელ ქვეყანას ხუთშაბათს დაასახელებს. კანდიდატი მხოლოდ ორია - თურქეთი და გერმანია.

1561
მკითხველის კომენტარები / 0 /
მსგავსი ამბები
რუბრიკის სხვა სიახლეები
;