უმცროსი ბორჯღალოსნები. საქართველო U20 -- ს.აფრიკა U20 -10:58 - მაგრად გვაჯობეს

საქართველოს ახალგაზრდული ნაკრები მსოფლიოს ჩემპიონატისთვის მზადებას სამხრეთ აფრიკაში განაგრძობს. ჩვენმა გუნდმა გუშინ ოთხთა ტურნირზე პირველი მატჩი გამართა და სამხრეთ აფრიკის 20-წლამდელთა ნაკრებთან 10:58 დამარცხდა.

აღსანიშნავია, რომ სამხრეთი აფრიკა ივნისში არგენტინაში გასამართ მსოფლიოს ახალგაზრდულ ჩემპიონატზე ჯგუფურ ეტაპზე ჩვენი მეტოქეა. მათ გარდა, ჯგუფში ახალი ზელანდია და შოტლანდია გვყავს.

სამხრეთ აფრიკის ახალგაზრდულმა ნაკრებმა ამ მატჩში აშკარად გვაჯობა. განსაკუთრებით კი, სისწრაფესა და რაკში თამაშში. „უმცროსმა ბორჯღალოსნებმა“ მხოლოდ ერთი საჯარიმო ლელო მიითვალეს. ეს ერთადერთი უპირატესობის, შერკინებაში უკეთ თამაშის წყალობით მოხდა. ერთი საჯარიმო კი, მატჩის დასაწყისში, როცა ანგარიში 10:0 იყო, გუნდის კაპიტანმა თედო აბჟანდაძემ მიითვალა.

ცხადია, მარცხი, თანაც ასეთი საწყენია, მაგრამ გუნდი მსოფლიოს ჩემპიონატისთვის მზადების ბოლო ეტაპზე გადავიდა და იმედი გვაქვს, არსებული ხარვეზები, განსაკუთრებით კი, გამძლეობასა და სისწრაფეში აღმოიფხვრება.

მომდევნო შეხვედრას „უმცროსი ბორჯღალოსნები“ არგენტინის 20-წლამდელთა ნაკრებთან გამართავენ, რომელმაც თავის მხრივ ნამიბია XV-ს სძლია დიდი ანგარიშით - 64:8.

საქართველო U20-ს.აფრიკა U20 10:58
საქართველო: 15. თეიმურაზ ჭიჭინაძე (ჯიქი), 14. ზურაბ ქავთარაძე (ხარები), 13. დემურ თაფლაძე (ლელო), 12. ლაშა ლომიძე (აია), 11. ოთარ ლაშხი (ლელო), 10. თედო აბჟანდაძე (აია,), 9. გიორგი მარგალიტაძე (ლელო); 1. გიორგი ახალაძე (მასი), 2. ლუკა ნიორაძე (ჯიქი), 3. ლუკა აზარიაშვილი (მონპელიე), 4. იოანე იაშაღაშვილი (არმაზი), 5. ლუკა გელაშვილი (არმია), 6. ბექა ყორიაული (ლელო), 7. კობა კოლოტაური (ლელო), 8. გიგი ლეშკაშელი (აია).

16. საბა კურატაშვილი (არმაზი), 17. გეგი მურუსიძე (არმაზი), 18. ნიკა ღვალაძე (გრენობლი), 19. ვლადიმერ ჩაჩანიძე (ლელო), 20. იოსებ გუშარაშვილი (ყოჩები), 21. მიხეილ ალანია (არმაზი), 22. ირაკლი სიმსივე (აია), 23. რევაზ ხარაზიშვილი (იუნკერები), 24. ლუკა ჭელიძე (ტულონი), 25. საბა ჯღარკავა (ლელო), 26. კოტე მარჯანიშვილი (არმაზი), 27. დავით გობეჯიშვილი (აია), 28. სანდრო მარგიანი (აკადემია).

13 აპრილი
საქართველო U20-არგენტინა U20

17 აპრილი
საქართველო U20-ნამიბია XV

ყოველდღიური სპორტული გაზეთი "ლელო"
881
მკითხველის კომენტარები / 0 /
მსგავსი ამბები
რუბრიკის სხვა სიახლეები
;