უნაი ემერიმ მსაჯი დაადანაშაულა, - ზიდანი ყველაფრისთვის მზადაა

ჩემპიონთა ლიგის პლეი ოფის პირველი მატჩები ყველამ ნახა და ახლა დეტალებს აღარ ჩავუღრმავდებით.

უმთავრესი თამაში, ფინალსაც რომ დაამშვენებდა, მადრიდში შედგა, სადაც "რეალმა" "პარი სენ-ჟერმენს" უმასპინძლა. მკითხველისთვის საინტერესო უნდა იყოს შეფასებები, რომელიც მწვრთნელებმა გააკეთეს:

ზინედინ ზიდანი (რეალი): "ჩვენ დიდებული გამარჯვება მოვიპოვეთ, მაგრამ ჯერ ყველაფერი წინაა. ძალიან კარგად ვითამაშეთ მას შემდეგ, რაც მოწინააღმდეგე დაწინაურდა.

რონალდო წლების განმავლობაში ჩადის სასწაულებს... ყველაფერი საპასუხო შეხვედრაში გადაწყდება. 90 წუთის განმავლობაში ბევრი ვიმუშავეთ და ვიყავით ზეაგრესიულები, საპასუხო შეხვედრაში კი ყველაფერი შეიძლება მოხდეს".

უნაი ემერი (პსჟ): "არ მინახავს ეს ეპიზოდი, მაგრამ მითხრეს, რომ რამოსმა ხელით ითამაშა საჯარიმოში. ეს არ რის თავის გამართლების ცდა. "რეალი" ფავორიტია, მაგრამ ჩვენ ჩვენსას ვეცდებით.

საშინაო შეხვედრაში უნდა აღვკვეთოთ მეტოქის კონტრშეტევები. მსაჯს რომ სხვანაირად გადაეწყვიტა, შეიძლებოდა, მოგვეგო, ან მატჩი ფრედ დასრულებულიყო".

"ლივერპულმა" პორტუს "დრაგაოზე" ინავარდა და მეოთხედფინალი გაინაღდა. სასწაულები ფეხბურთშიც ხდება, მაგრამ ისეთი ვერ მოხდება, "პორტუს" რომ უშველოს.

იურგენ კლოპი (ლივერპული): "ჩვენ იდეალურად ვითამაშეთ და ეს შედეგი სწორედ ამან განაპირობა. სადიო მანე საუკეთესო იყო. ყველა ფეხბურთელმა ფანტასტიკურად ითამაშა.

რაც მთავარია, საგოლე მომენტები მაქსიმალურად გამოვიყენეთ. მეორე შეხვედრაშიც იმავეს ვეცდებით. ჩვენთვის ეს იყო სეზონის საუკეთესო მატჩი".

ყოველდღიური სპორტული გაზეთი "ლელო"
1219
მკითხველის კომენტარები / 0 /
მსგავსი ამბები
რუბრიკის სხვა სიახლეები
;