უნიკალური ფაქტი საქართველოს ჩემპიონატში: შვილმა კარში... მამა შეცვალა!..

ეროვნულ ლიგა 2-ში უნიკალური ამბავი მოხდა - XXXIV ტურში თბილისის "შევარდენი 1906-მა" "დავით პეტრიაშვილი არენაზე" ქობულეთის "შუქურას" უმასპინძლა და 0:2 დამარცხდა. სტუმრებმა მეორე გოლი 70-ე წუთზე გაიტანეს და რაკი ყველაფერი გარკვეული იყო, 76-ე წუთზე თბილისელთა მთავარმა მწვრთნელმა პაატა მეტრეველმა მეკარე შეცვალა.

ამაში არაფერი უცნაური არ იქნებოდა, რომ არა ერთი ფაქტი - მოედანზე შევიდა დავით სომხიშვილი, რომელმაც კარში მამა - გიორგი სომხიშვილი შეცვალა.

საქართველოს ჩემპიონატში ასეთი ფაქტიც მომხდარა - 1996 წელს გვერდიგვერდ ითამაშეს მამა-შვილმა -  მერაბ და გია მეგრელაძეებმა. ასევე, ერთად უთამაშიათ ოთარ და ლევან კორღალიძეებ.

...დავუბრუნდეთ სომხიშვილებს. დავითი 17 წლის 10 დეკემბერს გახდება. ის "საბურთალოს" სკოლის აღზრდილია, "შევარდენში" კი 2019 წელს გადავიდა. გიორგი სომხიშვილი კი 38 წლისაა - ქართულ ფეხბურთში მრავლისმნახველი მეკარე. ასაკობრივი ნაკრებების კარსაც იცავდა და არა ერთ წამყვან კლუბშიც უთამაშია. იყო საქართველოს თასის ფინალისტი (2013, 2014), სუპერთასის გამარჯვებული (2014) და მისი მონაწილეც (2010). მამასაც და შვილსაცამაზ ოდიკაძე ავარჯიშებს.

ცნობისთვის - გიორგი სომხიშვილის დის შვილი საქართველოს ნაკრებისა და ჰოლანდიური "ტვენტეს" საყრდენი ნახევარმცველი გიორგი აბურჯანია.

6014
მკითხველის კომენტარები / 2 /
ბაგა
0
სულ ესენი ყოფილან ვაი
ოთარი
0
ბრავო....
მსგავსი ამბები
რუბრიკის სხვა სიახლეები
;