უჩა ლობჟანიძე ლოკომოტივში ჩაირიცხა

თბილისის "ლოკომოტივს" კიდევ ერთი ახალწვეული ჰყავს – ამიერიდან გუნდში უჩა ლობჟანიძე ითამაშებს. ინფორმაციას "ლოკომოტივის" ოფიციალური ვებ-გვერდი ავრცელებს.

31 წლის მცველმა თბილისურ კლუბთან გუშინ კონტრაქტი 2018 წლის ბოლომდე გააფორმა და "ლოკომოტივში" 22-ნომრიანი მაისურით ითამაშებს.
საქართველოს ეროვნული ნაკრების მცველმა ჩემპიონატი"სამტრედიაში" დაიწყო, სადაც წლეულს ჩაირიცხა, მაგრამ გუნდი ერთ თვეში გიორგი განუგრავასთან დატოვა.

მანამდე კი რამდენიმე კლუბში გამოდიოდა - თბილისის "დინამოში", "ზესტაფონში", კვიპროსულ "ომონიაში", უკრაინულ "დნიპროსა" და "კრივბასში", ბათუმის "დინამოში", ხოლო 2017 წელი ყაზახურ "ატირაუში" დაასრულა. საქართველოს ნაკრებში 53 მატჩში 1 გოლი გაიტანა.

1215
მკითხველის კომენტარები / 0 /
მსგავსი ამბები
რუბრიკის სხვა სიახლეები
;