ფაბრეგასმა 'მილანი' გადაწყვიტა

გადაწყვეტილი ამბავია: სეზონის დასრულების შემდეგ სესკ ფაბრეგასი "მილანში" გადავა.

ტრანსფერი თითქოს იანვარში უნდა შემდგარიყო, მაგრამ "ჩელსიმ" პრინციპული პოზიცია დაიჭირა. მიზეზი მარტივია: "არისტოკრატები" პრემიერლიგაში მაღალ მიზნებს ეჭიდებიან. შესაბამისად, არავინ იცის, როდის დასჭირდებათ მათ კლასი 31 წლის ესპანელი ოსტატისა, რომელიც მიმდინარე სეზონში თითქმის სულ სათადარიგოთა სკამზე ზის.

და რატომ არ ათამაშებს სესკს სარი? იტალიელს მოსწონს ის, მაგრამ მის პოზიციაზე ჰყავს ჟორჟინიო - იტალო-ბრაზილიელი, რომელიც სარის უსაყვარლეს ფეხბურთელად ითვლება ჯერ კიდევ "ნაპოლიში" მათი თანამშრომლობის დროიდან.

რა თქმა უნდა, ამბიციურ ფაბრეგასს ისეთ კლუბში სურს თამაში, სადაც სისტემატური სათამაშო პრაქტიკა ექნება.

ყოველდღიური სპორტული გაზეთი "ლელო"
507
მკითხველის კომენტარები / 0 /
მსგავსი ამბები
რუბრიკის სხვა სიახლეები