ფანების რჩეული კვირკველია - 'შენ ჩვენი დაცვის ფოლადი ხარ'

მოსკოვის "ლოკომოტივის" გულშემატკივართა გამოკითხვის შედეგად ცნობილი გახდა, რომ მათი რჩეული საბა კვირკველიაა.

ქომაგებმა რუსეთის ჩემპიონს გუშინ შეხვედრა მოუწყვეს. სწორედ აქ გადასცეს საქართველოს ნაკრების მცველს ფანების მიერ "ლოკომოტივის" საუკეთესო მოთამაშისთვის დაწესებული სიმბოლური პრიზი - "ფოლადის რელსები".

კვირკველიამ გულშემატკივართა გამოკითხვაში აბსოლუტური უმრავლესობით გაიმარჯვა. 26 წლის ქართველს პრიზი (სხვათა შორის, თავიანთი ხარჯებით დამზადებული) ფანკლუბის წარმომადგენლებმა გადასცეს.

გასულ სეზონში კვირკველიამ "ლოკომოტივში" 29 მატჩი ჩაატარა, 2 გოლი გაიტანა და რუსეთის რეკორდი დაამყარა - პრემიერლიგის სიმბოლურ ნაკრებში 14-ჯერ მოხვდა. ის წლის რჩეულთა შორის და მთლად ტოპხუთეულშიც დაასახელეს.

ყოველდღიური სპორტული გაზეთი "ლელო"
808
მკითხველის კომენტარები / 1 /
ქუთაისელი
0
სასიამოვნოა, მარა ნუ წამოეგები იაფფასიან ფოლადის საჩუქრებს საბა. ბევრი ფეხბურთელი შეიწირა მაქაურმა სტილმა და კლიმატმა და დაახვიე მაქედან სანამ დროაა.
მსგავსი ამბები
რუბრიკის სხვა სიახლეები
;