[ფარიკაობა]. ქალები ბარსელონაში, კადეტები კრაკოვში

ესპანურ ბარსელონაში დამთავრდა დაშნით მოფარიკავე ქალთა მსოფლიოს თასის გათამაშება. ინდივიდუალურ შეჯიბრებაში 275 მანდილოსანი იბრძოდა საპრიზო ადგილებისთვის, მათ შორის - ორი საქართველოდან.

ჯგუფში შესანიშნავად იასპარეზა მაია გუჩმაზოვამ, რომელმაც ექვსიდან ხუთ მეტოქეს სძლია და მხოლოდ ერთი პაექრობა წააგო რუს გუდკოვასთან. მერე პლეი ოფში ერთი მოწინააღმდეგე ჩამოიშირა გზიდან, რაც მხოლოდ 74-ე ადგილისთვის აღმოჩნდა საკმარისი.

  1. მაია გუჩმაზოვა, ჯგუფში - კსენია პანტელეევა (უკრაინა, 5:3), მარტინა სვატოვსკა (პოლონეთი, 5:4), ნიკოლ ლიქსანდრუ (ესპანეთი, 5:4), კერილ დე იონგი (ჰოლანდია, 5:3), ტატიანა გუდკოვა (რუსეთი, 2:5), ვიკტორია ან ქსიუ იან ლიმი (სინგაპური, 5:1). პლეი ოფი. სოფი ენგდალი (შვედეთი) 15:13, სიჰან იუ (ჩინეთი) 11:15.
  2. ვალერია დვინინა, ჯგუფში - დიან გუ (ავსტრალია, 5:1), პაულა ზუხასტი (ესპანეთი, 5:3), ვიოლეტა ხრაპინა (რუსეთი, 2:5), ელოის ვანრისე (საფრანგეთი, 4:5), იანა შემიაკინა (უკრაინა, 0:5), მიხაელა პეჩოვოვა (ჩეხეთი, 4:5). პლეი ოფი. ანალია ფერნანდესი (ჩილე) 15:11, პაულინა ვილაშჩეკი (პოლონეთი) 11:13.

კვარცხლბეკი: 1. კატრინა ლეხისი (ესტონეთი), 2. ალექსანდრა ლოუს მარი (საფრანგეთი), 3. ტატიანა გუდკოვა (რუსეთი), იონგ მი ქანგი (კორეა).

პოლონურმა კრაკოვმა დაშნაში კადეტთა მსოფლიოს თასს უმასპინძლა. ქართველმა ლუკა კაჭარავამ (მწვრთნელი დავით არველაძე, მსაჯი ლაშა ლოლუა) ჯგუფური ორთაბრძოლები ასე დაასრულა: დომინიკ კვაშნიკი (პოლონეთი, 5:2), ჯოშუა მიჩელი (დიდი ბრიტანეთი, 5:1), მაქსიმ ჟეგუროვი (ესტონეთი, 5:2), ბართოშ კიტლინსკი (პოლონეთი, 4:5), სებასტიან სტირბერი (ჩეხეთი, 5:1), იაკობ გერბერი (შვეიცარია, 4:5). პლეი ოფის პირველ წრეში ვინს ფოგელს (გერმანია) აჯობა -15:9, ხოლო 32 საუკეთესოში შესასვლელი შეხვედრა ჰალ ჯონსთან (დიდი ბრიტანეთი) 11:15 წააგო და ასპარეზობას გამოეთიშა.

491
მკითხველის კომენტარები / 0 /
მსგავსი ამბები
რუბრიკის სხვა სიახლეები
;