ფენერბაჰჩემ ბარსელონა დაამარცხა

ევროლიგის მე-20 ტურის შეხვედრაში ტურნირის მოქმედმა ჩემპიონმა, სტამბოლის "ფენერბაჰჩემ" "ბარსელონას" უმასპინძლა და 86:82 დაამარცხა.

თურქული კლუბის რიგებში ყველაზე შედეგიანი ბრედ უონამეიქერი გამოდგა, რომელმაც გუნდს 24 ქულა, 5 მოხსნა და 7 შედეგიანი გადაცემა მოუტანა, იტალიელმა ნიკოლო მელიმ კი 23 ქულა და 4 მოხსნა მოაგროვა.

"ბარსელონას" ტომას ერტელმა ულიდერა. ფრანგი პლეიმეიკერის ანგარიშზე 21 ქულა და 5 პასია, ანტე ტომიჩმა კი 20 ქულა და 7 მოხსნა გაიფორმა.

"ფენერბაჰჩე" მე-2 ადგილზეა, "ბარსელონა" კი მე-12 პოზიციას იკავებს.

დღეს ევროლიგაში კიდე 2 შეხვედრა გაიმართა: მოსკოვის "ცსკამ" "ბამბერგი" 82:71 დაამარცხა, "ცრვენა ზვეზდამ" კი "ოლიმპიაკოსს"  89:78 სძლია.

1239
მკითხველის კომენტარები / 0 /
მსგავსი ამბები
რუბრიკის სხვა სიახლეები
;