'ფეხბურთის პროფესორი' რიგაში. ფილმი ალექსანდრე ჩივაძეზე

15 ოქტომბერს, რიგაში, "დაუგავას" სტადიონის საკონფერენციო დარბაზში, ცნობილი ქართველი კინორეჟისორის, საერთაშორისო კინოფესტივალების ლაურეატის გოგი თორაძის ფილმის "ფეხბურთის პროფესორის" საჯარო ჩვენება გაიმართა, რომელიც მიეძღვნა ლეგენდარულ ფეხბურთელს, ალექსანდრე ჩივაძეს.

ფილმში, უნიკალურ საარქივო ფოტო და კინომასალაზე დაყრდნობით, გადმოცემულია ჩივაძის კარიერა და ცხოვრება. მასზე აზრს გამოთქვამენ ფეხბურთის ლეგენდები - მურთაზ ხურცილავა, ფრანც ბეკენბაუერი, ბობი ჩარლტონი, კარლოს ალბერტო, კარლ-ჰაინც რუმენიგე და სხვები. ფილმი გადაღებულია 2015-2016 წლებში და მიეძღვნა ჩივაძის 60 წლის იუბილეს.

ფილმის ჩვენების ორგანიზატორები იყვნენ საქართველოს სპორტულ ჟურნალისტთა ასოციაციის ვიცე-პრეზიდენტი თენგიზ პაჭკორია, ლატვიის ფეხბურთის ფედერაცია (კურატორი ვიქტორს სოპირინსი) საქართველოს ფეხბურთის ფედერაციის მხარდაჭერით.

ფილმის საჯარო ჩვენებას დაესწრნენ ლატვიელი ჟურნალისტები, ფეხბურთის ვეტერანები, ორივე ქვეყნის ფედერაციების წარმომადგენლები, ლატვიაში საქართველოს საელჩოს თანამშრომლები.

რიგა. 15 ოქტომბერი. ფილმის ჩვენების ორგანიზატორი თენგიზ პაჭკორია (ცენტრში) პრეტენტაციის შემდეგ

4284
მკითხველის კომენტარები / 0 /
მსგავსი ამბები
რუბრიკის სხვა სიახლეები
;