ფიბას თასი: დინამო კლუჟთან დამარცხდა

საქართველოს საკალათბურთო ჩემპიონმა "დინამომ" ფიბას თასზე მეორე მატჩი გამართა. მისი მეტოქე რუმინული "კლუჟი" იყო, რომელიც სპეციალისტებმა წინასწარ შერაცხეს ჯგუფის ფავორიტად.

ტრანსილვანიელებმა პირველივე ტაიმში გაამართლეს სტატუსი და დიდ შესვენებაზე 29-ქულიანი უპირატესოით გავიდნენ. მეორე ნახევარში დინამოელებმა თამაში გამოასწორეს, მეოთხე რაუნდში სხვაობა 14 ქულამდეც შეამცირეს და ღირსეული ანგარიშითაც დამარცხდნენ - 87:73.

საინტერესოა, რომ მე-14 წუთისთვის "კლუჟის" ერთაშად 10 კალათბურთელს ჰქონდა მინიმუმ 2 ქულა ჩაგდებული. ეს ჩვენი მეტოქის გუნდურობაზე მეტყველებს. საბოლოოდ კი სტუმართა ბომბარდირი ამერიკელი ლეგიონერი ჯორდან უოტსონი გახდა, რომელმაც 14 ქულა ჩააგდო. მატჩის სნაიპერობა კი "დინამოს" მეფარე კაელ ტურპინმა იკისრა - 18 ქულა.

608
მკითხველის კომენტარები / 0 /
მსგავსი ამბები
რუბრიკის სხვა სიახლეები