ფიგურული ციგურაობა. კაზაკოვასა და რევიას ვერცხლი ოსტრავადან

წლეულს იუნიორთა შორის გრან პრის სერიამ, რომელიც შვიდ ეტაპად გაიმართება, სტარტი 20 აგვისტოდან აიღო. სერიის სხვადასხვა ეტაპებზე იასპარეზებენ ქართველი მოციგურავე წყვილი მარია კაზაკოვა და გიორგი რევია, ერთეულებში ირაკლი მაისურაძე, ანადეა გულბიანი-შმიდტი და ალინა ურუშაძე.

ქართველი მოციგურავეები გრან პრის მეხუთე ეტაპიდან ჩაერთვნენ ასპარეზობაში, რომელიც 26 სექტემბრიდან 29 სექტემბრის ჩათვლით ჩეხეთის ქალაქ ოსტრავაში გაიმართა. ტურნირის პირველი მედლები გაითამაშეს მოცეკვავე წყვილებმა. ამ სეგმენტში მონაწილეობდა 15 ქვეყნის 18 მოცეკვავე წყვილი, რომლებმაც წარმოადგინეს თავიანთი ახალ რითმული ცეკვა და თავისუფალი პროგრამა.

ფავორიტები მარია კაზაკოვასა და გიორგი რევიას წყვილთან ერთად იყვნენ მოცეკვავე წყვილები რუსეთიდან, ამერიკიდან და კანადიდან. ქართულმა მოციგურავე წყვილმა საკმაოდ საინტეერსო და ტექნიკურად დატვირთული რითმული და თავისუფალი პროგრამები წარმოადგინეს და ჯამში 154,17 ქულით მეორე ადგილი დაიკავეს. ამასთან აღსანიშნავია, რომ ქართველმა მოციგურავე წყვილმა თავისუფალ პროგრამაში ტექნიკური ელემენტების ნაწილში ყველაზე მაღალი 50.08 ქულა მიიღო. აქ პირველი ადგილი რუსებს ელიზავეტა ხუდაიბერდიევასა და ნიკიტა ნაზაროვის წყვილმა დაიკავა.

მარია კაზაკოვა და გიორგი რევიამ ერთიან რეიტინგულ სიაში 13 ქულა დაიმსახურა და 10-13 ოქტომბერს სომხეთის დედაქალაქ ერევანში გრან პრის სერიის ბოლო, მეშვიდე ეტაპზე იასპარზებენ. აქ გაირკვევა გრან პრის ფინალური ეტაპის საგზურების მფლობელთა ვინაობა. ქართულ მოცეკვავე წყვილს საკმაოდ სერიოზული შანსი აქვს პირველად ისტორიაში იასპარეზოს გრან რის ფინალურ ეტაპზე, რომელიც დეკემბრის დასაწყისში კანადის ქალაქ ვანკუვერში გაიმართება.

ოსტრავაში ვაჟთა ერთეულთა თანრიგში იასპარეზა ირაკლი მაისურაძემ, რომელმაც ორი ვარჯიშის ჯამში 183,46 ქულა მიიღო და მე-7 ადგილს დასჯერდა. პირველობა კი, რუსმა ანდრეი მოზალიოვმა არავის დაუთმო.

503
მკითხველის კომენტარები / 0 /
მსგავსი ამბები
რუბრიკის სხვა სიახლეები