ფიგურული ციგურაობა. ყვითელაშვილის მეოთხე ადგილი სტარტზე

ფიგურულ ცოგურაობაში ახალი სეზონი დაიწყო. პირველი შეჯიბრება, რომელშიც ქართველმა მოციგურევე მორის ყვითელაშვილმა ისაპარეზა სლოვაკეთის დედაქალაქ ბრატისლავაში გამართული საერთაშორისო ტურნირი "ონდრეი ნეპელა ტროფი" იყო.

ჩვენმა მოციგურავემ ორი ვარჯიშის ჯამში 221, 63 ქულა დააგროვა და მე-4 ადგილი დაიკავა. აღსანიშნავია, რომ თავისუფალ პროგრამაში მან 145,15 ქულა დაიმსახურა და მე-3 იყო. მოკლე პროგრამით კი, 76,49 ქულით მე-4 ადგილზე გახლდათ.

ყვითელაშვილმა უკან მოიტოვა საკმაოდ ძლიერი მეტოქეები რუსეთიდან, ისრაელიდან, აშშ-დან და ჩეხეთიდან. იაპონელ კეიჯი ტანაკას კი, მხოლოდ 0,29 ქულით ჩამორჩა.

საბოლოო მდგომარეობა
1. მიხაილ კოლიადა (რუსეთი) - 274,37 ქულა. 2. სერგეი ვორონოვი (რუსეთი) - 239,73 3. კეიჯი ტანაკა (იაპონია) - 221,92 4. მორის ყვითელაშვილი (საქართველო) - 221,63 5. ალექსანდრ სამარინი (რუსეთი) - 215,69.

168
მკითხველის კომენტარები / 0 /
მსგავსი ამბები
რუბრიკის სხვა სიახლეები