ფიდეს გრან პრიზე მხოლოდ ძაგნიძე ითამაშებს 

ფიდემ გამოაქვეყნა სია იმ მოჭადრაკე ქალებისა, რომლებიც 2019-2020 წლებში ფიდეს გრან პრიში ითამაშებენ. ქართველთაგან მხოლოდ ევროპის ექსჩემპიონი ნანა ძაგნიძე (2511) იბრძოლებს მთავარი პრიზისთვის. ქართველის მეტოქეები იქნებიან:

ჰარიკა დრონავალი (ინდოეთი, 2492), პრეტენტენტთა აღორძინებული ტურნირის გამარჯვებული ალექსანდრა გორიაჩკინა (რუსეთი, 2564), მსოფლიოს და ევროპის ექსჩემპიონი ალექსანდრა კოსტენიუკი (რუსეთი, 2517), ევროპის ორგზის ჩემპიონი პია კრამლინგი (შვედეთი, 2479), ჰამპი კონერუ (ინდოეთი, 2558), ევროპის სამგზის ჩემპიონი ვალენტინა გუნინა (რუსეთი, 2497), ევროპის ორგზის ჩემპიონი კატერინა ლაგნო (რუსეთი, 2549), ელიზაბეტ პეტცი (გერმანია, 2473), მსოფლიოს ჩემპიონი ცზიუ ვენძიუნი (ჩინეთი, 2595), მსოფლიოს და ევროპის ექსჩემპიონი ანტოანეტა სტეფანოვა (ბულგარეთი, 2474), ალინა კაშლინსკაია (რუსეთი, 2492), მარი სებაგი (საფრანგეთი, 2451), ანა მუზიჩუკი (უკრაინა, 2547), მსოფლიოს ექსჩემპიონი მარია მუზიჩუკი (უკრაინა, 2551), ჩჟაო სიუე (ჩინეთი, 2485).

შეჯიბრება ოთხ ეტაპად გაიმართება: 2019 წლის 10-23 სექტემბერსა (სკოლკოვო, რუსეთი) და 2-15 დეკემბერს (მონაკო), ხოლო 2020 წლის 1-14 მარტსა (ლოზანა, შვეიცარია) და 2-15 მაისს (სარდინია, იტალია). თითოეული მოჭადრაკე სამ-სამ ეტაპში იასპარეზებს. 

ყოველდღიური სპორტული გაზეთი "ლელო"
379
მკითხველის კომენტარები / 0 /
მსგავსი ამბები
რუბრიკის სხვა სიახლეები
;