ფინალი, რომელსაც ველოდით: პეტრიაშვილი VS ხინჩეგაშვილი [VIDEO]

კლუბი "ჰარიანა ჰამერს", რომლის ღირსებას ლადო ხინჩეგაშვილი (57 კგ) იცავს ინდოეთის საკლუბო ლიგის ფინალშია და ხვალ გადამწყვეტ შეხვედრაში შეხვდება "პანჯაბი როიალსს" ანუ კლუბს, რომელშიც გენო პეტრიაშვილი ასპარეზეობს!

გორელი მოჭიდავეების ინდოეთის საკლუბო ლიგის ფინალში გასვლის ალბათობაზე გუშინ გაუწყებდით, როდესაც გენომ და მისმა თანაგუნდელებმა "ვეერ მარათას" სძლიეს.

დღეს ლადოს "ჰამერსმა" კიდევ უფრო ძლიერი უშუალო მეტოქე "დანგალი" დაამარცხა. ეს უკანასკნელი წინასწარი ეტაპის უმეტესხანს სატურნირო ცხრილს ლიდერობდა, მაგრამ ბოლო ტურში წააგო გენო პეტრიაშვილის კლუბთან, აგერ ახლა კი პლეიოფში ლადო ხინჩეგაშვილის კლუბთანაც ვეღარაფერი გააწყო.
"ჰამერსის" და "დანგალის" პრინციპული დაპირისპირება 5:4 დასრულდა.

ლადო ხინჩეგაშვილმა კი პირადი შეხვედრა ნითინ რათჰის მოუგო. მათ პაექრობაში პირველ პერიოდში უპირატესობა არცერთს ჰქონია და შესვენებისას ტაბლოზე 1:1 ენთო, მეორეში კი ლადომ იძალა და აღნიშნული მონაკვეთი 5:2 მოიგო, საერთო ანგარიში კი 6:3 დააფიქსირა.

ასე, რომ 26 იანვარს ინდოეთის ლიგის ფინალში ლადო და გენო სხვადასხვა მხარეს იდგებიან - "ჰარიანა ჰამერსიდან" 57 კგ-ში ხინჩეგაშვილი იასპარეზებს, "პენჯაბ როიალსი" 125 კგ-ში გენო პეტრიაშვილის იმედზე იქნება.

ყოველდღიური სპორტული გაზეთი "ლელო"
2406
მკითხველის კომენტარები / 0 /
მსგავსი ამბები
რუბრიკის სხვა სიახლეები
;