ეს არის სიმდაბლე, რომლის ქვევით დაშვებაც შეუძლებელია! - ფიფა-ს ექს-ვიცეპრეზიდენტი კოლოსკოვი ქართული გუნდების ანტირუსულ ბანერებს გამოეხმაურა

ყველაფერი ახალი კარგად დავიწყებული ძველია. ამ სიტყვების ჭეშმარიტებაში კიდევ ერთხელ დავრწმუნდით, როდესაც საქართველოს დაცვის სურვილსა და სიყვარულს რუსული მედია ანტირუსულ ქმედებას უწოდებს.

ეროვნული ლიგის მე-19 ტურში გუნდები გამოვიდნენ მაისურებით, სადაც საქართველო იყო გამოსახული და ეწერა - "მახსოვს, რომ საქართველოს 20 პროცენტი ოკუპირებულია".

გურამ კაშია ქვეყანაში მიმდინარე მოვლენებს გამოეხმაურა: რუსეთს საქართველოს 20% აქვს ოკუპირებული!

ამ ფაქტის გამო, ცნობილია, რომ 21 ივნისს კი რუსეთის პრეზიდენტმა ხელი მოაწერა ბრძანებას, რომლის თანახმადაც 8 ივლისიდან რუსეთსა და საქართველოს შორის ავიარეისები შეჩერდა. რუსულ მედიაშიც ნამდვილი ისტერია ატყდა, მომხდარს რუსულმა გამოცემამ, "სპორტ-ექსპრესმა" წერილი მიუძღვნა.

"საქართველოს კლუბების ფეხბურთელები მატჩებზე ანტირუსული ლოზუნგებით გავიდნენ. როგორ დაიწყო ეს? 20 ივნისს კონფლიქტი მოხდა რუსეთის სახელმწიფო დუმის დეპუტატისა და მართლმადიდებლობის საპარლამენტო ასამბლეის პრეზიდენტ სერგეი გავრილოვსა და საქართველოს პარლამენტის წევრების მონაწილეობით. გავრილოვი საქართველოს პარლამენტის თავმჯდომარის სკამზე იჯდა, რამაც რიგი პოლიტიკური პარტიების წარმომადგენელთა უკმაყოფილება გამოიწვია. ამის შემდეგ ქვეყანაში დემონსტრაციები დაიწყო. 21 ივნისს კი (რუსეთის პრეზიდენტის მიერ) ხელი მოეწერა ბრძანებას, რომლის თანახმადაც 8 ივლისიდან რუსეთსა და საქართველოს შორის სამგზავრო რეისები შეჩერდა. საქართველოს ეროვნულ ჩემპიონატის მე-19 ტურის რამდენიმე ქართული კლუბის ფეხბურთელები მოედანზე გავიდნენ მაისურებით, სადაც ანტირუსული ლოზუნგები იყო. ქუთაისის "ტორპედოს" მოთამაშეები წყალტუბოში 26 მაისის სახელობის სტადიონზე მოედანზე გამოჩნდნენ შავი მაისურებით, სადაც იყო წარწერა, ამტკიცებდნენ, რომ რუსეთს საქართველოს ტერიტორიის ნაწილი აქვს ოკუპირებული. ასეთივცე მაისურებით გავიდნენ მოედანზე "რუსთავის" და თბილისის "ლოკომოტივის" ფეხბურთელები" - წერს "სპორტ-ექსპერესი".

აქვე ვიტყვით, რომ ანტისაოკუპაციო აქციას ეროვნული ლიგის ყველა გუნდი შეუერთდა და არა მხოლოდ 4 გუნდი, როგორც ამას რუსული მედია ამტკიცებს.

რა უთხრა ინდიანაში ჩასულმა გოგა ბითაძემ ამერიკელებს რუსეთის ოკუპაციაზე?

რუსული მედიისთვის განსაკუთრებით მტკივნეული ის აღმოჩნდა, რომ ანტისაოკუპაციო მაისურებით იყვნენ "ტორპედოს" მოთამაშეები, რომლებიც რუსეთის მოქალაქეები არიან - ნოდარ ქავთარაძე და ვახტანგ ნებიერიძე.
ბებერმა ოღრაშმა, რუსეთის საფეხბურთო კავშირის ყოფილმა პრეზიდენტმა და ფიფას ექს-ვიცე-პრეზიდენტმა, ვიაჩესლავ კოლოსკოვმა მომხდარზე კომენტარი ჩვეული დერჟავნიკული ტონით გააკეთა.

"მე ამ ყველაფრის მიმართ უარყოფითი დამოკიდებულება მაქვს. სამწუხაროდ, საყოველთაო ვაკჰანალია ოდესღაც ჩვენს ახლო მეგობრებსაც გადაედოთ. დარწმუნებული ვარ, რომ მეგობრები ჯერ კიდევ არიან, განსაკუთრებით იმ თაობაში, რომელიც მე მოვესწარი. გვარები მე არ დავასახელებ, მაგრამ დროდადრო იქიდან მირეკავენ და ჩემი ჯანმრთელობით ინტერესდებიან, ზოგჯერ მთხოვენ, რათა სამუშაოს მოძებნაში დავეხმარო. ჩვეულებრივი კონტაქტი მაქვს ფეხბურთელებთან, რომლებიც 50-55 წლის არიან. ადამაინურად გულნატკენი ვარ, როდესაც ეს შევიტყვე. ძალიან ცუდია, რაც ამ ახალგაზრდებმა ეს გააკეთეს ფეხბურთზე, რომელიც ხალხს უნდა აერთიანებდეს. სინამდვილეში, ფეხბურთი რუსოფობიური ისტერიის გამწვავების საშუალებად გამოიყენეს. მე ვფიქრობ, რომ კარგი იქნება, თუ ამაზე როგორღაც რეაგირებას მოახდენს საქართველოს ხელისუფლება, ქვეყნის ფეხბურთის ფედერაცია და, რა თქმა უნდა, ასევე, უეფა და ფიფა. ეს არის რაღაც სიმდაბლე, რომლის ქვევით დაშვებაც შეუძლებელია. ამაზე ლაპარაკი სინანულით გვიწევს, მაგრამ რას ვიზამთ. სამწუხაროდ, ჩვენ ვერანაირ ზომებს ვერ მივიღებთ და მხოლოდ ის დაგვრჩენია, რომ მათ გონიერებისკენ მოვუწოდოთ" - კოლოსკოვის სიტყვები "სპორტ-ექსპრესის" ჟურნალისტს, არმან მკრტიჩიანს მოჰყავს.

დიახ, მეგობრებო, თურმე, უარი ვთქვათ ოკუპირებულ მიწებსა და რუსებთან პრეტენზიებზე და უაღრესად გონიერები ვიქნებით. საოცარი ლოგიკაა. საქართველოს ფეხბურთის ფედერაციამ რეაგირება მოახდინა და გუნდების პოზიცია გაიზიარა.

"ქვეყნის 20 % ოკუპირებულია! საქართველოს ჩემპიონატის სხვადასხვა მატჩებზე გულშემატკივრების მიერ გამოფენილი ბანერები და გზავნილები" - წერია პოსტში, რომელიც ფეხბურთის ფედერაციამ ფეისბუქ-გვერდზე გამოქვეყნა.

ყოველდღიური სპორტული გაზეთი "ლელო"
14264
მკითხველის კომენტარები / 9 /
ალექსი
0
რა არის ანტირუსული აქ, რა არის რუსეთის საწინააღმდეგო?
ფიფა დიდი ხანია მიეჩვია რუსული ფულებით გულაობას და იმას ვეღარ ხვდებიან ულაპარაკოს რო ალაპარაკებენ უკვე
ტოტო
0
ეს ბრიყვი ამ წერილებს ვერ წაიკითხავს,მაგრამ სიმდაბლეზე ლაპარაკი მისი ქვეყნის საქციელიდან გამომდინარე, ჩვენს მიმართ მართლა სიმდაბლეა...
მსგავსი ამბები
რუბრიკის სხვა სიახლეები
;