ფრანგები ესპანურ გრანდებში: გრიზმანი და ბარსა, მენდი და რეალი დადასტურებულია

"ატლეტიკოს" გენერალურმა დირექტორმა მიგელ ანხელ ხილ მარინმა დაადასტურა, რომ ანტუან გრიზმანი "ბარსელონაში" გადადის.

"ჩემთვის ჯერ კიდევ მარტიდან არის ცნობილი, თუ სად გააგრძელებს კარიერას გრიზმანი. რა თქმა უნდა, ის "ბარსელონას" ფეხბურთელი გახდება", - ამბობს "როხიბლანკოს" მაღალჩინოსანი "სპორტთან" ინტერვიუში.

28 წლის გრიზმანის მადრიდული კონტრაქტი 2023 წლის ივნისის ბოლომდეა გაფორმებული. ამ წლის 1 ივლისიდიან კი მისი გამოსასყიდი თანხა 200 მილიონიდან 120 მილიონ ევრომდე დაიწევს.

საფრანგეთის ნაკრების კიდევ ერთი ფეხბურთელი, რომელიც კარიერას ესპანურ გრანდში გააგრძელებს, ფერლან მენდი გახლავთ. 24 წლის მარცხენა მცველი "რეალმა" 48 მილიონ ევროდ გადაიბირა. ამ ინფორმაციას ადასტურებს "ლიონი", სადაც მენდი 2017 წლიდან თამაშობდა. მაშინ ის "ჰავრიდან" სულ რაღაც 5 მილიონ ევროდ იყიდეს.

ყოველდღიური სპორტული გაზეთი "ლელო"
740
მკითხველის კომენტარები / 0 /
მსგავსი ამბები
რუბრიკის სხვა სიახლეები
;