[ფული და ფეხბურთი] ევროპის ორი ჩემპიონი, მუნდიალის მონაწილეები... როგორ გაიზარდა საქართველოს ეროვნული ლიგის ფასი!..

  • სამუელ ინკუმი, სანდრო კობახიძე, გოდფრი ობოაბონა, რეინალდო. ცენტრში: გიორგი ჭანტურია

საქართველოს ეროვნულ ლიგის გუნდებში ბოლო ერთი თვის განმავლობაში საკმაოდ ბევრი ცვლილება მოხდა, რომელიც, იმედია, ჩვენი ლიგის დონესა და მის მიმართ გულშემატკივრების დაინტერესებაზე პოზიტიურ გავლენას მოახდენს...

საქართველოში დაბრუნდა ეროვნულ ნაკრებში ნათამაშები რამდენიმე მოთამაშე - სანდრო კობახიძე თბილისის "ლოკომოტივში" ითამაშებს, გიორგი ჭანტურია - "საბურთალოში", მათე ცინცაძე - ბათუმის "დინამოში", ხოლო ირაკლი ძარია - ქუთაისის "ტორპედოში".

არიან ლეგიონერები, რომელთაც საკმაოდ ძლიერ ნაკრებებში მსოფლიოს ჩემპიონატზეც უთამაშიათ. ვგულისხმობთ "სამტრედიას" განელ მოთამაშე სამუელ ინკუმსა და ბათუმის "დინამოს" ნიგერიელ მცველ გოდფრი ობოაბონას. ჩემპიონთა ლიგაში უთამაშია ბათუმელთა კიდევ ერთ ახალწვეულს, ბრაზილიელ რეინალდოს, ხოლო 2 ლეგიონერი სულაც ევროპის ჩემპიონია - "საბურთალოს" ახალწვეული ჟეროენ ლუმუ, რომელმაც ჰოლანდიის 17-წლამდელთა ნაკრებთან ერთად მოიგო (და ნახევარფინალში საქართველოს წინააღმდეგაც ითამაშა) ჭაბუკთა ევროპირველობა, ხოლო იგორ ლევჩენკომ - უკრაინის 19-წლამდელებში.

დაახლოებით ათამდე მოთამაშეა, რომელთაც თავიანთ ეროვნულ ნაკრებში უთამაშიათ და კარიერას ამიერიდან საქართველოში გააგრძელებენ. შედეგად, გერმანული სამენჯერო სააგენტოს, "ტრანსფერმარკტის" შეფასებების მიხედვით, ეროვნული ლიგის მონაწილე გუნდების ჯამური ფასიც გაიზარდა და ლიგის ყველაზე ძვირადღირებულ მოთამაშეთა საშუალო ფასიც.  

ეროვნული ლიგის კლუბების ჯამური ფასი

კლუბი მ.რ. ს.ა. ჯ.ს.ღ. მ.ს.ღ.
დინამო თბ 24 25,5 7,00 292
დინამო ბთ 24 26,9 6,25 260
საბურთალო 25 24,0 6,15 246
ლოკომოტივი 24 23,0 3,88 161
სამტრედია 24 26,3 3,35 140
დილა 21 23,3 3,35 160
თელავი 28 24,5 3,33 119
ტორპედო 22 23,9 2,53 115
ჩიხურა 21 26,9 2,38 113
მერანი 20 30,8 1,98 99

.. - მოთამაშეთა რაოდენობა; .. - საშუალო ასაკი; ... - ჯამური საბაზრო ღირებულება; ... - მოთამაშეთა საშუალო ღირებულება.

სულ ლიგაში 232 მოთამაშეა, რომელთა საშუალო ასაკია 25,4 წელია, კლუბების ჯამური ფასი შეადგენს 40,08 მილიონ ევროს, ხოლო მოთამაშეთა საშუალო ფასი 173 ათას ევრომდე გაიზარდა. ევროპული ანალოგიების გათვალისწინებით, ცხადია, ეს მიზერული ციფრია, მაგრამ ლაკმუსის ქაღალდის როლს ასრულებს და გვეუბნება, წინსვლაა თუ უკუსვლა.

ყველაზე ძვირად ღირებული ლეგიონერები

ფეხბურთელი კლუბი/ეროვნ ღირებულება
ინკუმი სამტ/გან 800,000
პერალესი დინ თბ/ესპ 700,000
ფლამარიონი დინ ბთ/ბრა 700,000
ობოაბონა დინ ბთ/ნიგ 650,000
რეინალდო დინ ბთ/ბრა 425,000
ვაგნერი დინ ბთ/ბრა 400,000
კოვტალიუკი დილ/უკრ 400,000
ბენიო დინ თბ/ტოგ 300,000
ორშულა დინ თბ/სლკ 250,000
ლევჩენკო დინ ბთ/უკრ 250,000
ტეიდი დინ ბთ/ნიგ 250,000

საინტერესოა, რომ "სამტრედიას" მოთამაშეთა ჯამური ფასი 3,35 მილიონი ევროა და ესეც იმის ხარჯზე აიწია, რომ გუნდში განელი მოთამაშე სამუელ ინკუმი დაიმატეს. ის საქართველოს ეროვნული ლიგის ყველაზე ძვირად ღირებული უცხოელი ფეხბურთელი გამოდგა. მისი შეფასება ლამის "სამტრედიას" ჯამური ფასის მეოთხედს უტოლდება.

ეროვნული ლიგის ყველაზე ძვირად ღირებული მოთამაშეები

ფეხბ კლუბი ღირ
ნინუა დინამო თბ 1,000,000 
ნიკა მალი საბურთალო 0,800,000
ინკუმი სამტრედია 0,800,000
პერალესი დინამო თბ 0,700,000
ფლამარიონი დინამო ბთ 0,700,000
გ. კოხრეიძე საბურთალო 0,700,000
ობოაბონა დინამო ბთ 0,650,000
ლაკვეხელიანი საბურთალო 0,500,000
გ. ჭანტურია საბურთალო 0,500,000
ალთუნაშვილი საბურთალო 0,500,000 

ეროვნული ლიგის ყველაზე ძვირად ღირებული ქართველები

ფეხბ კლუბი ღირ
ნინუა დინამო თბ 1,000,000 
ნიკა მალი საბურთალო 0,800,000
გ. კოხრეიძე საბურთალო 0,700,000
ლაკვეხელიანი საბურთალო 0,500,000 
გ. ჭანტურია საბურთალო 0,500,000 
ალთუნაშვილი საბურთალო 0,500,000
კუცია დინამო თბ 0,500,000
გუგეშაშვილი დილა 0,450,000 
მ. კობახიძე დინამო 0,400,000
კვასხვაძე დინამო თბ 0,400,000
ნ. ქავთარაძე დინამო თბ 0,400,000
მჭედლიძე დინამო თბ 0,400,000
ჯიღაური დინამო თბ 0,400,000
2587
მკითხველის კომენტარები / 0 /
მსგავსი ამბები
რუბრიკის სხვა სიახლეები
;